తృటిలో తప్పిన పెను ప్రమాదం.. మంత్రి అడ్లూరి లక్ష్మణ్ కుమార్‌కు గాయాలు!

Adluri Laxman Kumar: కరీంనగర్ జిల్లాలో ఈరోజు ఒక కీలక పరిణామం చోటుచేసుకుంది. రాష్ట్ర మంత్రి అడ్లూరి లక్ష్మణ్ కుమార్‌కి ఒక ప్రమాదం తృటిలో తప్పింది. నగరంలోని ఒక ప్రైవేట్ ఆసుపత్రిలో చికిత్స పొందుతున్న ఒక రోగిని పరామర్శించేందుకు వెళ్లిన సమయంలో ఈ ఘటన జరిగింది. ఆసుపత్రిలో పై అంతస్తుకు వెళ్లేందుకు ఆయన లిఫ్ట్ ఎక్కగా, అది మధ్యలోనే ఒక్కసారిగా ఆగిపోయింది.

దురదృష్టవశాత్తూ, లిఫ్ట్‌కు సంబంధించిన రోప్ ఒక్కసారిగా తెగిపోవడంతో అది వేగంగా కిందకు పడిపోయింది. ఈ ఊహించని పరిణామంతో లోపల ఉన్న మంత్రి అడ్లూరితో పాటు ఆయన వెంట ఉన్న వారు తీవ్ర దిగ్భ్రాంతికి లోనయ్యారు. ఈ ప్రమాదంలో మంత్రికి స్వల్ప గాయాలైనట్లు తెలుస్తోంది. ప్రమాదం జరిగిన వెంటనే అప్రమత్తమైన ఆయన వ్యక్తిగత భద్రతా సిబ్బంది , ఆసుపత్రి సిబ్బంది చాకచక్యంగా వ్యవహరించారు.

వెంటనే లిఫ్ట్ తలుపులు తెరిచి మంత్రిని క్షేమంగా బయటకు తీసుకొచ్చారు. పెను ప్రమాదం తప్పడంతో అందరూ ఊపిరి పీల్చుకున్నారు. ప్రస్తుతం మంత్రి ఆరోగ్యం నిలకడగానే ఉందని, ఆందోళన చెందాల్సిన పనిలేదని ఆయన సన్నిహిత వర్గాలు తెలిపాయి.

Also Read: విద్యపై ఖర్చు కాదు.. భవిష్యత్తుపై పెట్టుబడి.. హుజూరాబాద్ ఎమ్మెల్యే

మంత్రి అడ్లూరి లక్ష్మణ్‌కు తప్పిన ప్రమాదం

మంత్రి అడ్లూరి లక్ష్మణ్‌కు ప్రమాదం తప్పింది. కరీంనగర్‌లోని ఓ ప్రైవేట్ ఆస్పత్రికి రోగిని పరామర్శించేందుకు ఆయన వెళ్లారు. ఆ సమయంలో లిఫ్ట్ వైర్ తెగిపడటంతో మంత్రి అడ్లూరి లక్ష్మణ్‌కు స్వల్ప గాయాలయ్యాయి. వెంటనే అప్రమత్తమైన సిబ్బంది మంత్రిని… pic.twitter.com/skkLzt17Ys

— ChotaNews App (@ChotaNewsApp) May 13, 2026

Share

• 
• 
• 
• 
• 
•