బీజేపీ నాయకులు చేసే ముట్టడులకు గానీ.. వారు పిలుపునిచ్చే బంద్లకు గానీ కాంగ్రెస్ పార్టీ ఏమాత్రం భయపడదని భువనగిరి ఎంపీ చామల కిరణ్ కుమార్ రెడ్డి స్పష్టం చేశారు. గాంధీ భవన్లో జరుగుతున్న గిగ్ వర్కర్ల సమావేశాన్ని అడ్డుకోవడానికి బీజేపీ ప్రయత్నించడంపై ఆయన తీవ్ర ఆగ్రహం వ్యక్తం చేశారు. ప్రజా సమస్యలను పరిష్కరించడం మానేసి.. కేవలం రాజకీయ లబ్ధి కోసమే బీజేపీ ధర్నాలకు దిగుతోందని ఆయన విమర్శించారు.
గాంధీ భవన్లో గిగ్ వర్కర్ల సంక్షేమం కోసం అత్యంత కీలకమైన కార్యక్రమం జరుగుతుంటే.. ఆ సమయంలో బీజేపీ నాయకులు వచ్చి ఆందోళనలు చేయడం వారి అజ్ఞానానికి నిదర్శనమని మండిపడ్డారు. పేద కార్మికుల కష్టాలపై కాంగ్రెస్ చర్చిస్తుంటే.. బీజేపీ మాత్రం అడ్డంకులు సృష్టించాలని చూడటం దురదృష్టకరమన్నారు. తమ పార్టీ నాయకులు ఎవరూ ఇలాంటి బెదిరింపులకు లొంగరని తేల్చి చెప్పారు.
బీజేపీ నాయకులు ఇప్పటి వరకు ప్రజల కష్టాలపై పోరాటం చేసిన దాఖలాలు లేవని చామల ఎద్దేవా చేశారు. ధర్నాలు.. బంద్లు చేయడం తప్ప వారికి మరొకటి తెలియదని విమర్శించారు. కేంద్రంలో అధికారంలో ఉన్న బీజేపీ.. రాష్ట్ర ప్రజలకు ఇచ్చిన హామీలను నెరవేర్చడంలో విఫలమైందని ఆరోపించారు. సమస్యల పరిష్కారం కంటే గందరగోళం సృష్టించడమే వారి ప్రధాన అజెండాగా మారిందని పేర్కొన్నారు.
ప్రజాక్షేత్రంలో పోరాడటం అంటే రోడ్ల మీద అరిచి గోల చేయడం కాదని.. ప్రజల ఇబ్బందులను అర్థం చేసుకుని వాటికి పరిష్కార మార్గాలు చూపాలని హితవు పలికారు. బీజేపీ తన పంథా మార్చుకోకపోతే ప్రజలే బుద్ధి చెబుతారని హెచ్చరించారు. భవిష్యత్తులో కూడా ప్రజా సంక్షేమ కార్యక్రమాలను అడ్డుకోవాలని చూస్తే సహించేది లేదని కిరణ్ కుమార్ రెడ్డి స్పష్టం చేశారు.
కాంగ్రెస్ ప్రభుత్వం పేదల పక్షాన నిలబడుతుందని.. గిగ్ వర్కర్లతో పాటు అన్ని వర్గాల వారికి న్యాయం చేస్తుందని ధీమా వ్యక్తం చేశారు. కేవలం వార్తల్లో నిలవడానికి చేస్తున్న ఇటువంటి ప్రయత్నాలు ఆపి.. నిర్మాణాత్మకమైన విమర్శలు చేయాలని సూచించారు. బంద్లు.. ముట్టడుల సంస్కృతిని వీడి ప్రజలకు ఉపయోగపడే పనులు చేయాలని బీజేపీ నేతలకు చురకలు అంటించారు.
Share
Pawan Kalyan: జనసేన పార్టీ బలోపేతంపై పవన్ కల్యాణ్ ఫుల్ ఫోకస్.. నెక్స్ట్ ప్లాన్ ఇదే..?
Mercedes Baby G-Class: లాంచ్ కు రెడీ అవుతున్న మెర్సిడెస్ బేబీ జి-క్లాస్, మార్కెట్ లోకి వచ్చేది ఎప్పుడంటే?
