Rice Price: ఆదాయం తక్కువ.. నిత్యావసర వస్తువుల ధరలు ఎక్కువ. సగటు మధ్యతరగతి పౌరుడి ఆవేదన ఇది. నిన్నమొన్నటి వరకూ వంటనూనెలు, కూరగాయలు, ఇతర నిత్యావసర వస్తువుల ధరలు కొండెక్కితే.. ఇప్పుడు ఆ జాబితాలోకి బియ్యం కూడా చేరాయి. గతంలో ఎప్పుడూ లేనంతగా బియ్యం ధరలు పెరుగుతుండటం కంటిమీద కునుకులేకుండా చేస్తోంది. నిన్నటి వరకూ కిలో బియ్యం ధర రూ.45-50 మధ్య ఉండగా.. ఇప్పుడు ఏకంగా రూ.60కి చేరింది. ఇంకొంచి మేలురకమైతే కిలో రూ.70 వరకూ చెల్లించాల్సిందే.
మనం ఎక్కువగా వాడే బీపీటీ, హెచ్ఎంటీ, సోనామసూరి రకాల బియ్యం ధరలు క్వింటాలుపై సుమారు రూ.1000 -1500 వరకూ పెరిగాయి. గతేడాది క్వింటాలు బియ్యం ధర రూ.4500 -5000 మధ్య ఉండగా.. ఇప్పుడు ఏకంగా రూ.6200కు పెరిగింది. పాతబియ్యం కావాలంటే.. రూ.7500 ఖర్చు పెట్టాల్సిందే. గతంలో హెచ్ఎంటీ, బీపీటీ కొత్తరకం బియ్యం క్వింటాలు ధర రూ.3300-3500 వరకూ ఉండగా.. ఇప్పుడు రూ.4500కు పెరిగింది. హైదరాబాద్ లో సాధారణరకం 25 కిలోల బస్తా ధర రూ.180-రూ.250 మేర పెరిగి రూ.1350కు చేరుకుంది. క్వాలిటీ బియ్యం బస్తా ధర అయితే రూ.1650-1800 మధ్య పలుకుతోంది.
బియ్యం ధరలు ఇలా పెరగడానికి కారణం.. వరిసాగు తగ్గడమేనని నిపుణులు చెబుతున్నారు. వర్షాకాలంలో వరిసాగు పెరిగినా.. వర్షాభావ పరిస్థితులు, కొన్ని ప్రాంతాల్లో వరదలు కారణంగా వరిపంటలు ఎక్కువగా దెబ్బతిన్నాయి. ప్రతిఏటా సన్నాల సాగు 50 శాతం ఉంటే.. 2023లో మాత్రం 30 శాతమే దిగుబడి వచ్చింది. మున్ముందు ఇవే పరిస్థితులుంటే బియ్యం ధరలు మరింత పెరుగుతాయని వ్యాపారులు చెబుతున్నారు.
Share
Astrology: జనవరి 12.. ఏడేళ్ల తర్వాత అద్భుతం.. ఈ రాశుల వారికి డబ్బే డబ్బు!
YS Sharmila : షర్మిల కాంగ్రెస్ లో చేరికకు ముహూర్తం ఫిక్స్.. పార్టీ విలీనం ఎప్పుడంటే?
