Rising Prices: సామాన్యుడి జీవితం బతుకు భారం అవుతోంది. నిత్యావసరాలు ధరలు నిప్పులు చెరుగుతున్నాయి. కూరగాయల మార్కెట్ కి వెళ్తే ధరలు చూసి కొనాల వద్దా అన్న సందేహం కలుగుతోంది.కుటుంబానికి అవసరమైన సరుకులు కొనుగోలు చేయాలంటే జేబుకు చిల్లు పడే పరిస్థితి నెలకొంది. రోజురోజుకు పెరుగుతున్న ఖర్చులకు అనుగుణంగా ఆదాయం పెరగకపోవడంతో పేద, మధ్యతరగతి కుటుంబాలు ఆర్థిక ఒత్తిడిని ఎదుర్కొంటున్నాయి.
ఒకప్పుడు నెలవారి ఆదాయంతో కుటుంబ అవసరాలను సర్దుబాటు చేసుకునే పరిస్థితి ఉండగా ప్రస్తుతం అత్యవసరాలకు అధిక మొత్తంగా ఇతరుల నుంచి సర్దుబాటు చేసుకుని పరిస్థితి రావడంతో ప్రజలు ఆవేదన వ్యక్తం చేస్తున్నారు. నిత్యవసర సరుకులపై నియంత్రణ, పర్యవేక్షణ చేపట్టి సరఫరా వ్యవస్థను మెరుగుపరిచి సామాన్యులకు అందుబాటులో ధరలు, సరుకులు లభించేలా ప్రభుత్వం చర్యలు తీసుకోవాలని ప్రజలు కోరుతున్నారు. ధరల భారంతో ప్రజల వంటింటి బడ్జెట్ కుదేలు అవ్వకుండా తక్షణ ఉపశమన చర్యలు ప్రభుత్వం చేపట్టాలని డిమాండ్ చేస్తున్నారు. ధరల పెరుగుదలకు కారణాలను గుర్తించాలని కోరుతున్నారు.
కూరగాయలు ప్రతి కుటుంబానికి నిత్యవసరమే పప్పు, కూర ఇతర వంటకాలకు కావాల్సిన పదార్థాలు పెరిగితే ఆ ప్రభావం నేరుగా సామాన్యుడిపై పడుతుంది. మార్కెట్లో కూరగాయలు కొనుగోలు చేసేందుకు వెళ్లిన వినియోగదారులు ధరలు తెలుసుకొని పరిమితంగా కొనుగోలు చేయవలసి వస్తుందని చెబుతున్నారు.
కూలీ పనులు చేసుకుని కార్మికులు, చిరుద్యోగులు, చిన్న వ్యాపారులు పరిమిత ఆదాయంతో జీవనం సాగించే కుటుంబాలకు ధరల పెరుగుదల మరింత భారంగా మారుతుంది. ఇంటి అద్దె, విద్యుత్ బిల్లులు, పిల్లల చదువులు, వైద్య ఖర్చులతో ఇప్పటికే సతమతమవుతున్న కుటుంబాలకు నిత్యావసరాలు అదనపు భారాన్ని మోపుతున్నాయి. ప్రస్తుతం ఎల్ నిన్ను ప్రభావంతో బియ్యం, పప్పులు,జొన్నల ధరలు విపరీతంగా పెరుగుతుండడంతో ఆదాయం కంటే వ్యయమే ఎక్కువ అవుతుండడంతో ప్రజలు ఆందోళన వ్యక్తం చేస్తున్నారు.
Share
ఎస్పీ బాలు చివరి రోజుల్లో ఏం జరిగిందో తెలుసా? కన్నీళ్లు పెట్టించిన సాలూరి వాసు రావు!
రామంతాపూర్ పెద్ద చెరువు వద్ద.. హైడ్రా సంచలన కూల్చివేతలు!
