కన్న కూతురిపై తండ్రి.. భర్తను చెట్టుకు కట్టేసి భార్య ఏం చేసిందంటే.. సిద్ధిపేటలో దారుణం!

Siddipet Crime: అన్నం పెట్టాల్సిన వాడే కామరూపుడైతే… కన్నతల్లే కాలయముడైంది! కుమార్తెపై కన్నేసి, రాక్షసానందానికి తెగబడిన భర్తను ఓ భార్య బంధువులతో కలిసి అంతమొందించింది. సిద్దిపేట జిల్లాలో జరిగిన ఈ దారుణ ఘటన స్థానికంగా కలకలం రేపింది.

భర్త నుంచి ప్రాణ రక్షణే లక్ష్యంగా..

సిద్దిపేట జిల్లా అక్కన్నపేట మండలం సేవాలాల్ తండాలో ఈ దారుణ ఘటన వెలుగు చూసింది. పదిహేనేళ్ల క్రితం రాజేశ్వరిని బానోతు భగవాన్ (43) రెండో వివాహం చేసుకున్నాడు. అయితే మొదటి భర్త ద్వారా రాజేశ్వరికి జన్మించిన కుమార్తెపైనే భగవాన్ కన్నేశాడు. రోజూ లైంగిక వేధింపులకు పాల్పడుతూ పడక సుఖం కోరడంతో ఆ బాలిక నరకం అనుభవించింది. ఈ అఘాయిత్యం గురించి కూతురు కన్నీటిపర్యంతమై తల్లికి చెప్పడంతో రాజేశ్వరి గుండె పగిలిపోయింది. కన్న కూతురిని కాపాడుకోవాల్సిన భర్తే కామపిశాచిగా మారడాన్ని ఆమె జీర్ణించుకోలేకపోయింది.

చెట్టుకు కట్టేసి.. కారం చల్లి..

కూతురి రోదనలు రాజేశ్వరిలో పగను రగిలించాయి. భర్తపై విపరీతమైన ఆగ్రహంతో రగిలిపోయిన ఆమె, తన బంధువులతో కలిసి పథకం వేసింది. ఇంట్లో నిద్రపోతున్న భగవాన్‌ను బలవంతంగా బయటకు లాక్కొచ్చి సమీపంలోని చెట్టుకు గట్టిగా కట్టేశారు. ఎవరికీ అనుమానం రాకుండా, అరిస్తే ఎవరూ రక్షించలేరనే ఉద్దేశంతో తొలుత కళ్లలో కారం చల్లారు. అనంతరం ఇనుప రాడ్‌తో తలపై విచక్షణారహితంగా బాదారు. తీవ్ర రక్తస్రావం కావడంతో భగవాన్ అక్కడికక్కడే ప్రాణాలు కోల్పోయాడు.

Also Read: శుభకార్యానికి వెళ్లి వస్తుండగా ఘోర ప్రమాదం.. నలుగురు మృతి

పోలీసుల ఎంట్రీ.. ఏసీపీ వెల్లడించిన నిజాలు

ఈ హత్యపై సమాచారం అందుకున్న హుస్నాబాద్ ఏసీపీ సదానందం వెంటనే ఘటనా స్థలాన్ని పరిశీలించారు. దర్యాప్తు చేపట్టిన పోలీసులు రాజేశ్వరితో పాటు ఆమెకు సహకరించిన బంధువులను అదుపులోకి తీసుకున్నారు. భార్య రాజేశ్వరిని అరెస్ట్ చేసి రిమాండ్‌కు తరలించినట్లు ఏసీపీ మీడియాకు వెల్లడించారు. కూతురి మానప్రాణాలను కాపాడుకునే క్రమంలో ఆ తల్లి తీసుకున్న అతి తీవ్రమైన నిర్ణయం ఇప్పుడు ఆ ప్రాంతంలో చర్చనీయాంశమైంది.

కుమార్తెను వేధించాడని.. భర్తను చంపిన భార్య

సిద్దిపేట జిల్లా అక్కన్నపేట మండలం సేవాలాల్ తండాలో కుమార్తెపై లైంగిక వేధింపులకు పాల్పడుతున్నాడనే ఆరోపణలతో భర్త భగవాన్‌ను భార్య రాజేశ్వరి బంధువులతో కలిసి ఇనుప రాడ్‌తో కొట్టి హత్య చేసి చెట్టుకు కట్టేశారు. పోలీసులు నిందితురాలిని అరెస్టు… pic.twitter.com/ir1C4aIeXz

— BIG TV Breaking News (@bigtvtelugu) October 13, 2026

చెట్టుకు కట్టేసి భర్తను హత్య చేసిన భార్య.. కీలక విషయాలు వెల్లడించిన ACP

సిద్దిపేట జిల్లా అక్కన్నపేట మండలం సేవాలాల్ తండాకు చెందిన రాజేశ్వరి 15 ఏళ్ల క్రితం బానోతు భగవాన్‌(43)ను రెండో వివాహం చేసుకున్నట్లు హుస్నాబాద్ ACP సదానందం తెలిపారు. రాజేశ్వరి మొదటి భర్తతో జన్మించిన కుమార్తెపై… https://t.co/CclZlaIUA8 pic.twitter.com/RSEeq3lVK1

— BIG TV Breaking News (@bigtvtelugu) October 13, 2026