Youth Talent: స్వేచ్చ బ్యూరో: తెలంగాణకు ఉన్న అతిపెద్ద బలం యువతలోని నైపుణ్యం, ప్రతిభ, ప్రపంచ స్థాయి పోటీతత్వమేనని మంత్రి దుద్దిళ్ల శ్రీధర్‌బాబు పేర్కొన్నారు. ఈ ప్రతిభ కారణంగానే హైదరాబాద్‌ సాంకేతిక, ఆవిష్కరణ, ఆర్థిక సేవలు, గ్లోబల్ కెపాబిలిటీ సెంటర్లకు (జీసీసీ) దేశంలోనే ప్రముఖ గమ్యస్థానంగా ఎదుగుతోందని వెల్లడించారు.
జూబ్లీహిల్స్‌లో బుధవారం జరిగిన డిఇ షా షా ఇండియా 30వ వార్షికోత్సవ వేడుకల్లో మంత్రి పాల్గొని ప్రసంగించారు. హైదరాబాద్‌ సామర్థ్యాన్ని తొలినాళ్లలోనే గుర్తించిన ప్రపంచస్థాయి ఆర్థిక, సాంకేతిక సంస్థల్లో డిఇ షా ఒకటని అన్నారు. హైదరాబాద్‌ గత మూడు దశాబ్దాల్లో ఎంతో మారిందని, సాంకేతికత, ఆవిష్కరణలు, ఆర్థిక సేవలు, గ్లోబల్ కెపబిలిటీ సెంటర్లకు దేశంలోనే ప్రముఖ కేంద్రంగా ఎదిగిందని, యువతలోని నైపుణ్యం, ప్రతిభే మన ప్రధాన బలం” అని పేర్కొన్నారు.ప్రపంచ సంస్థలు కేవలం తమ కార్యకలాపాలను నిర్వహించే ప్రదేశంగా కాకుండా.. కొత్త ఆవిష్కరణలు, అత్యున్నత విలువ కలిగిన కార్యకలాపాలు, భవిష్యత్‌ సాంకేతికతల అభివృద్ధికి తెలంగాణను కేంద్రంగా ఎంచుకునేలా ప్రభుత్వం పనిచేస్తోందని తెలిపారు.
ప్రపంచ సంస్థలు ఇక్కడ విస్తరించాలని, ఆవిష్కరణలకు శ్రీకారం చుట్టాలని, అత్యున్నత నైపుణ్యంతో కూడిన ఉద్యోగాలను సృష్టించాలని, ఇందుకు అవసరమైన అనుకూల వాతావరణాన్ని తెలంగాణ ప్రభుత్వం కల్పిస్తోందన్నారు. ప్రపంచస్థాయి సంస్థల విస్తరణకు తెలంగాణ ప్రభుత్వం పూర్తి సహకారం అందిస్తుందని మంత్రి స్పష్టం చేశారు.ప్రపంచ సాంకేతిక, ఆర్థిక సేవల సంస్థలకు తెలంగాణను మరింత ఆకర్షణీయ గమ్యస్థానంగా తీర్చిదిద్దడమే ప్రభుత్వ లక్ష్యమన్నారు.
Also read: ఇండస్ట్రీలో విషాదం.. ‘అగ్గిపెట్టె మచ్చ’ కిరణ్ మృతి!
Share
తెలంగాణలో కాంగ్రెస్ భారీ ఆందోళనకు పిలుపు.. 'చలో రాజ్‌భవన్' ఎప్పుడంటే?
మా లాయర్లలో మంచి నటులున్నారు.. వారితో సినిమా తీయండి: సుప్రీంకోర్టు
