Hyderabad: హైదరాబాద్ నగరంలో వాహనదారులకు బిగ్ అలర్ట్. నకిలీ అనధికారిక వెహికల్ రిజిస్ట్రేషన్ నెంబర్ ప్లేట్లతో తిరిగే వాహనాలపై ఫోకస్ చేశారు ట్రాఫిక్ పోలీసులు. గడిచిన వారంలో 10 క్రిమినల్ కేసులు నమోదు చేశారు. పొరపాటున నకిలీ నెంబర్ ప్లేట్‌తో వాహనాలపై తిరిగే నేరుగా జైలుకి వెళ్లడం ఖాయం.
హైదరాబాద్ సిటీలో వాహనాదారులకు బిగ్ అలర్ట్
తెలంగాణలోని హైదరాబాద్ సిటీలో నకిలీ, అనధికార వాహన రిజిస్ట్రేషన్ నెంబర్లపై ఫోకస్ చేశారు పోలీసులు. ముమ్మరంగా చేపట్టిన తనిఖీల్లో భాగంగా హైదరాబాద్ సిటీలో గత వారం 10 కేసులు నమోదు అయ్యాయి. స్థానికుల ఫిర్యాదుల మేరకు ట్రాఫిక్ విభాగం ఈ చర్యలు చేపట్టింది.
ముఖ్యంగా మెహదీపట్నం, మహంకాళి, టోలిచౌకి, గుడి మల్కాపూర్, అంబర్‌పేట్, చత్రినాక, సంతోష్‌నగర్, సనత్‌నగర్, సైఫాబాద్ సహా పలు పోలీస్ స్టేషన్ల పరిధిలో ఆయా కేసులు నమోదు చేశారు. వాహనాల అసలు గుర్తింపును దాచిపెట్టి ట్రాఫిక్ రూల్స్ , చలానాల నుంచి తప్పించుకోవడానికి కొందరు నంబర్ ప్లేట్లను ట్యాంపరింగ్ చేస్తున్నట్లు పోలీసుల దృష్టికి వచ్చింది.
నకిలీ నెంబర్ ప్లేట్లతో రోడ్లపై తిరిగితే నేరుగా జైలుకే
ఇలాంటి మోసాలకు పాల్పడితే వాహనాలను సీజ్ చేయడం, వారిపై కఠినమైన క్రిమినల్ చర్యలు తప్పవని హెచ్చరిస్తున్నారు ట్రాఫిక్ పోలీసులు.అధీకృత రిజిస్ట్రేషన్ ప్లేట్లను ఉపయోగించాలని, ట్రాఫిక్ నిబంధనలను పాటించాలని పౌరులకు సూచించారు. హైదరాబాద్ పోలీస్ కమిషనర్ సజ్జనార్ జూన్ నెల ఆరంభలో ఆపరేషన్ కవచ్‌ పేరిట తనిఖీలు చేపట్టారు.
కమిషనర్ వాహనాలను స్వయంగా తనిఖీ చేశారు. ఈ డ్రైవ్‌లో దాదాపు 2,149 నకిలీ నంబర్ ప్లేట్ల వాహనాలను సీజ్ చేశారు. కొందరు వ్యక్తులు నంబర్ ప్లేట్లను మార్చడం వల్ల చలాన్ల నుంచి సులభంగా తప్పించుకుంటున్నారు. ఫలితంగా అమాయక పౌరులకు తప్పుడు ఈ-చలానాలు వెళ్తున్నాయి.
ALSO READ: తుంగభద్ర నదీ జలాల వివాదం.. కేంద్రం రంగంలోకి దిగాల్సిందే.. సీఎం రేవంత్ రెడ్డి విజ్ఞప్తి
ఆ తరహా సమస్యలు శాంతిభద్రతలకు పెద్ద సవాల్‌గా మారింది. ఈ విషయాన్ని సీపీ స్వయంగా చెప్పారు. ఈ నేపథ్యంలో నగరంలోని వాహనదారులు రవాణా శాఖ ఆమోదించిన నెంబర్ ప్లేట్లను వాడాలన్నారు. అదే సమయంలో ట్రాఫిక్ నిబంధనలను కచ్చితంగా పాటించాలని సూచిస్తున్నారు అధికారులు.
Share
తుంగభద్ర నదీ జలాల వివాదం.. కేంద్రం రంగంలోకి దిగాల్సిందే.. సీఎం రేవంత్ రెడ్డి విజ్ఞప్తి
చేతబడులు, క్షుద్రపూజలు తిప్పి కొడితే ? కొన్ని గంటల్లో ఓటీటీలోకి మలయాళం హర్రర్, థ్రిల్లర్!
