ప్రతి దేశంలో కొన్ని పర్యాటక ప్రాంతాలు ఉంటాయి. వాటిని చూసేందుకు టూరిస్టులు తరలి వస్తుంటారు. ప్రకృతి రమణీయతను చూసి ఎంజాయ్ చేస్తుంటారు. కానీ, కొన్ని దేశాల్లోని కొన్ని ప్రదేశాలకు పర్యాటకులను అస్సలు అనుమతించరు. భద్రతా కారణాలతో కొన్ని ప్రాంతాలకు, పురాతన ప్రాంతాలను కాపాడాలనే ఉద్దేశంతో మరికొన్ని ప్రదేశాలకు టూరిస్టులను అనుమతించడం లేదు. ఇంతకీ పర్యాటకులను నిషేధించిన ఆ ప్రాంతాలు ఏవంటే..
⦿ స్వాల్బార్డ్ సీడ్ వాల్ట్, నార్వే
స్వాల్బార్డ్ సీడ్ వాల్ట్ అనేది నిషేధిత ప్రాంతాల్లో ఒకటి. దీనిని డూమ్స్‌ డే వాల్ట్ అని కూడా పిలుస్తారు. ఇది ప్రపంచ ఆహార భద్రత కోసం పంట విత్తనాలతో కూడిన సురక్షితమైన విత్తన భాండాగారం. అందుకే ఈ ప్రాంతంలోకి పర్యాటకులను నిషేధించారు.
⦿ UN బఫర్ జోన్, సైప్రస్
UN బఫర్ జోన్ అనేది సైప్రస్ లో 110-మైళ్ల పరిధిలో విస్తరించి ఉంది. గ్రీక్, టర్కిష్ ను ఈ ప్రాంతం వేరు చేస్తుంది. ఈ ప్రాంతంలో నిత్యం ఉద్రిక్తతలు కొనసాగుతాయి. ఇక్కడ శాంతిని పరిరక్షించేందు ఐక్యరాజ్య సమితి ప్రయత్నిస్తోంది. ఈ కారణంగా ఈ ప్రాంతంలోకి పర్యాటకులను అనుమతించడం లేదు.
⦿ క్విన్ షి హువాంగ్, చైనా సమాధి
క్విన్ షి హువాంగ్ అనే ప్రాంతంలో చైనా మొదటి చక్రవర్తి సమాధి ఉంటుంది. ఈ సమాధి భద్రతా బలగాల వలయంలో ఉంటుంది. పురాతనమైన ఈ సమాధిని సంరక్షించాలనే ఉద్దేశంతో పర్యాటకులను ఇక్కడికి అనుమతించడం లేదు.
⦿ ఏరియా 51, నెవాడా, USA
ఈ ప్రాంతంలో యుఎస్ ఎయిర్ ఫోర్స్ బేస్ ఉంది. ఇక్కడ గ్రహాంతర పరిశోధనలు కొనసాగుతాయి. గ్రహాంతర వాసుల గురించి శాస్త్రవేత్తలు ఇక్కడి నుంచి అన్వేషణ కొనసాగిస్తున్నట్లు ఊహాగానాలు వినిపిస్తాయి. అందుకే ఈ ప్రాంతాన్ని రహస్య ప్రాంతంగా కొనసాగిస్తున్నారు. పరిశోధనా భద్రతా కారణాలతో ఇక్కడికి పర్యాటకులను అనుమతించడం లేదు.
⦿ నార్త్ సెంటినెల్ ద్వీపం, భారత్
భూమిపై అత్యంత ప్రమాదకరమైన ప్రదేశాలలో నార్త్ సెంటినెల్ ద్వీపం కూడా ఒకటి. అండమాన్ దీవులలో ఈ ద్వీపం కూడా ఉంది. ఇక్కడ సెంటినెలీస్ అనే అరుదైన తెగ ప్రజలు ఉంటారు. వారిని, వారి ప్రత్యేక సంస్కృతిని రక్షించడానికి పర్యాటకులను ఇక్కడికి అనుమతించడం లేదు. భారత ప్రభుత్వం 1991లో సందర్శకులను నిషేధిస్తూ నిర్ణయం తీసుకుంది.
⦿ వాటికన్ సీక్రెట్ ఆర్కైవ్స్, వాటికన్ సిటీ
వాటికన్ సీక్రెట్ ఆర్కైవ్స్ లో సున్నితమైన చారిత్రక పత్రాలు, రహస్య రికార్డులు ఉన్నాయి. సాధారణ పర్యాటకులను లోపలికి అనుమతించరు. కానీ, మతాధికారులు, పరిశోధకులు లోపలికి వెళ్లేందుకు అనుమతిస్తారు.
⦿ ఫోర్ట్ నాక్స్, కెంటుకీ, USA
ఫోర్ట్ నాక్స్ భారీ మొత్తంలో బంగారం నిల్వకు US బులియన్ డిపాజిటరీకి నిలయం. భద్రతా కారణాల దృష్ట్యా, ఈ ప్రదేశంలోకి పర్యాటకులకు అనుమతించరు.
⦿లాస్కాక్స్ కేవ్, ఫ్రాన్స్
లాస్కాక్స్ గుహ ఓ పురాతన గుహ. ఇందులో 17,000 సంవత్సరాల నాటి చిత్రాలు ఉంటాయి. ఈ గుహలోకి 1963 నుంచి పర్యాటకులను అనుమతించడం లేదు. ఇందులోని పెళుసుగా ఉండే కళాకృతులను రక్షించడానికి పురావస్తు అదికారులు ఈ నిర్ణయం తీసుకున్నారు.
Share
Director Siva: ‘కంగువ’లో గెస్ట్ రోల్ అస్సలు ఊహించలేరు, తెలుగులో ప్రతీ స్టార్‌తో పనిచేయాలని ఉంది
Tamannaah Bhatia: బ్లాక్ కలర్‌లో వావ్.. ఫోటోలతోనే మత్తెక్కిస్తున్న మిల్కీ బ్యూటీ!
