Railway Budget Allocation 2025-26: కేంద్ర ప్రభుత్వం ప్రవేశపెట్టిన బడ్జెట్ లో రైల్వేలకు సంబంధించిన పూర్తి వివరాలు వెల్లడయ్యాయి. ఉభయ రాష్ట్రాల్లో చేపట్టబోయే రైల్వే ప్రాజెక్టులు, కేటాంచించిన బడ్జెట్ ఎంతో ఇప్పుడు తెలుసుకుందాం..
ఏపీకి రైల్వే బడ్జెట్ కేటాయింపులు
⦿ ఏపీకి 2025-26కు గాను ఏకంగా రూ.9,417 కోట్లు కేటాయించారు. 2009 నుంచి 2014 వరకు ఉభయ తెలుగు రాష్ట్రాలకు సంబంధించిన రైల్వే ప్రాజెక్టులకు రూ. 886 కోట్లు మాత్రమే కేటాయించారు. గతంతో పోల్చితే 11 రెట్లు ఎక్కువగా కేటాయింపు చేశారు.
⦿ 2009-14 వరకు ఏపీలో 73 కొత్త రైల్వే ట్రాక్ లు నిర్మించగా.. 2014-25 వరకు 142 కొత్త ట్రాక్ లు నిర్మించారు. గతంతో పోల్చితే రెండు రెట్లు ఎక్కువగా నిర్మించారు.
⦿ 2009-14 వరకు ఏడాదికి 37 కిలో మీటర్ల మేర విద్యుదీకరణ చేస్తే, 2014-25 వరకు ఏడాదికి 177 కిలో మీటర్ల చేశారు. గతంతో పోల్చితే 5 రెట్లు ఎక్కువగా చేశారు.
⦿ 2014 నుంచి 1,560 కిలో మీటర్ల మేర కొత్త ట్రాక్ లను నిర్మించారు. ఈ రైల్వే లైన్లు మొత్తం శ్రీలంక రైల్వే లైన్ల కంటే ఎక్కువ కావడం విశేషం.
⦿ విద్యుదీకరణకు విషయానికి వస్తే 2014 నుంచి 1,949 కిలో మీటర్ల మేర ఎలక్ట్రిఫికేషన్ చేశారు. ప్రస్తుతం ఏపీలో 100 శాతం విద్యుదీకరణ ఉన్నట్లు కేంద్రం వెల్లడించింది.
⦿ ప్రస్తుతం ఏపీలో కొత్త ట్రాక్ లకు సంబంధించి 43 ప్రాజెక్టులు కొనసాగుతున్నాయి. 5,560 కిలో మీటర్ల మేర నిర్మించనున్నారు. వీటికి రూ. 80,097 కోట్లు అవసరం అవుతాయని అంచనా.
⦿ అమృత్ స్టేషన్స్ లో భాగంగా ఏపీలో 73 రైల్వే స్టేషన్లను రూ. 2,051 కోట్లతో డెవలప్ డెవలప్ చేసినట్లు వెల్లడించారు.
⦿ కవచ్ వ్యవస్థను మొత్తం 2,981 కిలో మీటర్ల మేర ఏర్పాటు చేయనున్నట్లు వెల్లడించింది. ఇందులో 1,700 టెండర్ ప్రక్రియ కొనసాగుతుండగా, 130 కిలో మీటర్ల పరిధిలో కొనసాగుతున్నది.
⦿ 2014 నుంచి ఏపీలో 770 రైల్వే ప్లైఓవర్స్, అండర్ బ్రిడ్జిలను నిర్మించారు.
⦿ ఏపీలో ప్రస్తుతం 8 వందేభారత్ రైళ్లు నడుస్తున్నాయి. ఇవి మొత్తం 15 జిల్లాలను కవర్ చేస్తున్నాయి.
⦿ ఇక ఓ అమృత్ భారత్ ఎక్స్ ప్రెస్ పరుగులు తీస్తున్నది. మాల్దా-బెంగళూరు మధ్య నడిచే ఈ రైలు ఏపీలోని మొత్తం 9 జిల్లాలను కవర్ చేస్తున్నది.
రైల్వే బడ్జెట్లో తెలంగాణకు కేటాయింపులు
⦿ రైల్వే బడ్జెట్ లో తెలంగాణకు రూ.5337 కోట్లు కేటాయించారు. 2009-14 వరకు ఉభయ తెలంగాణకు రూ. 886 కోట్లు కేటాయించగా.. ఈసారి తెలంగాణ ఏకంగా 6 రెట్లు ఎక్కువగా కేటాయించారు.
⦿ తెలంగాణలో 2009-14 వరకు ఏడాదికి 17 కిలో మీటర్ల చొప్పున నిర్మించగా, 2014-25లో ఏడాదికి 68 కిలో మీటర్ల మేర నిర్మించారు. అంటే, గతంతో పోల్చితే నాలుగు రెట్లు ఎక్కువగా నిర్మించారు.
⦿ 2009-14 వరకు ఏడాదికి సగటున 41 కిలో మీటర్ల మేర విద్యుదీకరణ చేస్తే, 2014-25 వరకు సగటున ఏడాదికి 100 కిలో మీటర్ల మేర.. 1,096 కిలో మీటర్లు నిర్మించారు. ప్రస్తుతం తెలంగాణలో 100 శాతం విద్యుదీకరణ ఉన్నది.
⦿ 2014 నుంచి తెలంగాణలో 753 కిలో మీటర్ల మేర కొత్త ట్రాక్ లు నిర్మించారు. ఇవి మొత్తం యుఏఈలో రైల్వే నెట్ వర్క్ తో సమానం.
⦿ తెలంగాణలో కొత్త ట్రాక్ లకు సంబంధంచి 22 ప్రాజెక్టులు కొనసాగుతున్నాయి. మొత్తం 2,529 కిలో మీటర్ల మేర 39,300 కోట్ల అంచనా వ్యయంతో కొనసాగుతున్నాయి.
⦿ అమృత్ స్టేషన్స్ లో భాగంగా మొత్తం 40 స్టేషన్లను రూ.1,992 కోట్లతో డెవలప్ చేసినట్లు వెల్లడించారు.
⦿ తెలంగాణ వ్యాప్తంగా 1,326 కిలో మీటర్ల మేర కవచ్ వ్యవస్థను నిర్మించాలని భావించగా, 627 కిలో మీటర్ల మేర నిర్మాణ పనులు కొనసాగుతున్నాయి. 1,011 కిలో మీటర్ల మేర టెండర్ ప్రక్రియ కొనసాగుతుంది.
⦿ 2014 నుంచి తెలంగాణలో 453 ఫ్లైఓవర్లు, అండర్ బ్రిడ్జిలను నిర్మించారు.
⦿ తెలంగాణలో ప్రస్తుతం 5 వందేభారత్ రైళ్లు నడుస్తుండగా, 7 జిల్లాలను కవర్ చేస్తున్నాయి.
⦿ త్వరలో తెలంగాణ నమో భారత్, అమృత్ భారత్ రైళ్లు రానున్నాయి.
⦿ కాజీపేటలో రైల్వే ప్రొడక్షన్ యూనిట్ ను ఏర్పాటు చేయనున్నట్లు రైల్వేమంత్రి అశ్విని వైష్ణవ్ తెలిపారు.
Read Also: దేశంలో అత్యంత రద్దీ రైల్వే స్టేషన్లు.. ఒక్కో స్టేషన్ నుంచి ఎన్ని రైళ్లు రాకపోకలు కొనసాగిస్తాయంటే?
Share
Srikrishna Wife’s Names: శ్రీకృష్ణుడి 8 మంది భార్యల పేర్లేంటో తెలుసా..? అందులో ఒక స్టార్ హీరోయిన్ పేరు కూడా ఉంది
Identity: న్యూ*డ్ వీడియోలతో బ్లాక్ మెయిల్.. టాప్ రేటింగ్ లో త్రిష మూవీ
