Dangerous Railway Routes: ప్రపంచ వ్యాప్తంగా ఎన్నో అద్భుతమైన రైల్వే మార్గాలున్నాయి. వాటిలో కొన్ని ఆహ్లాదాన్ని అందించేవి కాగా, మరికొన్ని భయం పుట్టించేలా ఉన్నాయి. ప్రపంచంలోనే అత్యంత భయంకరమైన టాప్ 5 రైల్వే మార్గాల గురించి ఇప్పుడు తెలుసుకుందాం..
⦿ ట్రెన్ ఎ లాస్ న్యూబ్స్, అర్జెంటీనా
ఈ రైలు అర్జెంటీనాలోని సాల్టా, చిలీలోని పోల్వోరిల్లో ను కలుపుతుంది. సుమారు 217 కిలో మీటర్ల మేర విస్తరించి ఉంది. ఈ రైల్వే లైన్ నిర్మాణానికి ఏకంగా 27 సంవత్సరాలు పట్టింది. 1948లో ఈ రైల్వే లైన్ నిర్మాణ పనులు మొదలు అయ్యింది. సుమారు మూడు దశాబ్దాల తర్వాత రైల్వే సేవలు మొదలయ్యాయి. ఈ రైల్వే లైన్ సముద్ర మట్టానికి ఏకంగా 4200 మీటర్ల ఎత్తులో నిర్మించారు. ఈ రైలు 29 బ్రిడ్జిలు, 21 సొరంగాలు దాటుకుంటూ సుమారు 16గంటల పాటు ప్రయాణాన్ని కొనసాగిస్తుంది.
⦿వైట్ పాస్ & యుకోన్, అమెరికా
ఈ రైల్వే మార్గాన్ని 20 శాతాబ్దం ప్రారంభంలో నిర్మించారు. బంగారు ఖనిజాన్ని తరలించేందుకు ఈ రైల్వే మార్గాన్ని ఉపయోగించారు. ఆ తర్వాత 1982లో మూసేశారు. 1988 తర్వాత మళ్లీ ఈ రైల్వే రూట్ ను ప్రారంభించారు. ప్రస్తుతం స్కగ్వే నుంచి కార్ క్రాస్ వరకూ 67 కిలో మీటర్ల మేర రైల్వే సేవలు కొనసాగుతున్నాయి. అత్యంత ప్రమాదకరమైన కొండ ప్రాంతాల మీదుగా ఈ రైలు ప్రయాణిస్తుంది. ఇందులో వెళ్లాలంటే భయంతో వణికిపోతారు.
⦿ చెన్నై- రామేశ్వరం, భారత్
ప్రపంచంలోనే అత్యంత ప్రమాదకర రైల్వే మార్గాల్లో భారత్ కు చెందిన చెన్నై-రామేశ్వరం రూట్ ఒకటి. చెన్నై-రామేశ్వరం రైల్వే మార్గంలో సుమారు 2.3 కిలో మీటర్లు సముద్రం మీది నుంచి జర్నీ చేయాల్సి ఉంటుంది. ఈ రూట్ లో ప్రయాణించాలంటే చాలా ధైర్యం కావాలి. సముద్రం ఆటు పోట్ల సమయంలో అలలు రైల్లో వెళ్లే వారిని తడిపేస్తుంటాయి. తీవ్రమైన గాలులు వీస్తున్న సమయంలో ఈ వంతెనపై రైలు నెమ్మదిగా ప్రయాణిస్తుంది. ఈ బ్రిడ్జి మీద వెళ్లే సమయంలో ప్రయాణీకులు భయపడతారు.
Read Also: కాశ్మీర్ లోయ కోసం స్పెషల్ ట్రైన్ సెట్లు, ఫీచర్లు చూస్తే వారెవ్వా అనాల్సిందే!
⦿ కురండా రైల్వే, ఆస్ట్రేలియా
ఆస్ట్రేలియాలోని క్వీన్స్ ల్యాండ్ లోని కైర్న్ స్, కురండా ను కలుపుతూ 34 కిలో మీటర్ల మేర రైల్వే మార్గం ఉంటుంది. ఈ రూట్ లో ఏకంగా 15 సొరంగాలు, 40 బ్రిడ్జిలు, సుమారు 100 మూల మలుపులు ఉంటాయి. ఇది ప్రపంచ వారసత్వ సంపదగా యునెస్కో గుర్తింపు పొందింది.
Read Also: దేశంలో పట్టాలెక్కిన తొలి రైలు ఇదే, ఎక్కడి నుంచి ఎక్కడి వరకు ప్రయాణించిందంటే?
⦿ డెవిల్స్ నోస్, ఈక్వెడార్
ఈక్వెడార్ లోని డెవిల్స్ నోస్ రైల్వే రూట్ ను ప్రపంచంలోని అత్యంత భయంకరమైన రైల్వే రూట్లలో ఒకదానిగా గుర్తింపు తెచ్చుకుంది. ఈ రూట్ సుమారు 12 కిలో మీటర్ల మేర విస్తరించి ఉన్నది. ఈ రైల్వే ట్రాక్ ఏకంగా సముద్ర మట్టానికి 800 మీటర్ల ఎత్తులో నిర్మించారు.
Read Also: అక్కడ అడుగు పెడితే ప్రాణాలు పోయినట్టే, దేశంలోనే భయంకరమైన ఘోస్ట్ రైల్వే స్టేషన్ గురించి మీకు తెలుసా?
Share
Pooja hegde: కొంటె చూపుతో కవ్విస్తున్న పూజా హెగ్డే.. ఫొటోస్ వైరల్..!
Sai Pallavi: సాయిపల్లవి ర్యాగింగ్..ఆమెతో చేయడం కష్టమని చేతులు ఎత్తేసిన డైరెక్టర్
