Weekly Trains: ఇక ఆ 10 రైళ్లు తిరుపతి నుంచి కాదు తిరుచానూరు నుంచి నడుస్తాయట, ఎందుకంటే?

Tirupati to Tiruchanur:

తిరుపతి నుంచి నడిచే వీక్లీ రైళ్లకు సంబంధించి దక్షిణ మధ్య రైల్వే (SCR) కీలక నిర్ణయం తీసకుంది. 10 వారపు ప్రత్యేక రైళ్లను తిరుపతి నుంచి కాకుండా తిరుచానూరు నుంచి నడపనున్నట్లు ప్రకటించింది. ఆపరేషనల్ రీజన్స్ కారణంగా ఈ నిర్ణం తీసుకున్నట్లు వెల్లడించింది. సవరించిన షెడ్యూల్ అక్టోబర్ 9 నుంచి దశల వారీగా అమలులోకి వస్తుందని తెలిపింది. SCR తాజా నిర్ణయంతో జల్నా, చర్లపల్లి, సికింద్రాబాద్, నాందేడ్ వెళ్లే రైళ్లు ప్రభావింతం కానున్నట్లు అధికారులు తెలిపారు. కొత్త టెర్మినల్ సమయాలను ఈ 10 రైళ్లకు అనుగుణంగా సర్దుబాటు చేసినట్లు రైల్వే అధికారులు తెలిపారు. అయితే, ఆయా రైళ్లు వెళ్లే రూట్ లోని స్టేషన్లలో షెడ్యూల్‌ మారదని ప్రకటించారు.

తిరుపతి నుంచి తిరుచానూరుకు మారిన వీక్లీ రైళ్లు

⦿ అక్టోబర్ 9 నుంచి రైలు నెంబర్- 07009/07010 సికింద్రాబాద్ – తిరుచానూర్ / తిరుచానూర్ – సికింద్రాబాద్ రైళ్లు ఉదయం 10.30 గంటలకు తిరుచానూర్ చేరుకుని సాయంత్రం 4.40 గంటలకు బయలుదేరుతాయి.

⦿ అక్టోబర్ 11 నుంచి రైలు నెంబర్- 07015/07016 నాందేడ్–తిరుచానూర్ / తిరుచానూర్–నాందేడ్ రైళ్లు ఉదయం 11.30 గంటలకు చేరుకుని సాయంత్రం 7.50 గంటలకు బయలుదేరుతాయి.

⦿ అక్టోబర్ 12 నుంచి రైలు నెంబర్ – 07017/07018 చర్లపల్లి – తిరుచానూర్ / తిరుచానూర్ – చర్లపల్లి రైళ్లు ఉదయం 11.15 గంటలకు తిరుచానూర్ చేరుకుని సాయంత్రం 4.40 గంటలకు బయలుదేరుతాయి.

⦿ అక్టోబర్ 13 నుంచి రైలు నెంబర్ – 07609/07610 జల్నా–తిరుచానూర్ / తిరుచానూర్–జల్నా రైళ్లు ఉదయం 10.45 గంటలకు తిరుచానూర్ చేరుకుని మధ్యాహ్నం 3.20 గంటలకు బయలుదేరుతాయి.

⦿ అక్టోబర్ 15 నుంచి రైలు నెంబర్ – 07251/07252 చర్లపల్లి–తిరుచానూర్ / తిరుచానూర్–చర్లపల్లి ఉదయం 8 గంటలకు చేరుకుని సాయంత్రం 4.55 గంటలకు బయలుదేరుతాయి.

ఇక ఈ రైళ్లకు సంబంధించి అన్ని ఎన్‌రోట్ స్టేషన్ల సమయాల్లో ఎటువంటి మార్పు ఉండదని దక్షిణ మధ్య రైల్వే ప్రకటించింది. రైళ్ల ఆపరేషన్స్ ను క్రమబద్ధీకరించడానికి, అధిక ట్రాఫిక్ ఉన్న తిరుపతి టెర్మినల్‌ లో సమయపాలనను మెరుగుపరచడానికి ఈ నిర్ణయం తీసుకున్నట్లు రైల్వే అధికారులు తెలిపారు. ప్రయాణీకులు తమ ప్రయాణాన్ని ప్లాన్ చేసుకునే ముందు తిరుచానూర్‌ రైల్వే స్టేషన్ సవరించిన టైమింగ్స్ ను చెక్ చేసుకోవాలని సూచించారు. రాకపోకలకు సంబంధించిన వివరాలను ముందుగా తెలుసుకుని ప్రయాణీలను కొనసాగించాలని అధికారులు సూచించారు.