Raynapaadu satellite station: విజయవాడ.. దక్షిణ మధ్య రైల్వేలో అతి కీలకమైన కేంద్రం. రోజూ వేలాది ప్రయాణికులు, వందల రైళ్లు అంతా ఇక్కడే! ఏ రూట్ చెప్పినా, ఏ రాష్ట్రం చెప్పినా ఇక్కడ స్టాప్ లేదంటే చాలు, దారే పోతుంది. కానీ ఆ రద్దీ, ఆ ఒత్తిడి ఇక ఇప్పుడు అంతా మారబోతోంది! ఎందుకంటే.. విజయవాడ రైల్వే స్టేషన్‌కు సమానంగా మరొక పెద్ద అడ్డా సిద్ధమవుతోంది. అదే రాయనపాడు శాటిలైట్ స్టేషన్!
ఒక్కసారి ఊహించండి.. రోజుకు 200కి పైగా రైళ్లు, ట్రాక్‌లు భరించలేని వేడి, ప్లాట్‌ఫాంలు ఖాళీ కాక ముందే మరో రైలు వచ్చే పరిస్థితి! ఇది నేడు విజయవాడ స్టేషన్ స్టోరి. కానీ ఇక రాయనపాడు రంగంలోకి దిగింది. ఇప్పటిదాకా ఎవ్వరు పట్టించుకోని చిన్న స్టేషన్ ఇప్పుడు.. రైల్వే ఫ్యూచర్‌కు గేట్‌వే అవుతోంది.
రాయనపాడు అంటే విజయవాడ నుంచి అంత దూరం కాదు, వెస్ట్ ఎంట్రీ నుంచి చిటికెలో వెళ్లేయొచ్చు. కానీ ఇప్పటి వరకూ ఇది మామూలు స్టేషన్‌లా పనిచేసింది. కానీ ఇప్పుడు? రైల్వే శాఖ ఓ స్మార్ట్ ప్లాన్‌తో దీన్ని శాటిలైట్ స్టేషన్‌గా రీసెట్ చేసింది. ఇకపై కొన్ని ప్రయాణికుల రైళ్లు, లాంగ్ డిస్టెన్స్ రైళ్లు, ఫ్రైట్ రైళ్లు.. అన్నీ ఇక్కడే ఆగనున్నాయి. దీంతో విజయవాడ మెయిన్ స్టేషన్‌పై తగ్గిన ఒత్తిడి ప్రయాణికులకు అసలైన రిలీఫ్ అవుతుంది.
ఈ ప్రాజెక్ట్‌లో భాగంగా ఎలివేటెడ్ వాక్‌వేలు, మోడరన్ ప్లాట్‌ఫాంలు, స్మార్ట్ టికెట్ కియోస్క్‌లు, కార్గో టెర్మినల్స్, గూడ్స్ షెడ్లు, ఫుడ్ కోర్టులు, ఎలక్ట్రిక్ ఛార్జింగ్ స్టేషన్లు వంటి ఎన్నో ఆధునిక సదుపాయాలు సిద్ధమవుతున్నాయి. అంతేకాదు, రాయనపాడు ఇప్పుడు కేవలం స్టేషన్‌గానే కాదు.. మల్టీ మోడల్ ట్రాన్సిట్ హబ్ గా అభివృద్ధి అవుతోంది. పక్కనే హైవే కనెక్టివిటీ ఉండటంతో, సిటీ బస్సులు, క్యాబ్ లింకులు.. అన్ని సౌకర్యాలు ప్రయాణికులకు మరింత దగ్గరగా మారబోతున్నాయి.
ఇక గూడ్స్ రైళ్లు సంగతి చెప్పాలంటే.. విజయవాడ మీదుగా వెళ్తున్న వడ్లు, పండ్లు, పొగాకు కార్గో రైళ్లు ఇక రాయనపాడు మీదుగానే చక్కగా వెళ్తాయి. లోడ్, అన్‌లోడ్ పనుల కోసం ప్రత్యేకంగా స్పేస్ ఏర్పాటు చేస్తున్నారు. దీని వల్ల మెయిన్ స్టేషన్ ట్రాక్‌లు గణనీయంగా ఖాళీ అవుతాయి. రైల్వే నిర్వాహకులకూ, ప్రయాణికులకూ వింటనే ముచ్చటేసే సర్దుబాటు ఇది.
Also Read: Band baja school entry: బ్యాండ్ బాజాతో స్కూల్ ఎంట్రీ! అబ్బా.. తండ్రి అంటే ఇతనే భాయ్!
ముఖ్యంగా మహిళలు, వృద్ధులు, డిఫరెంట్ అబిలిటీస్ ఉన్న ప్రయాణికుల కోసం ప్రత్యేక లిఫ్ట్‌లు, వైడ్ వాక్‌వేస్‌లు, ర్యాంపులు ఏర్పాటు చేస్తున్నారు. వాల్టింగ్ లౌంజ్‌లు, ఎస్కలేటర్లు, సీసీ టీవీ క్యామేరాలు.. అన్నీ ప్రయాణ సౌకర్యానికి పంచెకట్టేసినట్లే!
ఇప్పటికే కొన్ని ప్లాట్‌ఫాంలు నిర్మాణం ప్రారంభమయ్యాయి. ట్రాక్ వర్క్, మల్టీపుల్ లైన్ యార్డింగ్ పనులు వేగంగా సాగుతున్నాయి. రాబోయే రెండు సంవత్సరాల్లో ఇది పూర్తి స్థాయిలో కార్యకలాపాలు ప్రారంభించే అవకాశాలున్నాయి. విజయవాడ స్టేషన్ ఓ మేట్రో, అయితే రాయనపాడు ఇప్పుడు వైజన్ 2.0 అనొచ్చు.
ఇది పూర్తయిన తర్వాత ప్రయాణికులకు ఏకంగా డబుల్ లాభం. ఒకటి.. మెయిన్ స్టేషన్ రద్దీ తగ్గుతుంది. రెండోది.. రాయనపాడులో ఫాస్ట్ ట్రాక్ సేవలు, సమయం లోపకుండా రైళ్లు అన్నీ రెడీగా అందుబాటులోకి వస్తాయి. దీని ప్రభావం నగర అభివృద్ధిపైనా పడనుంది. పక్క ప్రాంతాల్లో రియల్ ఎస్టేట్‌కి గిరాకీ పెరగనుంది. చిన్నదొడ్డి లాంటి ఈ స్టేషన్.. ఇప్పుడు మెగాస్టార్‌గా ఎదుగుతోంది!
Share
Bonalu Celebrations: బోనాల పండగ.. హైదరాబాద్‌లోని ఈ ఆలయాల్లో అస్సలు మిస్సవ్వొద్దు
IBPS: ఐబీపీఎస్ నుంచి భారీ నోటిఫికేషన్.. జీతం రూ.85,920, మరి ఇంకెందుకు ఆలస్యం
