Trains Cancelled: కుండపోత వర్షాలతో పలు రైళ్లు రద్దు.. మీ రైళ్లు ఉన్నాయేమో చెక్ చేసుకోండి!

Indian Railways:

దేశ వ్యాప్తంగా పలు రాష్ట్రాల్లో భారీ వర్షాలు కురుస్తున్నాయి. గుజరాత్, మహారాష్ట్రతో పాటు బెంగాల్ లో కుండపోత వర్షాలు పడుతున్నాయి. ముఖ్యంగా బెంగాల్ లో రైల్వే ట్రాక్స్ దెబ్బతిన్న కారణంగా భారతీయ రైల్వే పలు రైళ్లను రద్దు చేయడంతో పాటు మరికొన్ని రైళ్లను దారిమళ్లించారు. ఇంకొన్ని రైళ్లను తాత్కాలికంగా రద్దు చేశారు. ఉత్తర బెంగాల్‌ లో, ముఖ్యంగా డార్జిలింగ్ కొండలలో కుండపోత వర్షాలు కురిశాయి. ఆకస్మిక వరదల కారణంగా 14 మంచి చనిపోయారు. ఉత్తర బెంగాల్‌ లో 12 గంటల్లో 300 మి.మీ కంటే ఎక్కువ ఆకస్మిక వర్షపాతం నమోదైంది. భూటాన్, సిక్కిం నుంచి సంకోష్ నది పొంగిపొర్లుతుంది. రెండు వంతెనలు కూలిపోయాయయి. పలు రహదారులు దెబ్బతిన్నాయి. డార్జిలింగ్, కాలింపాంగ్, జల్పైగురి, అలీపుర్దువార్‌ లో పంట పొలాలు మునిగిపోయాయి.

భారీ వర్షాలతో రైళ్లపై తీవ్ర ప్రభావం

ఉత్తర బెంగాల్‌ లో భారీ వర్షాల కారణంగా రైళ్లు తీవ్రంగా ప్రభావితం అయ్యాయి. ఈ మేరకు పలు రైళ్లను రద్దు చేయడంతో మరికొన్ని రైళ్లను డైవర్ట్ చేసినట్లు వెల్లడించారు. ఇంకొన్ని రైళ్లను తాత్కాలికంగా రద్దు చేసిటనల్ఉ ఈశాన్య సరిహద్దు రైల్వే చీఫ్ పబ్లిక్ రిలేషన్స్ ఆఫీసర్ కపింజల్ కిషోర్ శర్మ వెల్లడించారు. “భారీ వర్షం కారణంగా అలీపుర్దువార్ డివిజన్ పరిధిలో రైల్వే పట్టాలపై నీరు ప్రవహిస్తోంది. పలు రైళ్లను రద్దు చేయడంతో పాటు మరికొన్ని తాత్కాలికంగా రద్దు చేశాం. ఇంకొన్ని రైళ్లను దారిమళ్లించాలని నిర్ణయించాం” అని శర్మ వెల్లడించారు.