Vikalp Scheme: రైలు టికెట్ వెయిటింగ్ లిస్ట్లో ఉందని ప్రయాణం క్యాన్సిల్ చేసుకోవాలనుకుంటున్నారా? అయితే ఆగండి! ఇండియన్ రైల్వేస్ ‘వికల్ప్’ (VIKALP) స్కీమ్తో విమానంలో ప్రయాణించే ఛాన్స్ కొట్టేయొచ్చు. అదెలా అనుకుంటున్నారా? ఈ స్కీమ్ ద్వారా మీ వెయిటింగ్ లిస్ట్ టికెట్.. వేరే రైలులో కన్ఫార్మ్ అయ్యే ఛాన్స్ ఉంది. అందులో కూడా కన్ఫార్మ్ కాకపోతే.. నేరుగా విమానంలో సీట్ దొరుకుతుంది. ఇది వినడానికి నమ్మశక్యంగా లేకపోయినా.. ఐఆర్సిటిసి (IRCTC) ప్రయాణికులకు అందిస్తున్న ఒక అద్భుతమైన అవకాశం.
IRCTC కొత్త సర్ప్రైజ్
అసలు ఇది ఎలా పనిచేస్తుందంటే.. మీరు ప్రయాణించాల్సిన రైలులో రద్దీ వల్ల సీటు దొరకనప్పుడు, అదే రూట్లో వెళ్లే ఇతర రైళ్లలో (అవి రాజధాని లేదా శతాబ్ది వంటి హై-స్పీడ్ రైళ్లైనా సరే) ఖాళీగా ఉన్న సీట్లను మీకు కేటాయిస్తారు. దీనికోసం మీరు పైసా అదనంగా కట్టక్కర్లేదు. ఇక విమాన ప్రయాణం విషయానికి వస్తే.. కొన్ని ప్రత్యేక రూట్లలో రైల్వే శాఖ ఎయిర్లైన్స్తో ఒప్పందాలు చేసుకుంది. రైలులో సీటు దొరికే అవకాశం లేనప్పుడు, ప్రయాణికులకు విమానంలో ప్రత్యామ్నాయం చూపిస్తారు. అయితే ఇది అన్నిసార్లు జరగకపోవచ్చు, కానీ ఆ అవకాశం మాత్రం ఖచ్చితంగా ఉంటుంది.
ఒక్క క్లిక్తో రైలు నుంచి ఫ్లైట్
ఈ సదుపాయం పొందాలంటే మీరు పెద్దగా కష్టపడాల్సిన అవసరం లేదు. ఐఆర్సిటిసి వెబ్సైట్ లేదా యాప్లో టికెట్ బుక్ చేసేటప్పుడు అక్కడ కనిపించే ‘Vikalp’ అనే ఆప్షన్ను సెలెక్ట్ చేసుకుంటే చాలు. ఒకసారి చార్ట్ తయారయ్యాక మీకు వేరే రైలులో లేదా విమానంలో సీటు కేటాయిస్తే.. వెంటనే మీ ఫోన్కు మెసేజ్ వస్తుంది. కాబట్టి, ఇకపై టికెట్ బుక్ చేసేటప్పుడు ఈ చిన్న ఆప్షన్ను క్లిక్ చేయడం మర్చిపోకండి. రైలు టికెట్ ధరకే.. విమానంలో ప్రయాణించే ఛాన్స్ మిస్ కాకండి.
Share
Pedicure: పార్లర్లో ఖర్చు పెట్టడం అనవసరం.. ఇంట్లోనే ఇలా పెడిక్యూర్ చేసుకోండి
అద్భుత దృశ్యం.. చంద్రుడికి అత్యంత సమీపంలోకి ఆర్టెమిస్-II
