జపాన్ పర్యటించాలనే విదేశీ పర్యాటకులకు ఒక మంచి అవకాశం వచ్చింది. జపాన్లోని ప్రముఖ విమానయాన సంస్థలు ప్రత్యేక ఆఫర్లను ప్రకటించాయి. ఈ ఆఫర్ల ద్వారా అర్హత ఉన్న ప్రయాణికులు జపాన్లో దేశీయ ఫ్లైట్ ట్రిప్ ఉచితంగా పొందవచ్చు. అయితే ఈ ఆఫర్ పాటించాలంటే కొన్ని నిబంధనలు తప్పనిసరిగా పాటించాలి.
గత రెండు సంవత్సరాలుగా జపాన్కు వచ్చే పర్యాటకుల సంఖ్య భారీగా పెరిగింది. టోక్యో, క్యోటో, ఒసాకా వంటి నగరాలు ఎప్పుడూ సందడిగా ఉంటున్నాయి. దీంతో అక్కడ పర్యాటకుల రద్దీ ఎక్కువైంది. ఈ పరిస్థితిని తగ్గించడానికి జపాన్ ప్రభుత్వం, విమానయాన కంపెనీలు కలిసి కొత్త ఆఫర్స్ తీసుకొచ్చాయి. పర్యాటకులు ఇతర అందమైన ప్రాంతాలను కూడా సందర్శించేలా ఈ ఆఫర్ రూపొందించారు.
జపాన్ ఎయిర్లైన్స్ (జేఏఎల్) ద్వారా అంతర్జాతీయ రౌండ్ ట్రిప్ టికెట్ బుక్ చేసిన వారు ఈ ఆఫర్ పొందవచ్చు. అదే బుకింగ్లో జపాన్ దేశీయ విమాన టికెట్ కూడా చేర్చాలి. దేశీయ విమానానికి ప్రాథమిక టికెట్ ధర చెల్లించాల్సిన అవసరం లేదు. అయితే విమానాశ్రయ పన్నులు, ఇతర ఛార్జీలు మాత్రం ప్రయాణికులే చెల్లించాలి. ఈ ఆఫర్ భారత్తో పాటు మరికొన్ని దేశాల ప్రయాణికులకు కూడా అందుబాటులో ఉంది. కొన్ని టికెట్ నిబంధనల ప్రకారం టోక్యోలో ఒక రోజు వరకు స్టాప్ఓవర్ అవకాశం కూడా లభించవచ్చు.
ఆల్ నిప్పాన్ ఎయిర్వేస్ (ఏఎన్ఏ) కూడా ఇలాంటి ప్రచారాన్ని ప్రారంభించింది. ఈ ఆఫర్ ప్రధానంగా యూరప్, యునైటెడ్ కింగ్డమ్ నుంచి వచ్చే ప్రయాణికులకు వర్తిస్తుంది. అంతర్జాతీయ, దేశీయ విమాన టికెట్లను ఒకే రిజర్వేషన్లో బుక్ చేయాలి. ఈ ఆఫర్ ఎంపిక చేసిన శీతాకాల ప్రయాణ తేదీలకు మాత్రమే వర్తిస్తుంది. ఎకానమీ క్లాస్ టికెట్లపై మాత్రమే ఈ సౌకర్యం లభిస్తుంది.
ఈ ఆఫర్ ద్వారా హొక్కైడో మంచు పర్వతాలు, క్యుషూ అగ్నిపర్వత ప్రాంతాలు, ఒకినావా అందమైన బీచ్లు వంటి ప్రాంతాలను తక్కువ ఖర్చుతో సందర్శించవచ్చు. ఈ ప్రాంతాల్లో ప్రకృతి అందాలు, స్థానిక సంస్కృతి, రుచికరమైన ఆహారం పర్యాటకులను ఆకట్టుకుంటాయి. అలాగే ఇక్కడ రద్దీ కూడా తక్కువగా ఉంటుంది.
ఉచిత విమానం అని చూసి వెంటనే టికెట్ బుక్ చేయడం మంచిది కాదు. ఇతర ఎయిర్ లైన్స్ అంతర్జాతీయ టికెట్ ధరలతో కూడా పోల్చి చూడాలి. జేఏఎల్ టికెట్ ధర ఎక్కువగా ఉంటే, ఉచిత డొమెస్టిక్ విమాన ప్రయోజనం తగ్గిపోవచ్చు. అందువల్ల మొత్తం ప్రయాణ ఖర్చును లెక్కించడం అవసరం. దీని వల్ల సరైన నిర్ణయం తీసుకోవడం సులభమవుతుంది.
Also Read: అగ్నిపర్వతాలపై ట్రెక్కింగ్ చేసే దమ్ముందా? అడ్వెంచర్ ప్రియుల కోసం వాల్కెనో స్పాట్స్ ఇవే
ఈ ఆఫర్కు సంబంధించిన అన్ని షరతులను ముందుగానే చదవాలి. రెండు విమానాలు ఒకే బుకింగ్లో ఉండాలి. కొన్ని తేదీల్లో మాత్రమే ఈ సౌకర్యం అందుబాటులో ఉండవచ్చు. సీట్ల సంఖ్య కూడా పరిమితంగా ఉండే అవకాశం ఉంది.
జపాన్లోని ప్రసిద్ధ నగరాలతో పాటు కొత్త ప్రాంతాలను కూడా సందర్శించాలని భావించే వారికి ఈ ఆఫర్ ఉపయోగపడుతుంది. అయితే బుకింగ్ చేసే ముందు టికెట్ ధరలు, నిబంధనలు పూర్తిగా పరిశీలించి నిర్ణయం తీసుకోండి.
Share
దంపతుల మధ్య డ్యాన్స్ వివాదం.. కోపంతో భర్త ఏం చేశాడంటే, అందరూ పైలోకానికి
టీమిండియా సెమీ ఫైనల్ కు వెళ్లేలా ఐసీసీ కుట్రలు...మహిళా క్రికెటర్ల ఆరోపణలు
