Kurma village facts: నో కరెంట్.. నో మొబైల్.. అయినా జనాలు హ్యాపీ.. ఎక్కడో కాదు ఏపీలోనే!

Kurma village facts: వైఫై లేకపోయినా, వాట్సప్ స్టేటస్‌లు పెట్టలేకపోయినా, ఇన్‌స్టాగ్రామ్ రీల్స్ చూడలేకపోయినా వాళ్ల జీవితాల్లో అస్సలు తడబాటు లేదు. బదులుగా స్వేచ్ఛగా ఊపిరి పీలుస్తారు.. ప్రశాంతంగా జీవిస్తారు. గొంతెత్తి నవ్వుతారు.. మనస్ఫూర్తిగా పలకరిస్తారు. ఎక్కడంటే నమ్మలేరు.. కానీ మన ఆంధ్రప్రదేశ్‌లోనే ఓ చిన్న ఊరిలో ఇది రోజువారీ జీవితమంటూ సాగిపోతుంది. పూర్తి వివరాల్లోకి వెళితే..

ఈ రోజుల్లో మొబైల్, లైట్స్, ఫ్రిజ్ లేకుండా బతకడం సాధ్యమా? అని చాలా మంది అనుకుంటారు. కానీ మన ఆంధ్రప్రదేశ్‌లోనే ఉన్న ఓ చిన్న గ్రామం మాత్రం ఇవన్నీ అవసరం లేకుండా నిశ్శబ్దంగా, ప్రశాంతంగా జీవిస్తోంది. శ్రీకాకుళం జిల్లాలోని కూర్మ గ్రామం గురించి వినగానే ఆశ్చర్యం కలుగుతుంది. ఎందుకంటే ఇక్కడ కేవలం 16 ఇళ్లు మాత్రమే ఉన్నాయి. అంతే కాదు.. ఇక్కడ కరెంటు లేదు, ఫోన్లు లేవు, టీవీ, ఇంటర్నెట్ అన్నీ వీళ్లకు దూరం. అయినా ఇవాళ్టి టెక్నాలజీ యుగంలోనూ ఈ ఊరు వాళ్లు సంతోషంగా, ఆత్మసంతృప్తిగా జీవిస్తున్నారు.

కరెంట్? ఆ పేరే వినరు!
ఈ ఊరులోని ఇంట్లలో ఎలక్ట్రిసిటీ అనే మాటే లేదు. ఇక్కడి వారు సూర్యోదయం వస్తే పనులు మొదలు పెడతారు, సూర్యాస్తమయంతో నిద్రలోకి జారిపోతారు. రాత్రిపూట దీపాల కాంతిలో, కలవల్లి గొంతులో.. నెమ్మదిగా దినచర్య కొనసాగుతుంది. ఎవరికీ ఎవరి పనుల్లో కలయకుండా, ప్రశాంత జీవనం సాగుతోంది.

ఫోన్? ఫేస్‌బుక్? వాట్సప్? ఏం అవి?
ఇక్కడి వారు మొబైల్ ఫోన్లు వాడరు. సోషల్ మీడియా వారికెందుకో తెలియదు కూడా! మాట్లాడాలంటే ముఖాముఖిగా మాట్లాడతారు. హాయిగా అడుగడుగునా పలకరింపులు, వాల్మీకి పద్యాలు, గీతాలు.. ఇవే వారి రోజువారీ వినోదం. మీ జీవితంలో 5 నిమిషాలు నిశ్శబ్దంగా గడపలేకపోతే.. ఈ ఊరి జీవన విధానం చూస్తే నోరెళ్లబెడతారు.

భక్తి మార్గమే బతుకు బాట
ఈ ఊర్లో ప్రతి ఇంట్లోనూ ఒక చిన్న పూజా గది ఉంటుంది. ఉదయం మొదలయినప్పటి నుండి రాత్రి వరకూ వేదపారాయణ, హారతులు, సాంప్రదాయ ప్రార్థనలు జరుగుతుంటాయి. చిన్నారులు బడికి పోయేలా కాదు.. గురుకుల విధానంలో సంస్కృతం, వేదాలు నేర్చుకుంటారు. ఈ ఊరిని ఒక విధంగా సజీవ దేవాలయం అనొచ్చు.

తిన్నదీ మన కంటే సాగిందే
ఈ ఊర్లోని ప్రజలు తాము పండించిన పంటలతోనే జీవిస్తున్నారు. పొలాల్లో పనులు చేసి, పండ్లు, కూరగాయలు పండించుకొని, వాటినే వండుకొని తింటారు. భౌతిక వసతులు, రుచులు వెతకకుండా… ఆరోగ్యంగా, సంతృప్తిగా జీవిస్తున్నారు. ఫ్యాన్స్, ఫ్రిడ్జ్, గ్యాస్ అంటూ ఏదీ లేదు.. కానీ వంటలు మాత్రం టేస్టీగా ఉంటాయి!

Also Read: Indian Railways Mizoram: 26 ఏళ్ల తర్వాత.. ఆ ట్రాక్ లోకి రైలు.. అసలేమైంది?

వేదికల్లా ఊరు.. గురుకులాలా బడి
ఈ ఊరిలో చిన్నారులు బడిలో A for Apple అనుకోరు. బదులుగా ఆ కారంతో వేదాలు నేర్చుకుంటారు. గురువులు వారికి సంస్కృతం, భగవద్గీత, ఉపనిషత్తులు, ధర్మ గ్రంథాలు బోధిస్తారు. విద్య అంటే విజ్ఞానంతో పాటు ఆచరణ కూడా అవుతుందని ఈ ఊరు చూపిస్తోంది.

శబ్దాలన్నీ పక్కకు… శాంతమే సాంగ్
ఇక్కడ రోడ్డు మీద బైక్ హోర్న్ వినబడదు. పిల్లలు రాత్రి టీవీ ముందు కూర్చోరు. ఇంట్లో తల్లి వండిన అన్నాన్ని బంగాళాదుంపకూరతో తినడమే వాళ్ల హ్యాపీ మీల్. అలా రోజువారీ కార్యక్రమాలు అతి సాధారణంగా సాగిపోతున్నా.. వాళ్లకు మాత్రం అది పండుగే!

పర్యాటకుల మెప్పుతో వెలుగులోకి వస్తోంది
ఇప్పటికే చాలామంది పర్యాటకులు ఈ ఊరిని దర్శించడానికి వస్తున్నారు. ప్రశాంత జీవనశైలి చూడాలనేవాళ్లకు ఇది బెస్ట్ డెస్టినేషన్‌గా మారుతోంది. ప్రభుత్వం కూడా ఈ ఊరిని ఆధ్యాత్మిక పర్యాటక హబ్గా అభివృద్ధి చేయాలని యోచిస్తోంది. రహదారులు, హోమ్‌స్టేలు వంటి సదుపాయాలను ఏర్పాటుచేస్తోంది.

ఈ ఊరు నేర్పే గుణం
ఈరోజుల్లో మనం ఎప్పటికప్పుడు న్యూస్, నోటిఫికేషన్స్, మెసేజ్‌ల మధ్య జీవితం సాగిస్తున్నాం. కానీ కూర్మ గ్రామం చెప్పేది స్పష్టంగా ఉంది.. నిశ్శబ్దంలో ఆనందం ఉంది. సాదాసీదా జీవితం అనేది మనం కోల్పోయిన విలువ. మళ్లీ దాన్ని అనుభవించాలంటే.. ఒకసారి ఈ ఊరిని చూసి రండి.