Hyderabad Temples: మీరు హైదరాబాద్‌కి కొత్తగా వచ్చారా? ఇక్కడే ఉంటూ ఇప్పటికీ భక్తితో కూడిన ఆధ్యాత్మికతను ఆస్వాదించలేదా? అలా అయితే తప్పక ఈ కథనం తప్పక చదవండి. టెక్నాలజీ టవర్స్‌తో పాటుగా దేవాలయాల వైభవం కూడా హైదరాబాద్‌ను ప్రత్యేకంగా నిలబెడుతోంది. నగర శబ్దాల మధ్య ప్రశాంతత కోసం చూస్తున్న వారికి ఈ టాప్ 7 ఆలయాలు ఓ భక్తి తీర్థయాత్రగా మారతాయి.
టీటీడీ వేంకటేశ్వర స్వామి టెంపుల్ నుంచి సంఘీ టెంపుల్ వరకు ప్రతి ఆలయ ప్రత్యేకతను చెప్పుకోకుండా ఉండలేము. మీరు కుటుంబంతో కలసి వెళ్లాలనుకున్నా, ఒంటరిగా ఆధ్యాత్మికతలో లీనమవ్వాలనుకున్నా.. ఈ గుడులు తప్పకుండా ఆకట్టుకుంటాయి. ఒక్కసారి వెళ్లి చూస్తే.. మళ్లీ వెళ్లాలని మనసు కోరుతుంది! హైదరాబాద్‌కు వచ్చిన ప్రతి పర్యాటకుడు, ప్రతి భక్తుడు తప్పకుండా వీటిని చూడాల్సిందే.
తెలంగాణ రాష్ట్ర రాజధాని హైదరాబాద్, ఐటి హబ్ మాత్రమే కాదు.. ఇది సంప్రదాయాల నగరం కూడా. ఇదే నగరంలో నిత్యం వేలాది మంది భక్తులు తమ ఇష్టదైవాలను దర్శించేందుకు, అభయాన్ని కోరేందుకు, భక్తిలో లీనమయ్యేందుకు ప్రసిద్ధ ఆలయాలకు వెళ్లడం పరిపాటి. అలాంటి ఆలయాలలో టాప్ ఆలయాల విశిష్టత తెలుసుకుందాం.
1. టీటీడీ వేంకటేశ్వర స్వామి దేవస్థానం.. బంజారాహిల్స్
హైదరాబాద్‌లోని అత్యంత ప్రసిద్ధ టెంపుల్స్‌లో ఇది ముందుండే పేరు. తిరుపతిలో ఉన్న వేంకటేశ్వర స్వామి ఆలయానికి ప్రతిరూపంగా నిర్మించిన ఈ దేవాలయం బంజారాహిల్స్‌లో వుంది. ఆలయం శుభ్రత, నిశ్శబ్దం, మరియు పవిత్రతతో భక్తుల్ని ఆకట్టుకుంటుంది. ప్రతి రోజు వందల మంది భక్తులు వచ్చినా, దర్శనం తీరిగ్గా జరిగేలా అధికారులు సమర్థంగా నిర్వహిస్తున్నారు. ముఖ్యంగా శ్రీవారి కంకణాలు, పూజలు ఇక్కడ తక్కువ ఖర్చుతో నిర్వాహించబడతాయి.
2. జగన్నాథ ఆలయం.. తెలంగాణ భవన్ పక్కన
భువనేశ్వర్‌లోని జగన్నాథ ఆలయ శైలిలో నిర్మితమైన ఈ ఆలయం బంజారాహిల్స్‌లోని తెలంగాణ భవన్ సమీపంలో ఉంది. చక్కని కార్వింగ్, ఎత్తైన గోపురాలు ఈ ఆలయానికి ప్రత్యేక ఆకర్షణ. ప్రతి సంవత్సరం రథయాత్ర పండుగ సందర్భంగా భక్తుల తాకిడి ఎక్కడికైనా పోతుంది. ఆలయం దగ్గర పార్కింగ్, నిశ్శబ్ద పూజా వాతావరణం ఉండటం వల్ల కుటుంబ సమేతంగా వెళ్లేందుకు ఇది ఉత్తమ ప్రదేశం.
3. పెద్దమ్మ గుడి.. జూబ్లీ హిల్స్
పెద్దమ్మ తల్లి అనగానే జూబ్లీ హిల్స్ లోని ఈ దేవాలయం గుర్తుకు రావాలి. తెలంగాణ సంస్కృతికి అద్దం పడేలా ఇక్కడ జరిగిన బోనాల జాతరలు ప్రత్యేకంగా నిలుస్తాయి. ఆలయం ఆధునిక నిర్మాణ శైలిలోనూ, సంప్రదాయ రూపంలోనూ సమ్మేళనంగా ఉంటుంది. రాష్ట్రానికి ముఖ్యమైన శక్తి పీఠంగా భక్తుల నమ్మకాన్ని సంపాదించుకుంది.
4. హరే కృష్ణ గోల్డెన్ టెంపుల్.. బంజారాహిల్స్
ఇస్కాన్ సంస్థ ఆధ్వర్యంలో నిర్మితమైన ఈ ఆలయం హరే రామ హరే కృష్ణ మంత్రములతో మారుమోగుతుంది. స్వర్ణంతో మెరిపించే గోపురాలు, శాంతమైన వాతావరణం ఇక్కడికి వచ్చే ప్రతీ భక్తుడినీ ఆధ్యాత్మికంగా ఉట్టిపడేలా చేస్తుంది. బుక్ స్టోర్, ప్రసాదాల కౌంటర్, ఆధ్యాత్మిక కార్యక్రమాలతో ఇది ఓ శ్రద్ధాభివృద్ధి కేంద్రంగా నిలుస్తోంది.
5. సీతారాం బాగ్ టెంపుల్.. ముషీరాబాద్
పాత హైదరాబాద్ వైపు ఉన్న ఈ దేవాలయం చారిత్రక ప్రాముఖ్యత కలిగినదిగా గుర్తించబడింది. శ్రీవత్స గోత్రానికి చెందిన బ్రాహ్మణుల వంశీయులు నిర్మించిన ఈ ఆలయం తక్కువలో ఎక్కువ ఆధ్యాత్మికతను అందిస్తుంది. దేవాలయంలో ఉన్న శిలా శిల్పాలు, శాంతమైన వాతావరణం భక్తుల మనసుకు ఊరటనిస్తుంది.
6. ఇస్కాన్ టెంపుల్.. అబిడ్స్
ఇది హైదరాబాద్‌లోని ప్రాచీన ఇస్కాన్ మందిరాల్లో ఒకటి. భగవద్గీత మార్గదర్శనంలో ఆధ్యాత్మిక జీవితం వైపు అడుగులు వేయాలనుకునే వారి కోసం ఈ దేవాలయం మార్గదర్శకంగా ఉంటుంది. ప్రతిరోజూ గోవింద నామాలుతో సాగే కీర్తనల సందడి మనసుకు ఆనందాన్ని ఇస్తుంది. ఆదివారాలు ఇక్కడ భక్తులు భారీగా గుమిగూడతారు.
7. సంఘీ టెంపుల్.. రామోజీ ఫిల్మ్ సిటీ సమీపంలో
హైదరాబాద్ నుండి 25 కిలోమీటర్ల దూరంలో ఉన్న ఈ ఆలయం ఒక అందమైన కొండపై నిర్మించబడింది. పచ్చదనంతో ముంచెత్తే ప్రాంతంలో ఉన్న ఈ ఆలయం తక్షణ శాంతి కోరేవారికి వరం లాంటిది. ఇక్కడి వేంకటేశ్వర స్వామి విగ్రహం చాలా ఎత్తుగా ఉంటుంది. ట్రెక్కింగ్ ప్రియులకు, ఫోటోగ్రఫీకి ఇష్టపడే వారికి ఇది అద్భుత గమ్యం.
హైదరాబాద్ నగరం హైటెక్ సిటీలతో మాత్రమే కాదు, ఆధ్యాత్మికతతోనూ మెరిసిపోతుంది. ఈ టాప్ 7 ఆలయాలు దైవానుభూతిని అందించడమే కాకుండా, నగర జీవితం నుంచి విరామంగా నిలుస్తాయి. మీరు వీటిలో ఒకటైనా సందర్శిస్తే, భక్తి భావనతోపాటు హైదరాబాద్ సాంస్కృతిక వైభవాన్ని ఆస్వాదించినవారవుతారు. మీరు ఎప్పుడైనా హైదరాబాద్ వస్తే, ఈ దేవాలయాలు తప్పక చుడండి!
Share
OTT Movie : స్కూల్ పిల్లలతో దెయ్యాల దోబూచులాట ... గూస్ బంప్స్ తెప్పించే హారర్ థ్రిల్లర్
Nikhil The India House : బిగ్ బ్రేకింగ్ - నిఖిల్ మూవీలో ప్రమాదం.. తీవ్ర గాయాలు
