Indian Railways alert: ఓపికగా ప్లాన్ చేసుకున్న ట్రిప్.. ముందే బుక్ చేసుకున్న టికెట్.. కానీ ఒక్క నిర్ణయం మొత్తం ప్రయాణాన్ని మార్చేస్తుందనుకుంటారా? ఈసారి అదే జరగబోతోంది! ఎందుకంటే.. రైల్వే శాఖ అనేక రైళ్లను రద్దు చేస్తూ కీలక ప్రకటన చేసింది. ఆగస్టు, సెప్టెంబర్ నెలల్లో పలు పాక్షిక, పూర్తి రద్దుల కారణంగా ప్రయాణికులు ముందస్తుగా తమ ప్రయాణాన్ని పునఃపరిశీలించుకోవాల్సిన అవసరం ఉంది. రద్దైన రైళ్ల వివరాలు, తేదీలు తప్పక తెలుసుకోండి.
సౌత్ ఈస్టర్న్ రైల్వే పరిధిలో జార్సుగూడా యార్డ్ పునరుద్ధరణ పనుల కారణంగా రాబోయే ఆగస్టు, సెప్టెంబర్ నెలల్లో ధన్బాద్ స్టేషన్ మీదుగా వెళ్లే అనేక రైళ్లను రద్దు చేస్తున్నట్లు రైల్వే శాఖ బుధవారం ప్రకటించింది. ఇప్పటికే టికెట్లు బుక్ చేసుకున్న ప్రయాణికులు ముందుగానే అప్రమత్తం కావాలంటూ అధికారులు సూచిస్తున్నారు.
పలు రాష్ట్రాల ప్రయాణికులపై ప్రభావం
ఈ నిర్ణయం జార్ఖండ్, బీహార్, పశ్చిమబెంగాల్ వంటి రాష్ట్రాల ప్రయాణికులపై ప్రభావం చూపనుంది. ధన్బాద్ మీదుగా వెళ్లే చాలా కీలకమైన రైళ్లు.. మాల్దా సిటీ-సూరత్, రాక్సౌల్-హైదరాబాద్, జసిది-వాస్కోడిగామా ఎక్స్ప్రెస్ వంటి ట్రైన్లు నిర్ణీత తేదీలలో రద్దవుతాయి. అలాగే హైదరాబాద్ – రాక్సౌల్ మధ్య నడిచే కొన్ని స్పెషల్ ట్రైన్లను కూడా తాత్కాలికంగా నిలిపివేస్తున్నారు.
రైల్వే ప్రయాణికులకు మరొక ముఖ్యమైన హెచ్చరిక కూడా వెలువడింది. పలు దూర ప్రయాణ రైళ్లు రద్దయ్యాయి. వచ్చే ఆగస్టు, సెప్టెంబర్ నెలల్లో దేశంలోని వివిధ ప్రాంతాల మధ్య నడిచే కొన్ని ప్రధాన రైళ్లను రద్దు చేయాలని రైల్వే శాఖ నిర్ణయించింది. ముఖ్యంగా చర్లపల్లి, దర్భంగా, హైదరాబాద్, రాక్సౌల్, వాస్కో డ గామా, జసిది, మాల్దా సిటీ, సూరత్ మధ్య నడిచే రైళ్లు ఈ ప్రభావంలోకి వస్తున్నాయి.
రద్దయిన రైళ్ల వివరాలు ఇవే..
ఉదాహరణకు, చర్లపల్లి – దర్భంగా ఎక్స్ప్రెస్ (17007) ఆగస్టు 26, సెప్టెంబర్ 9 తేదీల్లో రద్దు అవుతోంది. అలాగే దర్భంగా – చర్లపల్లి ఎక్స్ప్రెస్ (17008) ఆగస్టు 29, సెప్టెంబర్ 12న రద్దు కానుంది. హైదరాబాద్ – రాక్సౌల్ ఎక్స్ప్రెస్ (17005) ఆగస్టు 21, 28న నిలిపివేస్తారు. రాక్సౌల్ – హైదరాబాద్ ఎక్స్ప్రెస్ (17006)ను ఆగస్టు 24, 31న రద్దు చేస్తున్నారు.
స్పెషల్ రైళ్లుగా నడిచే చర్లపల్లి – రాక్సౌల్ (07051) ఆగస్టు 30న, రాక్సౌల్ – చర్లపల్లి (07052) సెప్టెంబర్ 2న రద్దయ్యాయి. అలాగే, సెప్టెంబర్ 1న 07005 చర్లపల్లి – రాక్సౌల్ స్పెషల్, సెప్టెంబర్ 4న 07006 రాక్సౌల్ – చర్లపల్లి స్పెషల్ రద్దయ్యాయి.
గోవా ప్రాంతానికి వెళ్లే ప్రయాణికులు కూడా రద్దయిన రైళ్ల విషయాన్ని గమనించాలి. వాస్కోడిగామా – జసిది ఎక్స్ప్రెస్ (17321) ఆగస్టు 22న, జసిది – వాస్కోడిగామా ఎక్స్ప్రెస్ (17322) ఆగస్టు 25న రద్దయ్యాయి. అలాగే, మాల్దా సిటీ – సూరత్ ఎక్స్ప్రెస్ (13425) సెప్టెంబర్ 6న, సూరత్ – మాల్దా సిటీ ఎక్స్ప్రెస్ (13426) సెప్టెంబర్ 8న రద్దు చేశారు.
ఈ రద్దులు అనేక ప్రయాణికుల ప్రయాణ ప్రణాళికలను ప్రభావితం చేయనున్నాయి. కావున ఈ తేదీల్లో ప్రయాణించదలచుకున్నవారు, రైల్వే అధికారిక వెబ్సైట్ లేదా సమీప రిజర్వేషన్ కౌంటర్ల ద్వారా ప్రత్యామ్నాయ రైళ్ల వివరాలు తెలుసుకుని ముందుగానే టికెట్లు బుక్ చేసుకోవాలని సూచించబడుతోంది.
ఎందుకు రద్దు చేస్తున్నారంటే..
సౌత్ ఈస్టర్న్ రైల్వే పరిధిలోని జార్సుగూడా యార్డ్లో రీమోడలింగ్, సాంకేతిక పనులు జరగనున్నాయి. ట్రాఫిక్ మేనేజ్మెంట్ మెరుగుపర్చడానికి, భద్రత ప్రమాణాలు పెంచడానికి ఈ అప్గ్రేడ్ చేయబడుతోంది. ఈ కారణంగా కొన్ని రోజులు రైళ్ల రాకపోకలపై ప్రభావం ఉంటుందని అధికారులు తెలిపారు.
ధన్బాద్ డివిజన్లో ఉద్యోగ నియామకాలు
ఇక ఈ అప్గ్రేడ్ పనుల క్రమంలో ధన్బాద్ రైల్వే డివిజన్కి చెందిన 89 మంది ట్రాక్ మెయింటైనర్లను పాయింట్స్మెన్ ఉద్యోగాలకు ప్రమోట్ చేయనున్నారు. వీరి ఇంటర్వ్యూల కోసం తేదీలను కూడా అధికారికంగా ప్రకటించారు. అంటే, ఈ పనులు ఉద్యోగ అవకాశాలు కూడా తెచ్చిపెడుతున్నాయి.
ప్రయాణికులకు సూచన
మీ ప్రయాణ తేదీలకు సంబంధించి ముందుగానే తాజా సమాచారం తెలుసుకోండి. IRCTC వెబ్సైట్, లేదా రైల్వే హెల్ప్లైన్ ద్వారా అప్డేట్స్ తెలుసుకుంటే ఇబ్బంది ఉండదు. టికెట్లు బుక్ చేసుకునే ముందు రైలు రద్దయిందా లేదానేది కనుక్కోవడం అత్యంత అవసరం.
పునరుద్ధరణ తర్వాత ఏంటి పరిస్థితి?
ఈ పనులు పూర్తయిన తర్వాత అన్ని రైళ్లు మునుపటి టైమింగ్స్కి తీరుస్తాయని, ప్రయాణ సౌలభ్యం మరింత మెరుగవుతుందని రైల్వే శాఖ హామీ ఇస్తోంది. అంటే, ఇది తాత్కాలిక అసౌకర్యమే కానీ, దీని ఫలితంగా ప్రయాణ అనుభవం దీర్ఘకాలంగా మెరుగవుతుంది. వివిధ రాష్ట్రాల నుంచి ప్రయాణించే వేలాది మంది ప్రయాణికులకు ఈ రైలు రద్దు నిర్ణయం తాత్కాలిక అసౌకర్యంగా మారొచ్చు. కానీ భవిష్యత్తులో మరింత మెరుగైన రైలు సదుపాయాల కోసం ఇది అవసరమైన పన్ను. కాబట్టి, మీ ట్రావెల్ ప్లాన్లను ముందుగానే బుక్ చేసుకునే ముందు ఈ రద్దు వివరాలు పరిశీలించి, జర్నీ ప్లాన్ చేసుకోవడం మంచిది.
ఇంకా ఏ ట్రైన్లు ప్రభావితమవుతున్నాయో తెలుసుకోవాలంటే IRCTC లేదా భారత రైల్వే అధికారిక వెబ్సైట్ను సందర్శించండి. మీ ట్రిప్ను ప్లాన్ చేసేముందు, ఈ సమాచారం తప్పక చదవండి!
Share
Kingdom Hridayamlo Song: లక్షలు పోసి పాట తీశారు.. ఇప్పుడు భలే కవర్ చేస్తున్నారే.. నాగవంశీపై ట్రోల్స్
Saiyaara: ఛావా రికార్డులను బద్దలు కొట్టిన సైయారా...బాక్సాఫీస్ వద్ద కలెక్షన్ల వర్షం!
