Strangest Laws in the World: ప్రపంచంలోని కొన్ని దేశాల్లో ఉన్న చట్టాలు, నిబంధనలు వింటే నిజంగానే ఆశ్చర్యంగా కలిగిస్తాయి. అవి కల్పిత కథల్లా కనిపించినా, కొన్ని మాత్రం నిజమైన సంఘటనలు, స్థానిక ఆచారాలు, నిబంధనల నుంచి పుట్టుకొచ్చాయి. అయితే, ప్రచారంలో ఉండే ప్రతి వింత చట్టం నిజమైన చట్టం కాకపోవడం విశేషం.
సింగపూర్లో చూయింగ్ గమ్కు సంబంధించిన నిబంధనలు ఇందుకు బెస్ట్ ఎగ్జాంపుల్. 1990 ప్రారంభంలో MRT రైళ్లలో కొందరు వ్యక్తులు చూయింగ్ గమ్ ను డోర్ సెన్సార్లకు అంటించడంతో రైళ్ల రాకపోకలకు ఇబ్బందులు ఏర్పడ్డాయి. దీంతో చూయింగ్ గమ్ అమ్మకం, దిగుమతిపై కఠినమైన ఆంక్షలు వచ్చాయి. ప్రస్తుతం మెడికల్, డెంటల్ ట్రీట్మెంట్ కు ఉపయోగించే కొన్ని గమ్లకు మాత్రం ప్రత్యేక అనుమతి ఉంది.
ఫ్రాన్స్ కు సంబంధించిన మరో కథ కూడా ఆసక్తికరంగా ఉంటుంది. పందికి నెపోలియన్ అనే పేరు పెట్టకూడదనే విషయం చాలా కాలంగా ప్రచారంలో ఉంది. అయితే, ఆధునిక ఫ్రెంచ్ చట్టంలో ఉన్న నిబంధన కాదు. అంటే ఒకప్పుడు ఉన్న ఆచారం, కథనం కాలక్రమంలో చట్టంగా మారిపోయినట్టుగా ప్రచారం జరిగింది.
జర్మనీలో రాత్రి సమయంలో శబ్దం చేయకూడదనే రుహెజైట్ అనే నిశ్శబ్ద సమయాన్ని అందుబాటులోకి తీసుకొచ్చారు. సాధారణంగా రాత్రి 10 గంటల నుంచి ఉదయం 6 గంటల వరకు ఇతరులకు ఇబ్బంది కలిగించే సౌండ్స్ పై నిబంధనలు అమలులో ఉంటాయి. అయితే, రాత్రి పూట టాయిలెట్ ఫ్లష్ చేయకూడదనేది కూడా ఈ నిబంధనల్లో ఒకటి.
ఇండోనేషియాలో కూడా రాత్రి వేళల్లో ఇతరులకు ఇబ్బంది కలిగించే శబ్దాలకు సంబంధించి స్థానిక నిబంధనలు ఉన్నాయి. అయితే, రాత్రి నవ్వితే చట్టవిరుద్ధమనే ప్రచారం మాత్రం అతిశయోక్తిగానే కనిపిస్తుంది.
గ్వాటెమాలాలో పని సమయంలో నిద్రపోవడం నేరంగా పరిగణిస్తారు. అయితే, వీటికి శిక్షలు లేవు. కెనడాలో కొన్ని ప్రాంతాల్లో ఉన్న విచిత్రమైన స్థానిక నిబంధనల గురించి కూడా సోషల్ మీడియాలో ఎన్నో కథలు కనిపిస్తాయి.
థాయ్లాండ్లో అడల్ట్ టాయ్స్ కు సంబంధించిన చట్టాలు కూడా కఠినంగా ఉంటాయి. అయితే 14 కంటే ఎక్కువ తీసుకెళ్తే నేరంగా భావిస్తారు. అయితే, ఈ వైరల్ విషయాలను పూర్తిగా నిజమని నమ్మే ముందు అధికారిక సమాచారం పరిశీలించడం మంచిది.
ఇక బ్రిటన్లోని పార్లమెంట్ భవనంలో ఎవరైనా చనిపోతే అంత్యక్రియలు ప్రభుత్వ లాంఛనాలతో జరగాల్సి ఉంటుంది. కాబట్టి. అక్కడ మరణించడం చట్టవిరుద్ధమనే కథ చాలా ప్రసిద్ధి చెందింది. కానీ దీనికి బ్రిటిష్ చట్టంలో స్పష్టమైన ఆధారం లేదని నిపుణులు చెబుతున్నారు. అందుకే, వింత చట్టాల కథల్లో అసలు ఆసక్తి చట్టం కంటే దాని వెనుక ఉన్న కథలోనే ఉంటుంది. పాత సంఘటనలు, స్థానిక ఆచారాలు, అపార్థాలు కలిసిపోయి కొన్ని నిబంధనలు కాలక్రమంలో వింత చట్టాలుగా మారిపోయాయి.
Read Also: హోటళ్లలో Wi-Fi వాడుతున్నారా? అయితే.. మీ వీడియోలు బయటకొస్తాయ్!
Share
Intinti Ramayanam : సీరియల్ లవర్స్ కు బ్యాడ్ న్యూస్.. హీరోయిన్ అవుట్..
చాణక్య నీతి.. పిల్లలు చేసే ఈ తప్పులను తల్లిదండ్రులు అసలు నిర్లక్ష్యం చేయకూడదు
