World’s Longest Train: ప్రపంచంలోని అత్యంత పొడవైన రైలు.. 8 ఇంజిన్లతో నడిచే ఈ రైలు అంత డేంజరా?

World’s Longest Train| ప్రపంచంలో అత్యంత పొడవైన రైలుగా గుర్తింపు పొందిన ట్రైన్ లో మొత్తం 682 క్యారేజీలు ఉన్నాయని మీకు తెలుసా? దాదాపు 700 క్యారేజీలను ముందుకు లాగడానికి అందులో మొత్తం ఎనిమిది భారీ ఇంజిన్లు కూడా ఉన్నాయి. అయితే ఇంత భారీ ట్రైన్ లో ఒక్క ప్రయాణికుడు కూడా ఉండడు. ఎందుకంటే సదూరంగా వెళ్లే ఈ ట్రైన్ ప్యాసింజర్ ట్రన్ లాగానే ఉన్నా.. దీన్ని గూడ్స్ ట్రైన్ లాగానే వినియోగిస్తున్నారు. ఈ ట్రైన్ గురించి పూర్తి వివరాలు మీ కోసం.

ఆస్ట్రేలియాలోని రియో టింటో అనే మైనింగ్ దిగ్గజ సంస్థ ఆధ్వర్యంలో నడిచే బీహెచ్‌పీ ఐరన్ ఓర్ రైలు.. ఉక్కు రవాణా కోసం వినియోగంలో ఉంది. ఈ రైలు మొత్తం 7.3 కిలోమీటర్ల పొడవు ఉంటుంది. వేలాది టన్నుల ఐరన్ ఓర్‌ను ఆస్ట్రేలియా ఎడారి ప్రాంతాల్లోని గనుల నుంచి సేకరించి సముద్ర తీరాలకు రవాణా చేస్తుంది. ఈ రైలులో ఒక్క ప్రయాణికుడు కూడా ఉండడు. ఇది ప్రపంచంలోనే అతిపెద్ద ఆటోమేటెడ్ రైలు. దీనిని “ఆటో హాలియర్” అంటారు. ఇది జూన్ 21, 2001న మొదటిసారి నడిచింది. 682 బోగీలు, ఎనిమిది ఇంజన్‌లతో నడిచే ఈ రైలు ఎందుకు ప్రయాణికులను తీసుకెళ్లదని చాలా మంది ఆశ్చర్యపోతారు.

ప్రయాణికులు లేని గూడ్స్ బండి
ఈ రైలు ఐరన్ ఓర్‌ను రవాణా చేయడానికి రూపొందించబడింది. ఐరన్ ఓర్ ప్రపంచంలోని అతి ముఖ్యమైన పారిశ్రామిక వనరులలో ఒకటి. ఇది ఆస్ట్రేలియాలోని పశ్చిమ పిల్బరా ప్రాంతంలోని గనుల నుంచి తీరంలోని ఓడరేవులకు నడుస్తుంది. ఈ రైలు పూర్తిగా పారిశ్రామిక పనుల కోసం ఉద్దేశించబడింది. మనుషులను రవాణా చేయడం దీనికి సురక్షితం కాదు. ఈ రైలు ఆటోమేటెడ్ విధానంలో, అంటే కనిష్ట మానవ జోక్యంతో నడుస్తుంది. శాటిలైట్ కమ్యూనికేషన్, రిమోట్ ఏఐ నావిగేషన్, రియల్-టైమ్ డేటా అనలిటిక్స్ ద్వారా ఇది రిమోట్‌గా నిర్వహించబడుతుంది.

ప్రయాణికుల బోగీలను జోడిస్తే.. ఈ రైలు యొక్క సామర్థ్యం తగ్గుతుంది. అదనంగా, ప్రయాణికుల కోసం సౌకర్యాలు, డైనింగ్ హాల్, డ్రైవర్ ఛాంబర్ వంటివి అవసరం అవుతాయి. ఇవి జోడిస్తే, రైలు పనితీరు తగ్గడమే కాక, చట్టపరమైన నిబంధనలు, పర్యవేక్షణ పెరుగుతుంది. ఈ రైలు రూట్‌లో ఎటువంటి నివాస ప్రాంతాలు లేవు. ఇది ఎడారి భూముల గుండా, గనుల నుంచి ఓడరేవులకు నడుస్తుంది. ఈ ప్రాంతంలో ఉష్ణోగ్రతలు 45 డిగ్రీల సెల్సియస్ వరకు ఉంటాయి, దుమ్ము తుఫానులు సర్వసాధారణం, మౌలిక సదుపాయాలు చాలా తక్కువ. పైగా ఆ రైలు బోగీల్లో పారిశ్రామిక ఉత్పత్తులు, వ్యర్థాలు ఉంటాయి. అవి ప్రాణాలకే హానికరం. అందుకే ప్రయాణికులను తీసుకెళ్లడం ఉత్తమం కాదు.

సౌకర్యాలు లేని రైలు
ఈ రైలులో డ్రైవర్ ఛాంబర్, ప్యాంట్రీ, లేదా డైనింగ్ హాల్ వంటి ఏ సౌకర్యాలూ లేవు. ఇది పూర్తిగా ఐరన్ ఓర్ రవాణా కోసం రూపొందించబడింది. ఈ రైలు ఐరన్ ఓర్‌ను సమర్థవంతంగా రవాణా చేయడం కోసం మాత్రమే రూపొందించబడింది. ప్రయాణికుల కోసం కాదు. అందుకే ఇందులో మనుషులు ఉండరు. ఈ రైలు.. పారిశ్రామిక రవాణా రంగంలో జరగబోయే విప్లవాత్మక మార్పులను సూచిస్తుంది.