Bigg Boss 10 Shalini:బిగ్‌బాస్ తెలుగు సీజన్ 10లో ఏడో వారం డబుల్ ఎలిమినేషన్ జరిగింది. వైల్డ్‌కార్డ్ కంటెస్టెంట్ దక్షితో పాటు షాలిని కూడా హౌస్ నుంచి బయటకు వచ్చింది. అయితే ఎలిమినేషన్ తర్వాత షాలిని మళ్లీ సోషల్ మీడియాలో రీల్స్ చేస్తూ కనిపించడంతో నెటిజన్లు రకరకాలుగా స్పందిస్తున్నారు. ఆమె రీల్స్‌పై నెటిజన్లు ఏమంటున్నారో ఓసారి చూద్దాం.
ఈ వారం డబుల్ ఎలిమినేషన్‌లో భాగంగా ప్రేక్షకుల ఓటింగ్‌తో దక్షి ఎలిమినేట్ అయ్యింది. ఇక రెడ్ జోన్‌లో ఉన్నవారిలో హౌస్‌మేట్స్ ఓటింగ్ ద్వారా షాలినిని బయటకు పంపించారు. గత శనివారం ఎపిసోడ్‌లో నాగార్జున వీడియోలు చూపిస్తూ గట్టిగా క్లాస్ తీసుకోవడంతో షాలిని తీవ్ర నిరాశకు గురైంది. తాను హౌస్ నుంచి వెళ్లిపోతానని షాలిని చెప్పడంతో బిగ్‌బాస్ డోర్లు తెరిచారు. అయితే, ఆమెను వెళ్లకుండా ఆపారు. అయితే తాజాగా హౌస్‌మేట్స్ ఓటింగ్ పేరుతో ప్లాన్ ప్రకారమే షాలినిని ఎలిమినేట్ చేశారనే టాక్ వినిపిస్తోంది.
అగ్నిపరీక్ష ద్వారా హౌస్‌లోకి వచ్చిన షాలిని మొదటి నుంచి రోహిత్‌తో లవ్ ట్రాక్‌పైనే దృష్టి పెట్టిందనే విమర్శలు వచ్చాయి. సొంతంగా గేమ్ ఆడటం లేదని, ప్రతి విషయంలోనూ అరుస్తోందని నెగిటివిటీ పెరిగింది. గత వారం ఎలిమినేట్ అయినా, సీక్రెట్ రూమ్‌లో ఉంచి మళ్లీ హౌస్‌లోకి తీసుకొచ్చారు. అయినప్పటికీ ఆమె ఆటతీరులో మార్పు రాలేదు. దీంతో ఏడు వారాల తర్వాత షాలిని హౌస్ నుంచి ఎలిమినేట్ అయింది.
అగ్నిపరీక్ష ద్వారా హౌస్‌లోకి వచ్చిన షాలినికి వారానికి రూ.75 వేల రెమ్యునరేషన్ ఇచ్చేలా ఒప్పందం కుదిరినట్లు టాక్ . ఈ లెక్కన ఏడు వారాలు హౌస్‌లో ఉన్నందుకు ఆమెకు మొత్తం రూ.5.25 లక్షల వరకు పారితోషికం అందినట్లు తెలుస్తోంది. ఇక హౌస్ నుంచి బయటకు రాగానే షాలిని చాలా కూల్‌గా తన పాత స్టైల్‌లోకి మారిపోయింది.
also read:యాంకర్ తో పెళ్లిపై సుధీర్ క్లారిటీ!
ఎలిమినేషన్ తర్వాత షాలిని వెంటనే సోషల్ మీడియాలో రీల్స్ చేస్తూ యాక్టివ్ అయిపోయింది. ఇది చూసిన నెటిజన్లు రకరకాలుగా కామెంట్లు చేస్తున్నారు. “హౌస్‌లో అంత రచ్చ చేసి, బయటకు వచ్చాక ఏమీ జరగనట్లు రీల్స్ చేస్తోంది” అని కొందరు అంటుంటే, “ఇప్పుడు రోహిత్ పరిస్థితి ఏంటి?” అంటూ మరికొందరు సరదాగా కామెంట్లు చేస్తున్నారు.
ఇక మొత్తానికి, బిగ్‌బాస్ హౌస్‌లో వివాదాస్పద కంటెస్టెంట్‌గా నిలిచిన షాలిని ఎలిమినేషన్‌తో ఆమె ఆట ముగిసింది. బయటకు రాగానే హౌస్‌లోని గొడవలను పక్కన పెట్టి మళ్లీ రీల్స్‌తో సందడి చేస్తోంది. మరి రాబోయే రోజుల్లో షాలిని తన కెరీర్‌ను ఎలా ముందుకు తీసుకెళ్తుందో చూడాలి.
Share
బంగారంలో అసలు పసుపు రంగే ఉండదా? మరి ఈ దగదగ మెరుపు వెనుక రహస్యం ఏంటి?
పెళ్లితో వార్తల్లోకి వచ్చిన అర్జున్ చిన్న కూతురు..ఆమె చేసే బిజినెస్ ఏంటో తెలుసా ?
