Emmanuel: ఇటీవలకాలంలో ఎన్నో కామెడీ షోలు ప్రేక్షకులను అలరిస్తున్న విషయం తెలిసిందే. ఇకపోతే మరికొన్ని షోలలో ప్రేక్షకులను ఎంటర్టైన్ చేయడానికి కూడా కామెడీ పండిస్తున్నారు. అయితే ఆ కామెడీ కాస్త బెడిసి కొట్టి ఆయా కమెడియన్స్ కి పెద్ద తలనొప్పిగా మారుతున్న విషయం కూడా తెలిసిందే. ముఖ్యంగా ఆడియన్స్ ను ఎంటర్టైన్ చేయడానికి అప్పుడప్పుడు కమెడియన్లు చేసే చిన్న చిన్న స్కిట్లు వారిని విమర్శల పాలు చేస్తూ ఉంటాయి. ఇప్పటికే బుల్లెట్ భాస్కర్, హైపర్ ఆది లాంటి ఎంతోమంది కమెడియన్లు స్టార్ హీరోల మాటలను ఇమిటేట్ చేసి వారి అభిమానుల ఆగ్రహానికి గురైన విషయం తెలిసిందే.
అయితే ఇప్పుడు ఈ జాబితాలోకి ఇమ్మాన్యుయేల్ (Emmanuel) కూడా వచ్చారు. జబర్దస్త్ (Jabardasth) కమెడియన్ గా తనకంటూ ఒక ప్రత్యేకమైన గుర్తింపును సొంతం చేసుకున్న ఈయన బిగ్ బాస్ లో కూడా సందడి చేసిన విషయం తెలిసిందే. ఇకపోతే ప్రస్తుతం ఇమ్మాన్యుయేల్ పై మెగా అభిమానులు ఫైర్ అవుతున్నారు. మరి మెగా అభిమానుల ఆగ్రహానికి ఇమ్మాన్యుయేల్ గురికావడానికి గల కారణం ఏమిటి? అనే విషయానికి వస్తే.. ఇటీవల రామ్ చరణ్ (Ram Charan), బుచ్చిబాబు సన(Bucchi babu Sana) దర్శకత్వంలో పెద్ది సినిమా చేసి మంచి విజయాన్ని తన ఖాతాలో వేసుకున్నారు. ఈ సినిమా నుండి వచ్చిన పాటలు కూడా సోషల్ మీడియాలో వైరల్ అవుతున్న విషయం తెలిసిందే.
ALSO READ:ఇక సెలవు.. ముగిసిన షావుకారు జానకి అంత్యక్రియలు!
ఇక అందులో “మస్సా మస్సా” పాట కూడా ఒకటి. ఈ పాటను ఇమ్మాన్యుయేల్ చేశారు. ఇక అసలు విషయంలోకి వెళ్తే.. అలీ, జూనియర్ శ్రీదేవి జడ్జెస్ గా కుకు విత్ జాతి రత్నాలు సీజన్ 2 ఇటీవల ముగిసిన విషయం తెలిసిందే. అయితే ఈ షోలో భాగంగా ఇమ్మాన్యూయేల్ పెద్ది గెటప్ లో మస్సా మస్సా పాటను రీ క్రియేట్ చేశారు. అందులో ఆయన డాన్స్ చేస్తుండగా ఒక్కసారిగా విగ్గు మొత్తం ఊడిపోయింది. అక్కడున్న వారంతా నవ్వారు. పైగా రామ్ చరణ్ డాన్స్ స్టెప్పులను ప్రాక్టీస్ చేసే ప్రయత్నం చేశారు. కానీ అది కూడా వర్క్ అవుట్ కాలేదు. దీంతో ఇది చూసిన మెగా అభిమానులు రాంచరణ్ ను ఇమిటేట్ చేశాడని.. ఇమిటేట్ చేసినా పర్వాలేదు. అంత చెత్తగా పెర్ఫార్మ్ చేస్తావా?అంటూ మండిపడుతున్నారు. మొత్తానికైతే రామ్ చరణ్ పెద్ది మూవీ లో పాటను ఇమిటేట్ చేసి ఇప్పుడు మెగా అభిమానుల ఆగ్రహానికి ఇమ్మాన్యూయేల్ గురయ్యాడని చెప్పవచ్చు.
ఇమ్మాన్యూయేల్ మాత్రమే కాదు ఈయన సోదరుడు వంశీ నండూరి కూడా ఒక నటుడే కావడం గమనార్హం. గతంలో ఇమ్మాన్యుయేల్ కలిసి పటాస్ వంటి షోలలో సందడి చేసిన మళ్లీ ఇన్నేళ్ల తర్వాత సమంత సినిమాలో కనిపించి ఆకట్టుకున్నారు. నందిని రెడ్డి దర్శకత్వంలో సమంత హీరోయిన్ గా నటించిన ఈ సినిమాలో సమంత వెనకే ఫాలో అవుతూ.. తరచూ ఆమెతో తిట్టించుకోవడం, పెద్ద గరిటతో కొట్టించుకోవడం, చివరికి ఫైట్ చేయడం లాంటి సన్నివేశాలు చాలా అద్భుతంగా నటించాడు. ఈయన నటించిన తొలి సినిమానే అయినా తన పాత్రతో అందరి దృష్టిని ఆకట్టుకున్నారు. మొత్తానికైతే అటు ఇమ్మాన్యూయేల్ ఇటు వంశీ ఇద్దరు కూడా నటులుగా స్థిరపడిపోయారు.
Too Much raa idi @ maatv pic.twitter.com/f6bgzJ4cTq
— FOR 🅰 REASON (@f_a_r_i_n_x) August 21, 2026
Share
లండన్ స్కూల్ ఆఫ్ ఎకనామిక్స్ ప్రతినిధులతో సీఎం రేవంత్ చర్చలు!
న్యాయం అందరికీ సమానం కాదా.. ఎంపీ లింగమనేని కొడుకు కేసులో నిజాలు దాస్తున్నారా..!
