Kissik talks:సినిమాల్లోకి హీరోగా అడుగు పెట్టాలనుకుని.. సైడ్ క్యారెక్టర్ గా కెరియర్ ప్రారంభించి, అనూహ్యంగా కొరియోగ్రాఫర్ గా మారి, అందరి దృష్టిని ఆకర్షించిన నటరాజ్ మాస్టర్ (Nataraj Master) గురించి పరిచయాలు ప్రత్యేకంగా అవసరం లేదు. అద్భుతమైన నృత్య కవళికలతో భారీ పాపులారిటీ అందుకున్న ఈయన.. తాజాగా బిగ్ టీవీ ఎక్స్ క్లూజివ్ గా నిర్వహిస్తున్న కిస్సిక్ టాక్స్ కార్యక్రమానికి గెస్ట్ గా విచ్చేశారు. ఇందులో ఎన్నో విషయాలను పంచుకున్న ఆయన.. ఇండస్ట్రీలోకి వచ్చిన కొత్తలో పడ్డ అవమానాలు, ఇబ్బందులు, ఆకలి పోరాటాలు ఇలా అన్ని చెప్పుకొచ్చారు.. అంతేకాదు ఒక లేడీ తనను మోసం చేసిందని, త్వరలోనే ఆమె గుట్టు బయట పెడతానని చెప్పిన నటరాజ్ మాస్టర్.. ఇదే ఇంటర్వ్యూలో తన జీవితంలో తాను మర్చిపోలేని ఒక రోజు గురించి చెప్పి అభిమానులను సర్ప్రైజ్ చేశారు.
తాజాగా ఇంటర్వ్యూయర్ వర్ష మాట్లాడుతూ..” మీరు మీ జీవితంలో మర్చిపోలేని రోజు ఏదైనా ఉంది అంటే.. అది ఏది? అని ప్రశ్నించింది. నటరాజ్ మాస్టర్ మాట్లాడుతూ.. “పాప పుట్టిన రోజు.. పుట్టిన తర్వాత కంటిన్యూస్ గా ఏడుస్తూనే ఉంది. కానీ నా కూతుర్ని నా చేతుల్లో పెట్టాక.. ఒక్కసారిగా ఏడుపు ఆపేసి కళ్ళు పెద్దవి చేసి మరీ నన్ను అలా చూసింది. నా కూతురు ఆరోజు చూసిన చూపులో.. నాకు అర్థమైంది ఏమిటంటే.. నీకోసం నేను వచ్చాను. ఇక నువ్వు బాధపడకు అని.. ఆ ఫీల్ నాలో కలిగింది “అంటూ తన జీవితంలో మర్చిపోలేని రోజు అదే అంటూ చెప్పుకొచ్చారు నటరాజ్ మాస్టర్.
మీ కూతురి కోసం ఏదైనా కోరమంటే ఏం కోరతారు? అని వర్ష ప్రశ్నించగా.. నా ఆయుష్షు కూడా తనకే పోసి.. ఇంకా ఎక్కువ ఆయుష్షు పోయమని ఆ దేవుడిని అడుగుతానని నటరాజు మాస్టర్ తన కూతురిపై ఉన్న ప్రేమను ఇలా వ్యక్తపరిచారు.
also read:బిగ్ బాస్ 10పై షాకింగ్ కామెంట్స్ చేసిన నటరాజ్ మాస్టర్!
నేను ఒక ఇల్లు కొన్నాను. రిజిస్ట్రేషన్ సమయంలో నా దగ్గర డబ్బు లేదు. ఎవరు కూడా సపోర్ట్ చేయలేదు. ఎవరు కూడా మన అని ఉండరు .. అలా నటిస్తారు మాత్రమే. కష్టం వచ్చినప్పుడు దూరంగా వెళ్లిపోతారు. అప్పుడే నాకు డబ్బు విలువ అర్థమయింది అంటూ నటరాజ్ మాస్టర్ తెలిపారు.
ఒక ఎత్తుకు ఎదగాలని మా నాన్న ఎన్నో కలలు కన్నారు. అయితే నేను సక్సెస్ పొందిన తర్వాత దాన్ని చూడడానికి మా నాన్న లేరు. నేను ఇండస్ట్రీలో ఒక్కో మెట్టు ఎక్కుతున్న సమయంలోనే అనారోగ్య సమస్యలతో ఆయన తుది శ్వాస విడిచారు అంటూ తన తల్లిదండ్రుల గురించి చెబుతూ ఎమోషనల్ అయ్యారు నటరాజ్ మాస్టర్.
Share
తెలుగు దేశం పార్టీ ఆవిర్భావం.. 80'sలో ఎన్టీఆర్ సంచలనం, అంతలోనే సంక్షోభం!
జీహెచ్ఎంసీలో ష్.. గప్ చుప్ రూల్.. ఉన్నతాధికారుల సీక్రెట్ ఆంక్షలు!
