Kissik Talks:బిగ్ టీవీ ప్రతిష్టాత్మకంగా నిర్వహిస్తున్న సెలెబ్రిటీ టాక్ షో కిస్సిక్ టాక్స్ (Kissik Talks)లో ఈ వారం మరో ప్రముఖ సెలెబ్రిటీతో మన ముందుకు వచ్చేందుకు సిద్దమైంది.తెలుగులో పలు సినిమాలలో నటించి,బిగ్ బాస్ 8లో కంటెస్టెంట్ గా పాల్గొని తన ఆటతీరుతో ఎంతో మంది ప్రేక్షకుల మనసుల్ని దోచుకున్న సోనియా ఆకుల ఈ వారం కిస్సిక్ టాక్స్ (Kissik Talks)లో పాల్గొనగా 72వ ఎపిసోడ్ గా వస్తున్న ఈ ఇంటర్వ్యూ ప్రోమో ఇపుడు తాజాగా నెట్టింట్లో వైరల్ అవుతుంది.
ఈ ఇంటర్వ్యూలో సోనియా మాట్లాడుతూ తన భర్త పేరు వీరగోని యశ్‌పాల్‌ అని, తను ఫ్లై హై కన్సల్టెంట్స్ సీఈఓ గా ఉన్నాడని, అంతేకాకుండా తనొక సీరియల్ ఎంట్రప్రెన్యూర్ అని తెలిపింది. ఇక అతనికి ఎడ్యుకేషన్ ఫీల్డ్ లో ఎంతో అనుభవం మరియు అవగాహన ఉన్నాయని చెప్పుకొచ్చింది. అంతేకాకుండా తామొక హెల్త్ కేర్ ప్రొడక్ట్స్ ని తీసుకొస్తున్నామని, అది మధ్యతరగతి వారికి అందుబాటులో ఉండేవిధంగా రీజనబులు బడ్జెట్ లో ఉండేవిధంగా ప్లాన్ చేస్తున్నామని తెలిపింది.
also read :టాక్సిక్ ఫస్ట్ డే కలక్షన్స్ ఎంతో తెలుసా ?
ఇక సోనియా ఆకుల విషయానికి వస్తే.. 1987 మే31 న తెలంగాణ రాష్ట్రం, పెద్దపల్లి జిల్లా, మంథనిలో ఆకుల చక్రపాణి, మల్లీశ్వరి దంపతులకు జన్మించింది.ఇక మంధనిలో తొమ్మిదో తరగతి వరకు చదివిన సోనియా పదోతరగతిని హన్మకొండలోని S.R స్కూల్ లో కంప్లీట్ చేసింది. ఇక తన ఇంజనీరింగ్ ని హైదరాబాద్ లోని భోజ్ రెడ్డి కాలేజీలో పూర్తి చేసిన సోనియా కొన్నాళ్ళు ఒక సాఫ్ట్ వేర్ కంపెనీలో కూడా పని చేసింది.
ఇక చిన్నప్పటి నుండే సేవా గుణం కలిగిన సోనియా ‘ఆసా’ (యాక్షన్ ఎయిడ్ ఫర్ సొసైటల్ అడ్వాన్స్ మెంట్ ) అనే ఒక స్వచ్చంద సంస్థని ఏర్పాటు చేయడం విశేషం.దాని ద్వారా తల్లి దండ్రులు లేని ఎంతో మంది అనాథ పిల్లలకి తన వంతు సాయం చేసింది సోనియా. ముఖ్యంగా కరోనా సమయంలో వచ్చిన లాక్ డౌన్ లో ‘ఆసా’ ద్వారా ఎంతో మందికి రోజూ వారి సరుకులని పంపి తన గొప్ప మనసుని చాటుకుంది.
ఇక దిశ కేసులో అత్యాచార నిందితుడిగా ముద్ర పది ప్రాణాలు కోల్పోయిన రేణుకకి నెలకి పదిహేను వేల సాయం అందించడం, అలాగే ‘ప్రాజెక్ట్‌ ప్రేరణ’ అనే పేరుతో టీనేజర్స్ కి ఎన్నో ఉపయోగపడే కార్యక్రమాల్ని నిర్వహించింది సోనియా.అలాగే దాదాపు యాబయి మందికి పైగా అమ్మాయిలకి దాతలతో చదువు చెప్పించడం విశేషం.
ఇక సోనియా ఆకుల పెళ్లి విషయానికి వస్తే ..2024 నవంబర్ 20న ఫ్లై హై కన్సల్టెంట్స్ సీఈఓ వీరగోని యశ్‌పాల్‌ తో ఎంగేజ్మెంట్ చేసుకున్న సోనియా ఆకుల డిసెంబర్ 21న పెళ్లి చేసుకున్న సంగతి తెల్సిందే.
also read :టాక్సిక్ దెబ్బకి దిల్ రాజు విలవిల?
మొత్తంగా ప్రోమోలోనే పలు ఆసక్తికరమైన విషయాలని పంచుకున్న సోనియా ఇంకెలాంటి సంచలన విషయాలని బయటపెట్టిందో తెలియాలంటే ఆదివారం టెలీకాస్ట్ అయ్యే కిస్సిక్ టాక్స్ ఫుల్ ఎపిసోడ్ ని చూడాల్సిందే !
Share
Best Gaming Phones: పవర్‌ఫుల్ ప్రాసెసర్, కూలింగ్‌తో అదరగొడుతున్న 3 స్మార్ట్‌ఫోన్లు!
దొరకుంట వద్ద ప్రైవేట్ ట్రావెల్స్ బస్సు నుజ్జునుజ్జు.. అతివేగమే కొంప ముంచిందా..!
