102 Year Old Cricketer in Jammu Kashmir: ఆయన వయస్సు ఏ 70.. 80 యో అనుకునేరూ..? పొరపడినట్లే అవుతుంది. ఎందుకంటే ఆయన వయస్సు అక్షరాల నూటారెండు సంవత్సరాలు. 102 ఏళ్లున్న ఈ వృద్ధుడు గ్రౌండ్ లోకి దిగి క్రికెట్ ఆడిండంటే.. అంతా అవాక్కవ్వాల్సిందే. అందుకే ఆయన ఆడుతుంటే అక్కడి యువతా ఆశ్చర్యపోయి కళ్లార్పకుండా చూశారు. ఆయన ఆడుతుంటే ఏ ప్రముఖ క్రికెటరో ఆడుతున్నట్టు అనిపిస్తుంటది. వయస్సులో ఆయన సెంచరీ మార్కును దాటినప్పటికీ అతను క్రికెట్ లో కూడా చురుకుగా పాల్గొన్నాడు. క్రికెట్ ఎంతగానో ఆదరించే ఈ వృద్ధ క్రికెటర్ మైదానంలో క్రికెట్ ఆడుతూ యువ క్రికెటర్లకు ఆదర్శంగా నిలిచాడు.
ఈయన పేరు హాజీ కరమ్ దిన్. ఈయన వయస్సు 102 ఏళ్లు. జమ్మూ కాశ్మీర్ లోని రియాసి జిల్లాకు చెందిన హాజీ కరమ్ కు గౌరవప్రదమమైన వ్యక్తిగా మంచిగా గుర్తింపు ఉంది. అయితే, ఆయనకు క్రికెట్ అంటే ఎంతో ఇష్టం. అందుకే ఆయన క్రికెట్ ను ఎంతగానో ఆదరిస్తారు. 102 ఏళ్ల వయసులో కూడా ఆయన క్రికెట్ ఆడి స్థానిక యువతకు, యువ క్రికెటర్లకు ప్రేరణగా నిలుస్తున్నారు. ఆయన క్రికెట్ ఆడుతున్న వీడియోలు ప్రస్తుతం వైరల్ అయ్యాయి. ఆయన వీడియోలు చూసి నెటిజన్స్ ఆశ్చర్యపోతున్నారు.
అయితే, ఈ సందర్భంగా ఆయన మాట్లాడుతూ.. జమ్మూకాశ్మీర్ లోని యువత ఎదుర్కొంటున్న సమస్యలపై ఆయన మాట్లాడుతూ పలు విలువైన సూచనలు చేశారు. ఏ ప్రభుత్వం అధికారంలోకి వచ్చినా యువతరానికి ఉపాధి అవకాశాలు కల్పించే దిశగా ముందుకు అడుగులు వేయాలని సూచించారు.
Also Read: ఎంత మంచి మనసు బాస్ నీది.. వికలాంగుడిని క్షణాల్లో వ్యాపారవేత్తను చేశాడు..
అంతేకాదు.. ఆయన ఏప్రిల్ 26న జరిగిన లోక్ సభ ఎన్నికల్లో ఆయన తన ఓటు హక్కును వినియోగించుకుని ఇతరులకు ఆదర్శంగా నిలిచారు. ప్రజాస్వామ్య ప్రక్రియ పట్ల ఆయనకున్న నిబద్ధతకు గౌరవ సూచకంగా పోలింగ్ కేంద్రం వద్ద ఆయనకు ఎన్నికల అధికారి పూలతో స్వాగతం పలికారంటా. ఓటింగ్ అనంతరం ఆయన మాట్లాడుతూ.. 102 ఏళ్ల వయస్సులో కూడా ఓటు హక్కును వినియోగించుకోవడం తనకు సంతోషంగా ఉందని పేర్కొన్నారు.
ప్రస్తుతం హాజీ కరమ్ దిన్ క్రికెట్ ఆడుతున్న వీడియో సోషల్ మీడియాను షేక్ చేస్తుంది. చేతులకు గ్లౌజులు, కాళ్లకు ప్యాడ్లు కట్టుకుని చేతిలో బ్యాట్ పట్టుకుని గ్రౌండ్ లోకి వచ్చి ఆయనకు ఓ కుర్రవాడు బాల్ వేశాడు. ఆయన చక్కగా బ్యాటింగ్ చేస్తూ ఉత్సాహంగా కనిపించారు. ఈ వీడియోను చూసిన నెటిజన్స్ వాహ్ అంటూ కామెంట్స్ పోస్ట్ చేస్తూ హాజీ కరమ్ దిన్ పై ప్రశంసలు కురిపిస్తున్నారు.
#WATCH | J&K: Refusing to let his age restrict him, 102-year-old Haji Karam Din from Reasi remains active, plays cricket and inspires young cricketers around him. The centenarian also cast his vote in the recently held second phase of Lok Sabha elections 2024. pic.twitter.com/YlyVBnHlTq
— ANI (@ANI) May 15, 2024