ఈ రోజుల్లో చాలా మంది తమ వాహనాలు.. ముఖ్యంగా కార్లు, బైకులు, స్కూటర్లు, ఇతర వెహికిల్స్ కొనుగోలు చేయగానే, తమ అభిరుచికి తగినట్లుగా కాస్త మోడీఫికేషన్ చేయించుకుంటున్నారు. బంపర్ స్టిక్కర్ల నుంచి కస్టమ్ పెయింట్ జాబ్ల వరకు మార్పులు చేర్పులు చేయించుకుంటారు. కొంత మంది వీల్స్ కు అందమైన హంగులు అద్దగా, మరికొంత మంది స్టీరింగ్ ను క్రేజీగా తయారు చేయించుకుంటారు. ఇంకొంత మంది అదనపు లైట్లు పెట్టించుకుంటారు. మొత్తంగా చూడ్డానికి వావ్ అనిపించేలా తయారు చేయించుకుంటారు. ఇక తాజాగా ఓ వ్యక్తి తన స్కూటర్ ను కూడా మోడీఫై చేయించుకోవాలి అనుకున్నాడు. అనుకున్నదే ఆలస్యంగా.. వెంటనే మెకానిక్ దగ్గరికి తీసుకెళ్లి క్రేజీగా తయారు చేయించుకున్నాడు. ప్రస్తుతం ఈ స్కూటర్ వీడియో సోషల్ మీడియాలో తెగ వైరల్ అవుతోంది. ఇంతకీ ఆయన ఏం చేశాడంటే..
మధ్యప్రదేశ్ లోని జబల్ పూర్ కు చెందిన ఓ వ్యక్తి తన స్కూటర్ అద్దిన అదనపు హంగులు ఆందరినీ ఆకట్టుకుంటున్నాయి. బాడీ అంతా లైట్లు, రత్నాలు, ముత్యాలతో అలరించాడు. గులాబీ, నారింజ రంగులలో మూడు ఈకల లాంటి ఆభరణాలతో కూడిన సొగసైన కిరీటాన్ని ఏర్పాటు చేశాడు. సింహాసనాన్ని పోలి ఉండే రాయల్ బ్లూ సీటును ఏర్పాటు చేయించాడు. హ్యాండిల్స్ రెండు వైపులా అందంగా ఊగుతున్న ఆకుపచ్చ టాసెల్ లతో అలంకరించాడు. ఈ స్కూటర్ విచిత్రంగా కనిపించడంతో పాటు ఎంతో వినోదభరితంగా ఆకట్టుకుంటుంది. అంతేకాదు, ఈ స్కూటర్ కు సంగీతాన్ని అందించే మొబైల్ యాడ్ చేయబడింది. హెడ్ లైట్ మీద ప్రత్యేకంగా ఏర్పాటు చేయించిన ప్రత్యేకమైన డిస్ ప్లేలో వీడియో చూసేలా ఏర్పాటు చేశారు. ఇందులో నచ్చిన పాటలు వినేలా, నచ్చిన వీడియోలు చూసేలా తయారు చేశాడు. స్కూటర్ వీల్స్ కు బ్లింగ్ ట్రీట్మెంట్ చేయించాడు. మెరిసే బంగారు, వెండి రత్నాలతో అలంకరించబడ్డాయి. ప్రస్తుతం ఈ స్కూటర్ జబల్ పూర్ లో తెలియని వారు లేరంటే, ఎంత క్రేజ్ సంపాదించిందో అర్థం చేసుకోవచ్చు.
ఇక ఈ వీడియోను చూసి నెటిజన్లు క్రేజీగా కామెంట్స్ చేస్తున్నారు. చాలా బాగుందంటున్నారు. మరో వ్యక్తి దీన్ని ‘రణ్ వీర్ సింగ్ కి స్కూటర్’ అని కామెంట్ చేశాడు. “ఈ స్కూటర్ ను మరింత మెరుగు పరిచేలా భద్రతా వ్యవస్థ, వైఫై, ఇన్వర్టర్, బహుశా శాటిలైట్ కనెక్టన్ కూడా ఇన్ స్టాల్ చేయవచ్చు” అని మరో నెటిజన్ సరదాగా కామెంట్ చేశాడు.
ఈ స్కూటర్ గురించి గతంలోనే దిగ్గజ పారిశ్రామికవేత్త ఆనంద్ మహీంద్రా రియాక్ట్ అయ్యారు. దీని వీడియోను షేర్ చేస్తూ, స్కూటర్ ను మోడీఫై చేయించిన యజమాని సృజనాత్మకతను అద్భుతం అంటూ మెచ్చుకున్నారు. తమ దగ్గర ఎలాంటి వాహనం ఉందని కాదు, ఉన్నదాన్ని ఎంత అద్భుతంగా, అపురూపంగా, కలర్ ఫుల్ గా మార్చుకున్నా, చూసుకున్నాం అనేదే ముఖ్యమన్నారు. మొత్తంగా ఈ స్కూటర్ జబల్పూర్ తో పాటు దేశ వ్యాప్తంగా క్రేజ్ సంపాదించుకుంది.
Life can be as colourful and entertaining as you want it to be… #OnlyInIndia pic.twitter.com/hAmmfye0Fo
— anand mahindra (@anandmahindra) June 17, 2022
Read Also: కోడికి కొత్త రెక్కలు.. డ్రోన్తో ఎలా ఎగిరిందో చూడండి!
Share
Bengaluru News: యువతి ఊపిరి తీసిన చెట్టు.. బెంగుళూరులో ఘటన, ఏం జరిగింది?
Young Director: ప్రదీప్ చేతిలో రజినీ, కమల్ మూవీ... యంగ్ డైరెక్టర్ రియాక్షన్ ఏంటంటే ?
