చదువుకోవాల్సిన వయసులో కుర్రాళ్లు చేసే పనులు చూస్తే భయంతో వణికే పరిస్థితులు దాపరించాయి. కొంత మంది డ్రగ్స్, మద్యం బానిసలుగా మారుతుంటే, మరికొంత మంది ఈజీ మనీ కోసం చెడుమార్గాలు పడుతున్నారు. ఓ 17 ఏళ్ల కుర్రాడు మరో అడుగు ముందుకేసి ఐఫోన్, ఐప్యాడ్ కొనుగోలు చేసేందుకు ఏకంగా తన కిడ్నీ అమ్మేశాడు. ఇప్పుడు ఆ యువకుడి పరిస్థితి ఏంటంటే..
నచ్చిన ఐఫోన్, ఐప్యాడ్ కొనుగోలు చేయడానికి వాంగ్ షాంగ్‌ కున్ అనే చైనీస్ యువకుడు సంచలన నిర్ణయం తీసుకున్నాడు. వాటి కోసం డబ్బు సమకూర్చుకునేందుకు ఓ కిడ్నీని బ్లాక్ మార్కెట్ లో అమ్మేశాడు. సుమారు దశాబ్దం తర్వాత ఇప్పుడు ఆ యువకుడు శాశ్వత వికలాంగుడిగా మారిపోయాడు. వల్లమాలిన కోరికలు జీవితాన్ని ఎంత దారుణంగా మార్చుతాయో చెప్పేందుకు వాంగ్ బెస్ట్ ఎగ్జాంపుల్ గా మారాడు.
చైనాలోని ఒక పేద కుటుంబానికి చెందిన వాంగ్ షాంగ్‌ కున్.. 2011లో తన కిడ్నీలలో ఒకదాన్ని 20,000 యువాన్లకు (భారత కరెన్సీలో సుమారు రూ. 2.5 లక్షలు) అమ్మాడు. ఆ డబ్బుతో తనకు నచ్చిన ఐఫోన్ 4, ఐప్యాడ్ 2 కొనుగోలు చేశాడు. కొద్ది రోజులు సంతోషంగానే జీవితాన్ని గడిపినా, రాబోయే ప్రమాదాల గురించి ఆలోచించలేదు. ఒక కిడ్నీ సరిపోతుందని భావించాడు. కానీ, ఆ తర్వాత తన రెండో కిడ్నీ సమస్య ఏర్పడ్డంతో అసలు కథ మొదలయ్యింది.
సుమారు 14 ఏండ్ల క్రితం చేసిన దిద్దుకోలేని తప్పు గురించి వాంగ్ తాజాగా గుర్తు చేసుకున్నాడు. 2011లో రాత్రిపూట ఫోన్ చూస్తుండగా, ఆన్‌ లైన్ చాట్ రూమ్‌ లో ఒక అవయవ అక్రమ రవాణాదారుడి నుంచి ఓ మెసేజ్ వచ్చింది. “ఒక కిడ్నీని అమ్మండి, మీకు 20,000 యువాన్లు లభిస్తాయి” అని ఆ మెసేజ్ లో ఉంది. మనిషి ఒక కిడ్నీ మనిషికి సరిపోతుందని వాంగ్ ను నమ్మించాడు. చివరకు అతడి మాటలు విని వాంగ్ కిడ్నీ ఇచ్చేందుకు అంగీకరించాడు. హునాన్ ప్రావిన్స్‌ లోని ఒక చిన్న పట్టణంలో ఉన్న హాస్పిటల్లో అతడికి ఆపరేషన్ చేసి కిడ్నీ తీసుకున్నారు. వాంగ్ డబ్బు తీసుకొని తనకు నచ్చిన కొత్త ఆపిల్ గాడ్జెట్స్ తీసుకుని ఇంటికి వచ్చాడు.
వాంగ్ ఆనందం ఎక్కువ రోజులు నిలువలేదు. కొన్ని నెలల్లోనే మిగిలిన కిడ్నీ సమస్య తలెత్తింది. కిడ్నీ తీసుకునే సమయంలో చేసిన ఆపరేషన్ సందర్భంగా సరైన శుభ్రత పాటించకపోవడం వల్ల ఇన్ఫెక్షన్ సోకింది. వాంగ్ ను తిరిగి ఆసుపత్రికి తరలించారు, అక్కడ పరీక్షల్లో అతడి కిడ్నీ పని తీరు 25 శాతానికి పడిపోయినట్లు వైద్యులు వెల్లడించారు. ఇప్పుడు వాంగ్ వయసు 31 సంవత్సరాలు. కిడ్నీ రోగిగా మారిపోయాడు. ప్రస్తుతం డయాలసిస్ మీద ఆధారపడి జీవితాన్ని కొనసాగిస్తున్నాడు. యంగ్ ఏజ్ లో అతడు తీసుకున్న ప్రమాదకర నిర్ణయం కారణంగా ఇప్పుడు ఎప్పుడు ప్రాణాలు పోతయో తెలిని పరిస్థితితో బతుకీడుస్తున్నాడు.
Read Also: బెడ్ రూమ్‌లో కెమెరా పెట్టి.. విదేశీయులతో ఆ పని చేయాలంటూ భార్యపై భర్త ఒత్తిడి, చివరికి…
Share
Amazon Offers: అమెజాన్ షాపింగ్ పై 10% అదనపు క్యాష్బ్యాక్ .. సిఎస్బి బ్యాంక్ కొత్త ఆఫర్!
Potato for Face: ముఖానికి ఆలుగడ్డ రాస్తే.. ఇలా అవుతుందా?
