Indian American: విమానంలో తలెత్తుతున్న సాంకేతిక లోపాలతో ప్రయాణికులు ఓ వైపు టెన్షన్ పడుతున్నారు. ఇంకోవైపు ఇద్దరు ప్రయాణికులు ఒకరిపై మరొకరు పిడిగుద్దులు గుద్దుతున్నారు. రక్తం కారేలా కొట్టుకున్నారు. మిగతా ప్రయాణికులు ఎంత విడిపించినప్పటికీ ఫలితం లేకపోయింది. విమానం ల్యాండింగ్ కాగానే భారత సంతతికి చెందిన వ్యక్తిని అరెస్టు చేశారు. దానికి సంబంధించిన వీడియో నెట్టింట్లో వైరల్ అయ్యింది.
జూన్ 30 అనగా సోమవారం అమెరికాలోని ఫిలడెల్ఫియా నుంచి మయామికి ఫ్రాంటియర్ ఎయిర్‌లైన్స్ విమానం వెళ్తోంది. ఈ విమానంలో ఇద్దరు ప్రయాణికుల మధ్య మాటా మాటా పెరిగింది. చివరకు ఘర్షణకు దారి తీసింది. అందులో ప్రయాణిస్తున్న భారత్ సంతతికి చెందిన 21 ఇషాన్ శర్మ.. తన ముందు సీటులో కూర్చొన్న కీను ఎవాన్స్‌పై దాడికి పాల్పడ్డాడు.
ఆ తర్వాత ముష్టిఘాతాలకు దిగారు. ఒకరిపై సీట్లపై మరొకరు ఎక్కి కొట్టేసుకున్నారు. తోటి ప్రయాణికులు విడిపించేందుకు తీవ్ర ప్రయత్నాలు చేసినప్పటికీ ఫలితం లేకపోయింది. ఈ వ్యవమారం జరుగుతుండగానే మరొకరు తమ ఫోన్లకు పని చెప్పారు. ఈ తతంగాన్ని చిత్రీకరించి సోషల్ మీడియాలో అప్‌లోడ్ చేశారు. ఆ వీడియో నెట్టింట్లో తెగ చక్కర్లు కొడుతోంది. విమానం గాల్లో ఉండగానే ఈ తతంగమంతా జరిగింది.
చివరకు విమానం మయామిఎయిర్‌పోర్టులో ల్యాండింగ్ కాగానే పోలీసులు విమానం వద్దకు చేరుకున్నారు. భారత సంతతికి చెందిన ఇషాన్ శర్మను అదుపులోకి తీసుకున్నారు. దీనిపై కేసు కూడా నమోదు చేశారు. ఈ ఘటనపై మంగళవారం న్యాయస్థానంలో విచారణ జరిగింది. శర్మ తరఫు న్యాయవాది తన వాదనలు వినిపించారు.
ALSO READ: నవ్వకండి.. సీరియస్ మేటర్, సవతిలా మారిన చాట్ జీపీటీ
తన క్లయింట్ మత విశ్వాసాల ప్రకారం ధ్యానం చేసుకుంటున్నాడని కోర్టు దృష్టికి తెచ్చారు. దీన్ని సహించలేని వెనుకనున్న ఓ ప్రయాణికుడు గొడవ దిగాడని వివరించినట్టు స్థానిక న్యూస్ ఏజెన్సీలు తెలిపాయి. బాధితుడు కీను ఎవాన్స్ తరపు వాదన మరోలా ఉంది. ఇషాన్ శర్మ ప్రవర్తన వింతగా ఉందని, తనతో పెట్టుకుంటే చావు ఖాయమని బెదిరించాడని తెలియజేశారు.
ఈ విషయాన్ని విమాన సిబ్బంది దృష్టికి తీసుకెళ్లనని, సహాయం కోసం బటన్ నొక్కమని సూచించారని తెలిపారు. శర్మ బెదిరింపులు ఆపకపోవడంతో బటన్ నొక్కానని న్యాయస్థానం దృష్టికి తెచ్చారు. ఆ తర్వాత శర్మ తనపై దాడి చేసి గొంతు పట్టుకున్నాడని ఎవాన్స్ వివరించారు. ఆత్మరక్షణ కోసమే తాను ప్రతిఘటించాల్సి వచ్చిందని చెప్పుకొచ్చారు.
ఈ ఘటనకు సంబంధించిపై ప్రస్తుతం విచారణ కొనసాగుతోందని వెల్లడించారు. అతడు లేచి నా నుదిటిపై గట్టిగా కొట్టాడని, ఆ సమయంలో తనను తాను రక్షించుకోవడానికి చేయగలిగినదంతా చేశానని వివరించారు. ఈ గొడవలో శర్మ ఎడమ కనుబొమ్మపై గాయం అయ్యింది. ఎవాన్స్ ముఖంపై గీతలు పడ్డాయి.ఈ సంఘటనపై ఫ్రాంటియర్ ఎయిర్‌లైన్స్ ఇంకా స్పందించలేదు.
New: Ishaan Sharma, 21, was arrested for allegedly committing an unprovoked assault on a fellow passenger aboard a Frontier flight to Miami.
Sharma faces charges of battery and a $500 bond, per jail records.
The victim reported to police that the attack was unprovoked,… pic.twitter.com/9xwPmKNHaF
— The Facts Dude (@The_Facts_Dude) July 3, 2025
Share
Krishna Manthra: ఎక్కడికైనా ప్రయాణించేముందు ఈ మంత్రాన్ని చదవండి, ప్రమాదం జరగకుండా కాపాడుతుంది
Junk Food: జంక్ ఫుడ్ తినడం వల్ల వచ్చే.. ప్రమాదకర వ్యాధులు ఇవే !
