Mumbai: ముంబైలో ఒక వ్యక్తి తన పుట్టినరోజు వేడుకల కోసం చేసిన అత్యుత్సాహం ఇప్పుడు పోలీసు కేసు వరకు వెళ్లింది. ముంబైలోని గోరేగావ్ వెస్ట్, రామ్ మందిర్ రోడ్డులో ఉన్న సోమాని గ్రామ్ ప్రాంతంలో ఈ ఘటన జరిగింది. ఫహద్ షేక్ అనే వ్యక్తి తన 33వ పుట్టినరోజును పురస్కరించుకుని, రోడ్డుపై పెట్రోల్తో ’33’ అనే అంకెను రాసి దానికి నిప్పు పెట్టాడు. సన్టెక్ సిటీ (4వ ఎవెన్యూ) రెసిడెన్షియల్ కాంప్లెక్స్ బయటే ఈ ప్రమాదకరమైన పనికి పాల్పడ్డాడు. దీనికి సంబంధించిన వీడియో సోషల్ మీడియాలో విపరీతంగా వైరల్ కావడంతో స్థానికులు షాక్కు గురయ్యారు.
రోడ్డుకు నష్టం.. స్థానికుల ఆగ్రహం
ఈ విన్యాసం వల్ల ఎంఎంఆర్డీఏ (MMRDA) రోడ్డు నాలుగు చోట్ల దెబ్బతిన్నట్లు తెలుస్తోంది. జనం రాకపోకలు సాగించే బహిరంగ ప్రదేశంలో ఇలా నిప్పుతో ఆటలాడటం పట్ల స్థానిక నివాసితులు తీవ్ర ఆగ్రహం వ్యక్తం చేస్తున్నారు. నిందితుడిపై కఠిన చర్యలు తీసుకోవాలని వారు డిమాండ్ చేస్తున్నారు. వైరల్ అవుతున్న సమాచారం ప్రకారం, ఫహద్ షేక్ జోగేశ్వరి వెస్ట్ ప్రాంతానికి చెందిన ఒక కార్ డీలర్ అని తెలుస్తోంది.
రంగంలోకి దిగిన పోలీసులు
ఈ వీడియో వైరల్ కావడంతో ముంబై పోలీసులు తక్షణమే స్పందించారు. ప్రస్తుతం వారు ఈ ఘటన ఎప్పుడు జరిగింది? ఎక్కడ జరిగింది? వీడియోలో ఉన్న వ్యక్తి నిజంగా ఫహద్ షేకేనా? అనే విషయాలను నిర్ధారించుకునే పనిలో ఉన్నారు. రోడ్డుకు జరిగిన నష్టాన్ని కూడా పోలీసులు పరిశీలిస్తున్నారు. పూర్తిస్థాయి విచారణ అనంతరం నిందితుడిపై చట్టపరమైన చర్యలు తీసుకుంటామని పోలీసులు వెల్లడించారు.
Also Read:పోలీసులకే సవాల్.. అందరూ చూస్తుండగానే బ్యాంకును ఊడ్చేశారు!
Reckless Birthday Stunt Sparks Outrage in #Mumbai In Goregaon West, a car dealer from Jogeshwari allegedly poured petrol on the MMRDA road outside Sunteck City 4th Avenue and set it on fire while filming a birthday reel. The dangerous act damaged the road surface at 4 spots.
1/2 pic.twitter.com/OqgB8lt1fL— Siraj Noorani (@sirajnoorani) April 27, 2026
Share
పది నామినేటెడ్ పోస్టులకు పచ్చ జెండా! కొలిక్కి వచ్చిన కసరత్తు..! టీజేఎస్ నేతలకు చాన్స్ ఉండేనా?
మోదీ పాలనలో వ్యవస్థల విధ్వంసం.. కుటుంబ వివాదాలతో కేసీఆర్ ఆగమాగం: మహేష్ కుమార్ గౌడ్
