Viral Video: ఇటీవల కాలంలో యువత రీల్స్ మోజులో పడి తాము ఏం చేస్తున్నామనేదే మరచిపోయి వింతగా ప్రవర్తిస్తున్నారు. వీరిలో కొందరు బహిరంగంగా స్టంట్స్ చేస్తుంటే, మరికొందరు నడిరోడ్డుపై రొమాన్స్ చేస్తూ.. ఫేమస్ అవ్వడానికి చూస్తుంటారు. తాజాగా ఇలానే ఓ యువతి నడిరోడ్డుపై గన్ పట్టుకుని డ్యాన్స్ చేస్తూ రీల్స్ చేసింది. దీంతో ఆమెకు పోలీసులు దిమ్మిదిరిగే షాక్ ఇచ్చారు.
ప్రస్తుతం కాలంలో చేతిలో ఫోన్ ఉందంటే చాలు.. రీల్స్ చూస్తూ కాలం గడిపేస్తున్నారు. మరి కొందరేమో రీల్స్ చేస్తూ ఒక్క రోజులోనే ఫేమస్ అయిపోతున్నారు. రకరకాల వీడియోలు, స్టంట్స్, రీల్స్ చేస్తూ నెటిజన్లను అట్రాక్ట్ చేస్తున్నారు. తాజాగా అలానే ఓ అమ్మాయి చేసిన వీడియో నెట్టింట తెగ్ వైరల్ అవుతోంది. వీడియోలో ఆ యువతి చేసిన పనికి పోలీసులు కూడా రంగంలోకి దిగారు.
సిమ్రాన్ యాదవ్ అనే యువతి ఉత్తరప్రదేశ్లోని లక్నోలో ప్రముఖ యూట్యూబర్ గా గుర్తింపు పొందింది. అయితే ఆమె ఇటీవలే రద్దీగా ఉండే రోడ్డుపై గన్ పట్టుకుని రీల్స్ చేసింది. దీంతో ఆ వీడియో చూసిన నెటిజన్లు ఆమెపై తీవ్ర స్థాయిలో మండిపడుతున్నారు.
ఈ వీడియోలో సిమ్రాన్ లక్నోలోని ఓ హైవేపై భోజ్పురి పాటకు గన్ పట్టుకుని మరీ డ్యాన్స్ చేసింది. చేతిలోని తుపాకీని ఆకాశం వైపు గురిపెడుతూ రీల్స్ చేసింది. అయితే ఈ వీడియోను చూసిన లాయర్ కళ్యాణ్ జీ చౌదరీ ట్వీట్టర్ ద్వారా పోలీసుల దృష్టికి తీసుకువెళ్లాడు. లక్నో ఇన్ స్టాగ్రామ్ స్టార్ సిమ్రాన్ ఇలా ప్రమాదకరంగా గన్ పట్టుకుని.. చట్టాన్ని అతిక్రమిస్తూ రీల్స్ చేస్తుంటే చూస్తూ ఎలా ఊరుకుంటున్నారని రాసుకొచ్చారు.
Also Read: రోడ్డుపై బస్సు ఆపి మరీ కొట్టుకున్న ఇద్దరు మహిళలు.. వీడియో వైరల్!
దీన్ని చూసిన పోలీసులు వెంటనే స్పందించారు. బహిరంగంగా తుపాకీ పట్టుకుని రీల్స్ చేయడంపై ఆ వీడియోపై విచారణ జరపాలని ఆదేశించారు. ప్రస్తుతం దేశంలో ఎన్నికల కోడ్ అమలవుతున్న నేపథ్యంలో ప్రవర్తనా నియమావళిని ఉల్లంఘిస్తే తగిన చర్యలు తీసుకుంటామని హామీ ఇచ్చారు. కాగా, సిమ్రాన్ కు ప్రస్తుతం ఇన్ స్టాగ్రామ్ లో 2.2 మిలియన్ల ఫాలోవర్లు, యూట్యూబ్ లో 1.8 మిలియన్లు ఫాలోవర్లు ఉన్నారు.
instagram star सिमरन यादव लखनऊ सरेआम नियम कानून व आचार संहिता की धज्जियाँ उड़ाते हुए highway पर पिस्टल को लहराकर video वायरल करके समाज में अपनी बिरादरी का रौब जमा रहीं हैं परंतु अधिकारी चुप्पी साधे हुए है l @dgpup @ECISVEEP @Splucknow_rural @Igrangelucknow @adgzonelucknow @myogi pic.twitter.com/GN4zWsc1P9
— Advocate kalyanji Chaudhary (@DeewaneHindust1) May 9, 2024
Share
Samantha: సమంత దగ్గర జాబ్ చేయాలనుకుంటున్నారా.. ఈ పని చేయండి
Amit Shah: 75 ఏళ్లు నిండినా సరే.. మోదీయే మూడో సారి ప్రధాని: అమిత్ షా
