రిటైర్ అయిన ఉద్యోగులకు కూడా పాత పెన్షన్! ఏపీ ప్రభుత్వం సంచలన నిర్ణయం!

CPS to OPS: ఆంధ్రప్రదేశ్ ప్రభుత్వ ఉద్యోగులు ఎప్పటినుంచో ఎదురుచూస్తున్న పాత పెన్షన్ విధానం (OPS) అంశంపై ప్రభుత్వం ఒక కీలక నిర్ణయం తీసుకుంది. కేంద్ర ప్రభుత్వ మార్గదర్శకాలకు అనుగుణంగా, సీపీఎస్ పరిధిలో ఉన్న అర్హులైన ఉద్యోగులకు పాత పెన్షన్‌లోకి మారేందుకు ‘వన్-టైమ్ ఆప్షన్’ కల్పిస్తూ కార్యాచరణను సిద్ధం చేసింది. ఈ నిర్ణయం ప్రస్తుత ఉద్యోగులతో పాటు ఇప్పటికే రిటైర్ అయిన వారికి కూడా పెద్ద ఉపశమనం కలిగిస్తోంది.

ఎవరికి ఈ అవకాశం వర్తిస్తుంది?

ఈ వన్-టైమ్ అవకాశం అందరికీ కాకుండా కేవలం నిర్దేశిత అర్హతలు ఉన్న ఉద్యోగులకు మాత్రమే వర్తిస్తుంది. ప్రస్తుతం విధుల్లో కొనసాగుతున్న ఉద్యోగులతో పాటు, ఇప్పటికే పదవీ విరమణ చేసిన వారు, మరణించిన ఉద్యోగులపై ఆధారపడిన కుటుంబ పెన్షన్ లబ్ధిదారులు కూడా ఈ విధానంలోకి మారవచ్చు. సర్వీసులో ఉన్నవారికీ, రిటైర్ అయినవారికీ వేర్వేరు నిబంధనలు ఖరారు చేశారు.

దరఖాస్తు విధానం.. అవసరమైన పత్రాలు

ఈ మార్పు ప్రక్రియను ప్రభుత్వం ‘NIDHI’ పోర్టల్ ద్వారా చేపడుతోంది. విధుల్లో ఉన్న ఉద్యోగులు తమ పాత NIDHI లాగిన్ ఉపయోగించి అప్లై చేసుకోవాలి. రిటైర్డ్ సిబ్బంది, కుటుంబ సభ్యులు కొత్తగా రిజిస్ట్రేషన్ చేసుకోవాల్సి ఉంటుంది. దరఖాస్తుతో పాటు మీరు మొదటిసారి ఉద్యోగంలో చేరిన నాటి నోటిఫికేషన్ , ఇతర ధ్రువీకరించిన సర్వీస్ పత్రాలను సంబంధిత DDOలకు పోర్టల్ ద్వారా సమర్పించాల్సి ఉంటుంది.

చివరి తేదీ.. దరఖాస్తుల పరిష్కారం

సమర్పించిన దరఖాస్తులను త్వరితగతిన పరిశీలించి పరిష్కరించాలని అధికారులకు స్పష్టమైన ఆదేశాలు అందాయి. అర్హులైన ఉద్యోగులు ఎలాంటి పొరపాట్లకు తావివ్వకుండా 2026 డిసెంబర్ 31 లోపు తమ ఆప్షన్‌ను కచ్చితంగా పూర్తి చేసుకోవాలి. సరైన పత్రాలతో సకాలంలో దరఖాస్తు చేసుకుంటే పెన్షన్ మార్పు ప్రక్రియ సులువుగా పూర్తవుతుంది.

Also Read: ప్రపంచాన్ని ఏలుతున్న AI కింగ్.. ఒక మహిళ వల్ల జైలుకు వెళ్లబోతున్నాడా?