Priyanka Death Case: రాజమండ్రిలో వైద్య విద్యార్థిని మెడికో ప్రియాంక మృతిపై ఆంధ్రప్రదేశ్ ముఖ్యమంత్రి నారా చంద్రబాబు నాయుడు అత్యంత తీవ్రంగా స్పందించారు. ఈ విషాదకర ఘటన కలచివేసిందని పేర్కొన్న సీఎం.. ప్రియాంక మృతికి కారణమైన వారిపై ఉపేక్షించే ప్రసక్తే లేదని స్పష్టం చేశారు. బాధిత కుటుంబానికి ప్రభుత్వం అన్ని విధాలా కొండంత అండగా ఉంటుందని భరోసానిచ్చారు.
అధికారులతో సీఎం అత్యవసర టెలీకాన్ఫరెన్స్
ఈ ఘటనకు సంబంధించిన పూర్తి వివరాలను తెలుసుకునేందుకు జిల్లా కలెక్టర్, పోలీస్ సూపరింటెండెంట్ లతో సీఎం చంద్రబాబు టెలీకాన్ఫరెన్స్ నిర్వహించారు. ప్రియాంకకు రాజమండ్రిలో అందించిన ప్రాథమిక వైద్యం, ఆ తర్వాత పరిస్థితి విషమించడంతో మెరుగైన చికిత్స కోసం హైదరాబాద్ తరలించిన తీరును అధికారులు ముఖ్యమంత్రికి పూసగుచ్చినట్లు వివరించారు. ఈ సందర్భంగా దర్యాప్తు పురోగతిని సీఎం స్వయంగా అడిగి తెలుసుకున్నారు.
నిందితులపై కఠిన చట్టాలు.. తప్పించుకోలేరు!
ప్రియాంక మృతికి కారణమైన నిందితులను ఎట్టి పరిస్థితుల్లోనూ విడిచిపెట్టవద్దని అధికారులను సీఎం ఆదేశించారు. కేవలం అరెస్టులతో సరిపెట్టకుండా, నిందితులకు కోర్టులో కఠిన శిక్షలు పడేలా చట్టంలోని అత్యంత కఠినమైన సెక్షన్ల కింద కేసులు నమోదు చేయాలని స్పష్టం చేశారు. సమాజంలో ఇలాంటి అక్రమాలకు పాల్పడాలంటేనే భయపడేలా చర్యలు ఉండాలని పోలీసులకు దిశానిర్దేశం చేశారు.
బాధిత కుటుంబానికి రూ. 20 లక్షల పరిహారం
తీవ్ర విషాదంలో ఉన్న ప్రియాంక కుటుంబాన్ని ఓదార్చడం ఎవరికీ సాధ్యం కాదని, అయితే ఈ కష్టసమయంలో ఆదుకోవడం ప్రభుత్వ బాధ్యత అని సీఎం చంద్రబాబు తెలిపారు. ప్రియాంక కుటుంబానికి తక్షణ సహాయంగా రూ. 20 లక్షల ఆర్థిక సాయం అందించాలని అధికారులను ఆదేశించారు. బాధిత కుటుంబానికి ఎలాంటి అవసరం వచ్చినా ప్రభుత్వం తోడుగా నిలుస్తుందని హామీ ఇచ్చారు.
Also Read: ధార్ జిల్లాలో ఘోర రోడ్డు ప్రమాదం.. లారీని ఢీకొన్న కారు.. ఆరుగురు మృతి
Share
కీసర 108 సిబ్బంది చేసిన పనికి ప్రశంసల జల్లు.. ఎం చేశారంటే?
నిను వీడని బొద్దింకలు మేమే! చీఫ్ జస్టిస్ చీఫ్ గెస్ట్గా మాకొద్దు.. నల్సార్ వర్సిటీ విద్యార్థుల లేఖ దుమారం!
