Nimmala Ramanaidu: ఆంధ్రప్రదేశ్లో సాగునీటి వ్యవస్థ పునరుద్ధరణకు కూటమి ప్రభుత్వం వేగంగా అడుగులు వేస్తోంది. కాలువలు, డ్రెయిన్లు, రిజర్వాయర్ల నిర్వహణ పనుల కోసం రూ.160 కోట్ల బిల్లులను విడుదల చేయడంపై జలవనరుల శాఖ మంత్రి నిమ్మల రామానాయుడు ముఖ్యమంత్రి నారా చంద్రబాబు నాయుడికి ప్రత్యేక ధన్యవాదాలు తెలిపారు.
ధ్వంసమైన వ్యవస్థకు మళ్లీ ప్రాణం
గత ప్రభుత్వ ఐదేళ్ల పాలనలో నిర్లక్ష్యానికి గురై, తీవ్రంగా దెబ్బతిన్న నీటిపారుదల రంగాన్ని చంద్రబాబు మళ్లీ సరైన గాడిలో పెడుతున్నారని మంత్రి పేర్కొన్నారు. గత పాలకుల హయాంలో కాలువల్లో పూడికతీత, లాకులు, షట్టర్లు, రోప్ల మరమ్మతులకు ఒక్క రూపాయి కూడా ఇవ్వలేదని, చివరికి గ్రీజు పెట్టడానికి కూడా నిధులు కేటాయించలేదని ఆయన విమర్శించారు. వైకాపా ఐదేళ్ల కాలంలో ఓఅండ్ఎమ్ పనులకు కేవలం రూ.200 కోట్లు మాత్రమే కేటాయించి ఇరిగేషన్ వ్యవస్థను పూర్తిగా నిర్వీర్యం చేశారని ఆరోపించారు.
సాగునీటి సంఘాలకు పునర్జన్మ
గత ప్రభుత్వంలో రద్దు చేసిన సాగునీటి సంఘాల వ్యవస్థను తిరిగి పునరుద్ధరించడం ద్వారా సీఎం చంద్రబాబు రైతులకు కొండంత భరోసా ఇచ్చారని రామానాయుడు చెప్పారు. ఎల్ నినో వంటి క్లిష్ట పరిస్థితులు ఎదురైనప్పటికీ, అందుబాటులో ఉన్న కొద్దిపాటి జలవనరులను సమర్థవంతంగా వినియోగించుకోవడంలో ఈ సంఘాలు కీలక పాత్ర పోషిస్తున్నాయన్నారు. రైతుల భాగస్వామ్యంతోనే సాగునీటి నిర్వహణ విజయవంతమవుతుందనే నమ్మకంతో ప్రభుత్వం ముందుకెళ్తోందని వివరించారు.
నిధుల కేటాయింపులో స్పష్టమైన తేడా
కూటమి ప్రభుత్వం అధికారంలోకి వచ్చిన ఈ రెండేళ్ల వ్యవధిలోనే ఓఅండ్ఎమ్ పనుల కోసం ఏకంగా రూ.1320 కోట్లు మంజూరు చేసినట్లు మంత్రి స్పష్టం చేశారు. రైతుల ప్రయోజనాలే పరమావధిగా నీటి నిర్వహణను పక్కా ప్రణాళికతో ముందుకు తీసుకెళ్తున్నామని ఆయన వెల్లడించారు.
Also Read:అల్వాల్లో దారుణం.. భర్తను గొడ్డలితో నరికి చంపిన భార్య.. కారణం తెలిస్తే షాక్!
Share
రాత్రివేళ లాంగ్ డ్రైవ్ చేస్తున్నారా? ఈ జాగ్రత్తలు తప్పక పాటించండి
పబ్లిక్ టాయిలెట్ లో ఇద్దరు యువకుల శవాలు.. ఎవరు చంపారు?
