Proddatur: వైసీపీ ఎంపీ ఉన్నా, అభివృద్ధిలో ఏ మాత్రం వివక్ష లేదన్నారు డిప్యూటీ సీఎం పవన్ కల్యాణ్. కూటమి ప్రభుత్వం ఓట్ల కోసం కాదని, ప్రజల బాగోగులు చూస్తుందని కుండ బద్దలు కొట్టేశారు. భావి తరాల కోసం తాము పనులు చేస్తున్నామని, కక్ష సాధింపులు ఏ మాత్రం లేవన్నారు. కేవలం అభివృద్ధే కూటమి ప్రభుత్వ విధానమని తేల్చేశారు.
గత ప్రభుత్వంలో కూటమి మద్దతుదారు కాంట్రాక్టర్లు, ఉపాధి పనులు చేసిన చిన్న-మధ్య కాంట్రాక్టర్ల చెల్లింపులు నిలిపివేశారని వివరించారు. కూటమి ప్రభుత్వం అధికారంలోకి రాగానే వివక్షకు తావులేకుండా చిన్న కాంటాక్ట్రర్లకు సకాలంలో నిధుల బిల్లులు చెల్లించామని తేల్చిచెప్పారు. గత ప్రభుత్వ హయాంలో ఇదే ప్రొద్దుటూరు నియోజకవర్గంలోని ఓ గ్రామ ప్రజలు తీవ్ర నిర్లక్ష్యాన్ని ఎదుర్కొన్నారని గుర్తు చేశారు. ఈ ప్రాంతంలో కూటమి పార్టీలకు మద్దతుదారులు ఉండడంతో ఆ పని చేశారన్నారు.
దాదాపు 6 వేలు మంద్రి ప్రజలున్న ఈ గ్రామానికి చెందిన పెద్దలు.. నాడు వినతిపత్రం ఇస్తే, వారి కళ్ల ఎదుట నలిపిన రోడ్డుపై పడేశారని వివరించారు. రోడ్లు, తాగునీరు ఏర్పాటు చేయాలని ఫెక్సీలను ఏర్పాటు చేస్తే, యువతను పోలీసుస్టేషన్ల చుట్టూ తిప్పారని మండిపడ్డారు. నాటి తాళ్లమాపురం పంచాయితీ ప్రజలు వివక్ష ఎదుర్కొన్నారని, ఇప్పుడు ఆ నియోకవర్గంలో కోట్లాది రూపాయలు పనులు జరుగుతున్నాయని తెలిపారు. గత ప్రభుత్వం చూపిన వైఖరికి ఇది నిదర్శనం మాత్రమేనని చెప్పారు.
సోమవారం కడప జిల్లాల్లో సీఎం చంద్రబాబు, డిప్యూటీ సీఎం పవన్ కల్యాణ్ పలు పథకాలకు ప్రారంభోత్సవాలు చేశారు. జల్ జీవన్ మిషన్ 2.0 – అమరజీవి జలధార పనులు ప్రారంభించారు. ఈ సందర్భంగా ఏర్పాటు చేసిన సభలో డిప్యూటీ సీఎం పవన్ కల్యాణ్ మాట్లాడారు. గతంలో వైసీపీ చేసిన పనులను ప్రజల ముందు ఎండగట్టారు. వేల కోట్లు ఖర్చు పెట్టి పనులు చేస్తున్నామని, గ్రామీణ ప్రాంతాల్లో జాతీయ రహదారుల పనులు చేసే సమయంలో మంచినీటి పైపులు ధ్వంసం కాకుండా చూడాలని అధికారులను ఆదేశించారు. పైపులు ఉన్నాయా? లేవా అనేది చూడకుండా తవ్వకాలు జరుగుతున్నాయని, ఇవన్నీ సంబంధిత శాఖల విభాగాలతో కో-ఆర్డినేట్ చేస్తే పనులు తాఫీగా జరుగుతాయన్నారు.
ALSO READ: అనకాపల్లి జిల్లాలో విషాదం.. హిట్ అండ్ రన్ ఘటనలో దంపతులు మృతి!
Share
సుప్రీత మధ్యలోనే చదువు ఆపిందా.. కన్నీళ్లు తెప్పించే స్టోరీ!
BSNL ధమాకా ఆఫర్.. ఒక్క రీఛార్జ్తో 380 రోజుల వ్యాలిడిటీ.. ఫ్రీ కాల్స్, రోజూ 2GB డేటా!
