BSNL Plan: చౌకైనా రీఛార్జ్ ప్లాన్లను అందించడంలో బీఎస్ఎన్ఎల్ ఎప్పుడూ ముందు వరుసలో ఉంటుంది. తమ యూజర్లను ఆకట్టుకునేందుకు ఈ ప్రభుత్వ టెలికాం సంస్థ.. ఎప్పటికప్పుడు రీఛార్జ్ ప్లాన్లను అందుబాటులోకి తీసుకొస్తూనే ఉంటోంది. అదే సమయంలో వాటిపై ఆఫర్లను సైతం అందిస్తోంది. ఈ క్రమంలోనే తన వార్షిక ప్లాన్ అయిన రూ.2,399పై అదనపు వ్యాలిడిటీని బీఎస్ఎన్ఎల్ ప్రకటించింది. కాబట్టి ఆ ఆఫర్ తో పాటు ప్లాన్ కు సంబంధించిన వివరాలు ఇప్పుడు చూద్దాం.
సాధారణంగా BSNL తన రూ.2,399 ప్రీపెయిడ్ ప్లాన్ 365 రోజుల వ్యాలిడిటీతో తీసుకొచ్చింది. అయితే తాజాగా ప్రకటించిన ప్రత్యేక ఆఫర్ కింద ఈ ప్లాన్‌పై మరో 15 రోజుల అదనపు వ్యాలిడిటీని ఉచితంగా లభించనుంది. దీనివల్ల వినియోగదారులు ఒక్కసారి రీచార్జ్ చేసుకుంటే ఏకంగా 380 రోజుల పాటు కాల్స్, డేటా, ఎస్ఎంఎస్ సేవలను పొందే అవకాశం లభించనుంది.
ఇక ఈ ప్లాన్ ద్వారా ప్రతిరోజూ 2GB హై-స్పీడ్ డేటా యూజర్లకు లభిస్తుంది. అయితే ఇన్నాళ్లు 365 రోజులకు 730GB డేటా మాత్రమే వచ్చేది. కానీ పొడిగించిన వ్యాలిడిటీ వల్ల వినియోగదారులకు మొత్తం 760GB డేటా అందనుంది. కాబట్టి డేటా అవసరం ఎక్కువ ఉండే యూజర్లకు ఈ వార్షిక ప్లాన్ ఎంతగానో ఉపయోగపడుతుందని బీఎస్ఎన్ఎల్ వర్గాలు చెబుతున్నాయి.
డేటాతో పాటు దేశంలోని ఏ నెట్‌వర్క్‌కైనా అపరిమితంగా మాట్లాడే వాయిస్ కాల్స్ బెనిఫిట్ ను ఈ ప్లాన్ అందిస్తోంది. దీనికి తోడు రోజుకు 100 SMSల చొప్పున ఈ 380 రోజుల వ్యవధిలో మొత్తం 38,000 ఎస్ఎంఎస్‌లను వినియోగదారులు ఉచితంగా పంపుకోవచ్చు.
Also Read: దసరా, దీపావళికి స్పెషల్ ట్రైన్.. చర్లపల్లి నుంచి బెంగళూరుకు కొత్త సర్వీస్!
రూ.2,399 రీచార్జ్‌పై పొడిగించిన 15 రోజుల వ్యాలిడిటీ ఆఫర్ కేవలం అక్టోబర్ 15 వరకు మాత్రమే అందుబాటులో ఉంటుందని ఎక్స్ వేదికగా బీఎస్ఎన్ఎల్ ప్రకటించింది. ఆ గడువు పూర్తయిన తర్వాత ప్లాన్ మళ్లీ సాధారణ 365 రోజుల వ్యాలిడిటీకే ప్లాన్ పరిమితమవుతుందని పేర్కొంది. కాబట్టి అధిక డేటా, ఫ్రీ కాల్స్ ను ఎక్కువ రోజులు కోరుకునే యూజర్లు ఈ ఆఫర్ ను సద్వినియోగం చేసుకోవాలని బీఎస్ఎన్ఎల్ వర్గాలు తెలియజేస్తున్నాయి.
గమనిక: రీఛార్జ్ ధరలు, వ్యాలిడిటీ, ఆఫర్‌లు కంపెనీ నిర్ణయానుగుణంగా ఎప్పటికప్పుడు మారుతుంటాయి. కాబట్టి రీచార్జ్ చేసుకునే ముందు BSNL అధికారిక వెబ్‌సైట్ లేదా యాప్‌ ద్వారా చెక్ చేసుకుంటే మంచిది.
Also Read: KBR పార్క్ చుట్టూ ఫ్లైఓవర్ ప్లాన్ క్యాన్సిల్! అసలు ఏం జరిగిందంటే..?
Share
వైసీపీ ఎంపీ ఉన్నా.. అభివృద్ధిలో వివక్ష లేదన్న డిప్యూటీ సీఎం పవన్ కల్యాణ్
Airtel ధమాకా ప్లాన్.. రూ.279కే నెట్ ఫ్లిక్స్ సహా 18 పైగా ఓటీటీలు.. ఇక ప్రతిరోజూ పక్కా ఎంటర్‌టైన్‌మెంట్!
