తిరుపతిలో ఘోర ప్రమాదం.. క్రేన్ కూలి ముగ్గురి మృతి!

Crane Accident: తిరుపతిలో ఘోర ప్రమాదం చోటుచేసుకుంది. డీబీఆర్ రోడ్డులోని శ్రీ కన్వెన్షన్ పక్క స్థలంలో భవన నిర్మాణం కోసం పునాదులు తీస్తుండగా ఒక క్రేన్ ఉన్నపళంగా కూలిపోయింది. మట్టి తోడుతున్న సమయంలో క్రేన్ ఒక్కసారిగా నియంత్రణ కోల్పోయి గుంటలోకి పడిపోయింది. ఈ ఊహించని ప్రమాదంలో ముగ్గురు అక్కడికక్కడే మృతిచెందారు. నిత్యం రద్దీగా ఉండే ప్రాంతంలో ఈ దుర్ఘటన జరగడంతో స్థానికులు ఒక్కసారిగా దిగ్భ్రాంతికి గురయ్యారు.

సమాచారం అందుకున్న పోలీసులు సంఘటనా స్థలానికి చేరుకుని సహాయక చర్యలు చేపట్టారు. ప్రమాదంలో ఒడిశాకు చెందిన కూలీ రామారావు (45), శ్రీకాకుళం జిల్లాకు చెందిన సివిల్ ఇంజినీర్ సందీప్ (34), తిరుపతికి చెందిన గార్డెన్ వర్కర్ చెంగయ్య (40) మృతిచెందినట్లు అధికారులు ధ్రువీకరించారు. మృతదేహాలను పోస్టుమార్టం నిమిత్తం ఆసుపత్రికి తరలించారు. క్రేన్ కూలడానికి గల అసలు కారణాలపై పోలీసులు కేసు నమోదు చేసి విచారణ జరుపుతున్నారు.

Also Read: దొంగ ఓట్లతోనే మోదీ, అమిషా అధికారంలోకి వచ్చారు.. ఆధారాలతో విరుచుకుపడ్డ రఘువీరా రెడ్డి!

Join WhatsApp Channel

Share

• 
• 
• 
• 
• 
•