లోకల్ బాడీ ఎన్నికలపై విజయసాయిరెడ్డి పలుకులు, రూలింగ్ పార్టీకి అనుకూలం, పవన్‌పై కూడా

Amaravati: ఏపీ స్థానిక సంస్థల ఎన్నికల గంట మోగింది. కార్పొరేషన్లు మొదలు పంచాయితీ ఎన్నికలు డిసెంబర్ రెండు నాటికి పూర్తి కానున్నాయి. స్థానిక సంస్థల ఎన్నికల వాతావరణం వేడెక్కిన వేళ మాజీ ఎంపీ విజయసాయిరెడ్డి హాట్ కామెంట్స్ చేశారు. అధికార పార్టీకి స్థానిక సంస్థల ఎన్నికలు అనుకూలంగా ఉంటాయని చెప్పుకొచ్చారు. అదే సమయంలో డిప్యూటీ సీఎం పవన్ కళ్యాణ్‌పై ప్రశంసలు కురిపించారు.

లోకల్ బాడీ ఎన్నికలపై విజయసాయిరెడ్డి పలుకులు

కొత్త పార్టీ పెట్టనున్న విజయసాయిరెడ్డి మనస్సు అంతా ఏపీపై ఉంది. చికిత్స కోసం దూరంగా కొన్నాళ్లు రాజకీయాలకు దూరంగా ఉన్నా, ఏదో ఒక విషయం గురించి ఎక్స్ వేదికగా ప్రస్తావిస్తూనే ఉన్నారు. ఈసారి ఆయన ఏపీలో జరుగుతున్న స్థానిక సంస్థల ఎన్నికలపై నోరు విప్పారు. నోటిఫికేషన్ విడుదల కావడంతో ఏపీలో ఎన్నికల సందడి మొదలైంది. ఆ ఎన్నికల గురించి మాజీ ఎంపీ విజయసాయిరెడ్డి ఎక్స్ వేదికగా స్పందించారు.

అధికార పార్టీకి అనుకూలం, పవన్‌పై ప్రశంసలు

ఈ ఎన్నికల్లో గెలుపు ఎవరిదో ఆయన జోస్యం చెప్పారు. నార్మల్‌గా అయితే స్థానిక సంస్థల ఎన్నికలు.. అధికార పార్టీకి అనుకూలంగా ఉంటాయి. సాయిరెడ్డి కూడా అదే చెప్పారు. ప్రస్తుతం జరుగుతున్న స్థానిక సంస్థల ఎన్నికలు 2029 ఎన్నికలపై ఎలాంటి ప్రభావం ఉండదని తేల్చేశారు. స్థానిక సంస్థల ఎన్నికలు కేవలం ప్రజాదరణకు కొలమానం కాదన్నది ఆయన మాట. ఈ ఎన్నికల్లో టీడీపీ గెలిచినా దాని ఆధారంగా ఫలితాలను తీసుకుని 2029 ఎన్నికలను అంచనా వేయలేమన్నారు.

అదే సమయంలో డిప్యూటీ సీఎం పవన్ కళ్యాణ్‌పై ప్రశంసల జల్లు కురిపించారు విజయసాయిరెడ్డి. గ్రామీణ ప్రాంతాల్లో రోడ్డు మార్గాల అనుసంధానం మెరుగుపరచాలన్న ఆయన నిర్ణయం గొప్పదిగా చెప్పారు. రాష్ట్రంలో 30 వేలకు పైగా ఆలయాలు ఉన్నాయని, కోట్ల మంది భక్తులు పవిత్ర క్షేత్రాలను వెళ్లేలా మౌలిక సదుపాయాలు ఉండాలన్నారు. ఉన్నట్లుండి జనసేన అధినేత పవన్ కల్యాణ్‌ను సాయిరెడ్డి మోత వెనుక ఏం జరుగుతోంది?

ALSO READ: ఏపీ స్థానిక సంస్థల ఎన్నికలు, కూటమిలో సీట్లు సర్దుబాటు.. 4:1 ఫార్ములాలో జనసేన-బీజేపీ

రేపో మాపో కొత్త పార్టీకి రెడీ అవుతున్న సాయిరెడ్డి, జనసేనతో కలిసి 2029 ఎన్నికల్లో బరిలోకి దిగాలని ఆలోచన చేస్తున్నారా? వైసీపీని నేరుగా ఎటాక్ చేయకుండా పవన్ ద్వారా ఇండైరెక్ట్‌గా టార్గెట్ చేస్తున్నారా? అంటూ కొందరు నేతలు చర్చించుకుంటున్నారు. వైసీపీ గురించి ఒక్క మాట కూడా మాట్లాడలేదు సీనియర్ పొలిటీషియన్.

Dy. CM @PawanKalyan’s decision to improve road connectivity to temples and pilgrimage centres in rural areas is commendable. #AndhraPradesh is home to over 30,000 #temples, and our infrastructure must ensure that crores of devotees can access these sacred places safely and…

— Vijayasai Reddy V (@VSReddy_MP) October 14, 2026

The results of the local body elections in #AndhraPradesh will have no impact on the 2029 Assembly or Lok Sabha elections. The ruling #TDP will naturally have an advantage because of it being in power. Even if #TDP wins, it will not be a measure of its popularity. 2029 elections…

— Vijayasai Reddy V (@VSReddy_MP) October 14, 2026