Nagarjuna Yadav: వైఎస్సార్ కాంగ్రెస్ పార్టీ (వైసీపీ) అధికార ప్రతినిధి నాగార్జున యాదవ్‌ను తెలంగాణ పోలీసులు అరెస్ట్ చేశారు. గుంటూరులోని ఆయన నివాసానికి వెళ్లిన పోలీసులు, నాగార్జున యాదవ్‌ను అదుపులోకి తీసుకున్నారు. ఎలాంటి ముందస్తు నోటీసులు ఇవ్వకుండానే ఈ అరెస్ట్ జరగడంతో ఆయన కుటుంబ సభ్యులు తీవ్ర ఆందోళన వ్యక్తం చేస్తున్నారు.
అరెస్ట్‌కు దారితీసిన కారణం ఇదే..
ఇటీవల ఒక టీవీ ఛానల్ డిబేట్‌లో పాల్గొన్న నాగార్జున యాదవ్, తెలంగాణ ముఖ్యమంత్రి రేవంత్ రెడ్డిని ఉద్దేశించి తీవ్ర వ్యాఖ్యలు చేశారు. సీఎం రేవంత్ రెడ్డిని స్విగ్గీ, జొమాటో డెలివరీ బాయ్స్‌తో పోలుస్తూ ఆయన చేసిన కామెంట్స్ రాజకీయంగా తీవ్ర దుమారం రేపాయి. ముఖ్యమంత్రిపై ఇలాంటి అనుచిత వ్యాఖ్యలు చేయడంతో రంగంలోకి దిగిన తెలంగాణ పోలీసులు, ఆయనను అరెస్ట్ చేసినట్లు తెలుస్తోంది.
Also Read: ఉత్తరప్రదేశ్‌లో దారుణం.. మంచినీళ్లు అనుకుని యాసిడ్ తాగిన యువతి!
అర్ధరాత్రి హైడ్రామా.. కుటుంబ సభ్యుల ఆందోళన
గుంటూరులోని నాగార్జున యాదవ్ ఇంటికి వచ్చిన పోలీసులు తాము ‘తెలంగాణ పోలీసులం’ అని కుటుంబ సభ్యులకు చెప్పారు. అయితే, ఎలాంటి నోటీసులు చూపించకుండా నేరుగా తీసుకెళ్లడంతో ఇంట్లోని వారు కంగారు పడ్డారు. దీనిపై స్థానిక నల్లపాడు పోలీస్ స్టేషన్‌కు సమాచారం అందిస్తామని చెప్పి పోలీసులు ఆయనను వాహనంలో తీసుకెళ్లారు.
ముందస్తు సమాచారం లేకుండా.. స్థానిక పోలీసుల సమక్షం కాకుండా ఇలా అర్ధరాత్రి పూట వచ్చి అరెస్ట్ చేయడం ఏంటని నాగార్జున యాదవ్ కుటుంబ సభ్యులు, వైసీపీ శ్రేణులు ఆగ్రహం వ్యక్తం చేస్తున్నారు. ప్రస్తుతం ఈ అరెస్ట్ ఉమ్మడి ఏపీ, తెలంగాణ రాజకీయాల్లో హాట్ టాపిక్‌గా మారింది.
సీఎం రేవంత్ రెడ్డిపై అనుచిత వ్యాఖ్యలు… వైసీపీ ప్రతినిధి నాగార్జున యాదవ్ అరెస్ట్
తెలంగాణ ముఖ్యమంత్రి రేవంత్ రెడ్డిపై అనుచిత వ్యాఖ్యలు చేసిన వైసీపీ అధికార ప్రతినిధి నాగార్జున యాదవ్‌ను తెలంగాణ పోలీసులు అరెస్ట్ చేశారు. ఇటీవల ఓ టీవీ డిబేట్‌లో పాల్గొన్న ఆయన.. రేవంత్ రెడ్డిని… pic.twitter.com/5qznFjL13U
— BIG TV Breaking News (@bigtvtelugu) July 12, 2026
Share
మీ స్మార్ట్‌ఫోన్ హ్యాక్ అవ్వకుండా ఉండాలంటే.. వెంటనే మార్చాల్సిన 5 సెట్టింగ్స్ ఇవే!
చేతులతోనే ఆలోచిస్తుంది.. రూపం మార్చి శత్రువులనే వణికిస్తుంది.. అసలు దీనికి అంత తెలివి ఎలా వచ్చింది?
