Guinness Record Mileage: చైనీస్ ఆటో మోబైల్ కంపెనీ గీలీ ఆటో సరికొత్త కారును తయారు చేసింది. ఈ కొత్త తరం i-HEV (ఇంటెలిజెంట్ హైబ్రిడ్) వ్యవస్థ ఆటోమొబైల్ రంగంలో సంచలనం సృష్టిస్తోంది. ఈ హైబ్రిడ్ టెక్నాలజీ అధునాతన AI ఆధారిత పవర్ మెయింటెనెన్స్ వ్యవస్థతో పని చేస్తూ, అత్యంత మెరుగైన మైలేజీని అందిస్తోంది. తాజాగా ఈ కారు లీటర్ కు ఏకంగా 45 కి.మీ మైలేజీని సాధించి గిన్నిస్ రికార్డ్ ను క్రియేట్ చేసింది.
ఈ కొత్త i-HEV వ్యవస్థలో AI టెక్నాలజీ కీలక పాత్ర పోషిస్తుంది. డ్రైవింగ్ పరిస్థితులను ముందుగానే అంచనా వేసి, ఏ మోడ్ లో కారు నడవాలో స్వయంగా నిర్ణయిస్తుంది. అవసరాన్ని బట్టి ప్యూర్ ఎలక్ట్రిక్ మోడ్, సిరీస్ హైబ్రిడ్ మోడ్, ప్యారలల్ మోడ్ ల మధ్య మారుతూ, ఇంధన వినియోగాన్ని తగ్గిస్తుంది. దీని వల్ల ఇంజిన్ ఎప్పుడూ గరిష్ట సామర్థ్యంతో పనిచేస్తుంది. ఈ సిస్టమ్లో 48 శాతం కంటే ఎక్కువ థర్మల్ ఎఫిషియెన్సీని కలిగి ఉంది. ఇది ప్రస్తుత హైబ్రిడ్ టెక్నాలజీలతో పోలిస్తే చాలా ఎక్కువ. అలాగే, ఎలక్ట్రిక్ మోటార్ సుమారు 230 kW శక్తిని ఉత్పత్తి చేస్తుంది. కొన్ని సెకన్లలోనే గరిష్ట వేగాన్ని అందుకుంటుంది. సిటీ ట్రాఫిక్ లో స్మూత్ డ్రైవింగ్, మెరుగైన కంట్రోల్, తక్కువ ఇంధన వినియోగం లాంటి ప్రయోజనాలు ఈ టెక్నాలజీ ద్వారా సాధ్యమవుతున్నాయి.
ఈ కొత్త హైబ్రిడ్ వ్యవస్థను గీలీ ప్రిఫేస్, గీలీ మొంజారో లాంటి మోడళ్లలో అందుబాటులోకి తీసుకురావాలని కంపెనీ భావిస్తోంది. ఈ మోడళ్లు కూడా మెరుగైన మైలేజీని అందిస్తాయని తెలుస్తోంది. ప్రిఫేస్ మోడల్ సుమారు 25 కి.మీ./లీటర్ వరకు మైలేజీ ఇస్తే, మొంజారో మోడల్ 21 కి.మీ./లీటర్ వరకు ఇస్తుందని భావిస్తున్నారు. ఇవి ప్రస్తుత మోడళ్లతో పోలిస్తే చాలా ఎక్కువ మైలేజీగా చెప్పుకోవచ్చు.
డిజైన్ పరంగా ఈ కొత్త వేరియంట్లు కీలక మార్పులతో వస్తాయి. కొత్త అల్లాయ్ వీల్స్, ఆకర్షణీయమైన రంగులు, డ్యూయల్ స్క్రీన్ ఇన్ఫోటైన్మెంట్, హైటెక్ కనెక్టివిటీ ఫీచర్లు, వెంటిలేటెడ్, మసాజింగ్ సీట్లు లాంటి సౌకర్యాలు ఇందులో ఉంటాయి. డ్రైవింగ్ అనుభవాన్ని మరింత సౌకర్యవంతంగా మార్చేందుకు ఈ ఫీచర్లు ఉపయోగపడతాయి.
ప్రస్తుతం ప్రపంచ వ్యాప్తంగా హైబ్రిడ్ కార్లపై ఆసక్తి పెరుగుతోంది. ముఖ్యంగా చైనాలో ఈ సెగ్మెంట్ వేగంగా అభివృద్ధి చెందుతోంది. సంప్రదాయ పెట్రోల్ ఇంజిన్తో పాటు ఎలక్ట్రిక్ సిస్టమ్ కలిసిన హైబ్రిడ్ వాహనాలు వినియోగదారులకు మంచి ఆప్షన్ గా మారుతున్నాయి. తక్కువ ఇంధన ఖర్చు, మెరుగైన పనితీరు, తక్కువ పర్యావరణ నష్టం లాంటి కారణాలతో వీటి డిమాండ్ పెరుగుతోంది. గీలీ మాత్రమే కాకుండా ఇతర కంపెనీలు కూడా ఇలాంటి హైబ్రిడ్ టెక్నాలజీలపై దృష్టి పెడుతున్నాయి. భవిష్యత్తులో మరింత తక్కువ ఇంధన వినియోగంతో ఎక్కువ మైలేజీ ఇచ్చే వాహనాలు మార్కెట్లోకి వచ్చే అవకాశాలు కనిపిస్తున్నాయి.
Read Also: ఇది కారు కాదు, చక్రాలపై నడిచే భవంతి.. ఎవరి కోసం తయారు చేశారో తెలుసా?
Share
సీఎం రేవంత్, మంత్రి పొంగులేటిపై అవినీతి ఆరోపణలు.. జగ్గారెడ్డి ఫైర్
ఏఐకి గురువులుగా మారండి.. వేలల్లో సంపాదించండి.. టెక్ రంగంలో సరికొత్త ట్రెండ్
