Honda Alpha EV: ఎలక్ట్రిక్ కార్ల మార్కెట్‌లోకి అడుగుపెట్టేందుకు హోండా సిద్ధమవుతోంది. భారత మార్కెట్ కోసం కంపెనీ తీసుకొస్తున్న తొలి ఎలక్ట్రిక్ SUVకి హోండా ఆల్ఫా (Honda Alpha) అని పేరు పెట్టింది. ఈ కొత్త SUVని డిసెంబర్ 2న భారత్‌లో ప్రపంచ వ్యాప్తంగా ఆవిష్కరించనుంది. దీంతో హోండా ఎలక్ట్రిక్ వాహనాల ప్రయాణం భారత్ నుంచే కీలకంగా ప్రారంభం కానుంది.
హోండా ఈ ఎలక్ట్రిక్ SUVకి సంబంధించిన కాన్సెప్ట్‌ను 2025 అక్టోబర్‌లో 0 ఆల్ఫా (0 Alpha) పేరుతో పరిచయం చేసింది. ఇప్పుడు అదే కాన్సెప్ట్ ఆధారంగా ప్రొడక్షన్ మోడల్‌ను అభివృద్ధి చేస్తోంది. మిడ్‌సైజ్ SUV విభాగంలోకి రానున్న ఈ కారు డిజైన్, ఫీచర్లు, పనితీరుపై ఆటోమొబైల్ ప్రియుల్లో ఆసక్తి నెలకొంది. అయితే, ప్రస్తుతం ఈ SUVకి సంబంధించిన పూర్తి వివరాలను హోండా వెల్లడించలేదు. డిసెంబర్ 2న జరిగే ఆవిష్కరణ సమయంలో మరిన్ని వివరాలు తెలిసే అవకాశం ఉంది.
హోండా ఆల్ఫా ఎలక్ట్రిక్ SUVలో రెండు బ్యాటరీ ప్యాక్ ఆప్షన్లు ఉండనున్నట్లు కంపెనీ కన్ఫార్మ్ చేసింది. ఈ రెండు బ్యాటరీలు కూడా LFP (లిథియం ఐరన్ ఫాస్ఫేట్) టెక్నాలజీతో రూపొందనున్నాయి. వీటి సామర్థ్యం 65kWh నుంచి 75kWh మధ్య ఉండవచ్చని అంచనా. అయితే, కచ్చితమైన బ్యాటరీ సామర్థ్యాలు, ఒక్కసారి ఛార్జ్ చేస్తే ఎంత దూరం వెళ్తుంది? ఛార్జింగ్ సమయం ఎంత? లాంటి వివరాలను కంపెనీ ఇంకా ప్రకటించలేదు. ప్రారంభంలో ఈ SUV సింగిల్ మోటార్‌తో పాటు ఫ్రంట్ వీల్ డ్రైవ్ (FWD) సెటప్‌తో వచ్చే అవకాశం ఉంది. మోటార్ పవర్, టార్క్ వివరాలు కూడా వెల్లడికావాల్సి ఉంది.
హోండా ఆల్ఫా SUVని భారత్‌లోనే తయారు చేయనున్నారు. రాజస్థాన్‌లోని కంపెనీ తపుకారా ప్లాంట్ ఈ వెహికల్ కి ప్రపంచ ఉత్పత్తి కేంద్రంగా పనిచేయనుందని భావిస్తున్నారు. అంటే భారత్‌లో తయారైన ఈ SUVని విదేశీ మార్కెట్లకు కూడా ఎగుమతి చేసే అవకాశం ఉంది.
ఈ SUV పేరును ప్రకటించిన సందర్భంగా హోండా ఇండియా తొలిసారిగా తన కొత్త ‘H’ గుర్తును ఉపయోగించింది. ఇప్పటికే ప్రపంచ వ్యాప్తంగా ఈ కొత్త లోగోను హోండా తీసుకుంది. ఇప్పుడు భారత మార్కెట్‌లోనూ దీని వినియోగం ప్రారంభమైంది. హోండా ఆల్ఫా భారత ఎలక్ట్రిక్ SUV మార్కెట్‌లో కంపెనీకి కీలకమైన మోడల్ కానుంది. దీని ధర, రేంజ్, ఫీచర్లు, విడుదల తేదీ వంటి వివరాలపై స్పష్టత రావాలంటే మరికొంత కాలం వేచి చూడాల్సిందే.
Read Also: ఇన్నోవా క్రిస్టా ధరలు పెరిగాయి.. ఏ వేరియంట్‌పై ఎంతంటే?
Share
సీఎం విజయ్ కొత్త బిల్డింగ్ చూస్తే మైండ్ బ్లాకే.. అసలు ఆ లోపల ఏం జరుగుతోంది?
తమిళనాడుకు షాక్.. ఏపీకి జాక్పాట్.. రూ. 1614 కోట్ల కొరియన్ పెట్టుబడుల వెనుక అసలు కథ!
