Triumph 350cc Bike: యూత్ డ్రీమ్ బైక్.. ట్రయంఫ్ 350సీసీ బైక్స్, మళ్లీ ధర పెంపు, ఈసారి ఎంతంటే..

Triumph 350cc Bike: దేశీయ మార్కెట్లో రకరకాల బైక్స్ దర్శినమిస్తున్నాయి. ఒకప్పుడు బ్రాండ్‌ని పరిశీలించి వాహనాలు కొనుగోలు చేసేవారు. ఇదంతా ఒకప్పటి మాట. ట్రెండ్ మారింది.. కొత్త బైక్స్‌ మార్కెట్‌ని ముంచెత్తుతున్నాయి. అలాంటి వాటిలో యూత్ డ్రీమ్ బైక్ ట్రయంఫ్‌ 350 సీసీ ఒకటి. ఈ బైక్ మీద అలా గాళ్ ఫ్రెండ్ తీసుకుని వెళ్తే ఆ మజాయే వేరు.

యూత్ డ్రీమ్ బైక్.. ట్రయంఫ్ 350సీసీ బైక్స్: తాజాగా ఈ బైక్స్ ధరలు మరోసారి పెరగనున్నాయి. ఏప్రిల్‌లో ఈ సిరీస్ బైక్స్‌ని మార్కెట్లోకి తీసుకొచ్చింది ఆ కంపెనీ. తొలుత జూన్‌లో ఒకసారి ధరలు పెంచింది. నెల గడవకముందే తాజాగా మరోసారి రేట్లు సవరించింది. ఈ క్రమంలో కొత్త బైక్‌ కొనాలనుకునేవారు కాసింత ఆలోచనలో పడ్డారు.

బ్రిటన్‌కు చెందిన ప్రీమియం మోటార్‌ సైకిల్‌ తయారీ సంస్థ ట్రయంఫ్‌. 125 ఏళ్ల కిందట అంటే 1902లో ప్రారంభించారు. ఆ కంపెనీ ట్రెండ్ కు తగ్గట్టుగా యూత్‌ని ఆకట్టుకుంటూ రకరకాల మోడల్స్ ని మార్కెట్లోకి తీసుకొచ్చింది. ముఖ్యంగా స్పోర్ట్స్‌, అడ్వెంచర్‌, క్లాసిక్‌ శైలి బైక్‌లకు ప్రపంచవ్యాప్తంగా మంచి పేరు తెచ్చింది.

ట్రయంఫ్ బైక్స్ ధరల పెంపు: భారత్‌లో ట్రయంఫ్‌ తన బైక్‌లను బజాజ్‌ ఆటో భాగస్వామ్యంతో తయారు చేసి మార్కెట్లోకి దించింది. ముఖ్యంగా స్పీడ్‌-400, స్క్రాంబ్లర్- 400 ఎక్స్‌ వంటి మోడళ్లను బజాజ్‌తో కలిసి తయారు చేసింది. ట్రయంఫ్‌ 350 సీసీ ఇంజిన్‌ బైక్స్‌ని ఏప్రిల్‌లో విడుదల చేసింది. కేవలం 18 శాతం జీఎస్‌టీతో వినియోగదారులకు అందించాలనే ఉద్దేశంతో ఈ నిర్ణయం తీసుకుంది.

ప్రారంభంలో ఆయా బైక్స్ ధరను పెద్దగా పెంచకుండా సామాన్యుడికి అందుబాటులో ఉంచింది. జూన్‌లో స్పీడ్‌- టీ4, స్పీడ్‌- 400, స్క్రాంబ్లర్‌-400 ఎక్స్‌సీ, త్రక్స్‌టన్‌-400 ధరలను పెంచేసింది. లేటెస్ట్‌గా జూలైలో 350 సీసీ శ్రేణిలోని అన్ని మోడళ్ల ధరలను మరోసారి సవరించింది. ఈసారి పెంపు 1.22 నుంచి 5.03 శాతం వరకు పెరగనున్నాయి.

రూ. 3 నుంచి 10 వేల వరకు పెంపు: అన్ని మోడళ్లలో స్పీడ్‌ టీ4 ధర అధికంగా పెరిగింది. దీనిపై దాదాపు రూ.10 వేల పెంచారు. ఇప్పుడు ఆ బైక్ ధర రూ.1.99 లక్షల నుంచి రూ.2.09 లక్షలకు చేరింది. విడుదలైనప్పుడు ధరతో పోలిస్తే దాదాపు రూ.14 వేలు ఎక్కువ. స్పీడ్‌ 400 బైక్ గురించి చెప్పనక్కర్లేదు. రూ.2.34 లక్షల నుంచి రూ.2.40 లక్షలకు పెంచింది.

ALSO READ: మారుతి, మహీంద్రాకు షాక్.. టాప్‌ లో టాటా పంచ్!

ఇక ట్రాకర్‌ 400 ధర అన్నింటి కంటే తక్కువగా రూ.3 వేల వరకు పెంచారు. ధర రూ.2.46 లక్షల నుంచి రూ.2.49 లక్షలకు చేరిందన్నమాట. స్క్రాంబ్లర్‌-400 ఎక్స్‌ ధర రూ.2.59 లక్షల నుంచి రూ.2.65 లక్షలకు చేరింది. త్రక్స్‌టన్‌-400 ధర రూ.2.70 లక్షల నుంచి రూ.2.75 లక్షలకు, స్క్రాంబ్లర్‌-400 ఎక్స్‌సీపై రూ.5 వేల పెంపుతో దాదాపు రూ.2.99 లక్షలకు చేరింది.