Vinfast VF3 India Launch: భారత ఎలక్ట్రిక్ కార్ల మార్కెట్లో చిన్న కార్లకు డిమాండ్ పెరుగుతోంది. ముఖ్యంగా సిటీల్లో రోజువారీ ప్రయాణాలకు సరిపోయే కాంపాక్ట్ ఎలక్ట్రిక్ కార్లను కొనుగోలు చేసేందుకు చాలామంది ఆసక్తి చూపిస్తున్నారు. ఈ నేపథ్యంలో వియత్నాంకు చెందిన ఎలక్ట్రిక్ వాహన తయారీ సంస్థ విన్ ఫాస్ట్ తన చిన్న ఎలక్ట్రిక్ కారు VF3ను భారత్లో విడుదల చేయడానికి సిద్ధమవుతోంది. త్వరలో ఈ కారు మార్కెట్ లోకి అడుగు పెట్టనుంది. ఇప్పటికే 2025 భారత్ మొబిలిటీ గ్లోబల్ ఎక్స్ పోలో ఈ కారును కంపెనీ ప్రదర్శించింది. చిన్న సైజు, SUV తరహా డిజైన్, 200 కిలోమీటర్లకు పైగా రేంజ్ తో ఆకట్టుకోనుంది.
భారత్లో విన్ ఫాస్ట్ VF3 ప్రారంభ ధర సుమారు రూ.10 లక్షల ఎక్స్ షోరూమ్ గా ఉండొచ్చని తెలుస్తోంది. అయితే ఇండియా-స్పెక్ మోడల్ ధరను కంపెనీ ఇంకా అధికారికంగా వెల్లడించలేదు. అలాగే, 2026లోనే విడుదల చేయనున్నట్లు కంపెనీ తెలిపినప్పటికీ, కచ్చితమైన లాంచ్ డేట్ ఇంకా ప్రకటించలేదు.
VF3 చూడటానికి చిన్న కారులా ఉన్నప్పటికీ, దీని డిజైన్ మాత్రం SUV తరహాలో ఉంటుంది. బాక్సీ ఆకారం, ఎత్తైన బాడీ, మంచి గ్రౌండ్ క్లియరెన్స్ దీని ప్రత్యేకతలు. సుమారు 191 మి.మీ గ్రౌండ్ క్లియరెన్స్ ఉండటం వల్ల సిటీ రోడ్లపై డ్రైవింగ్కు ఉపయోగకరంగా ఉంటుంది. ఇది రెండు డోర్ల కారు. ఇందులో నలుగురు ప్రయాణించవచ్చు. వెనుక సీట్లలోకి వెళ్లేందుకు ముందు సీటును ముందుకు జరపాల్సి ఉంటుంది. చిన్న పరిమాణం కారణంగా ట్రాఫిక్ లో ఈజీగా నడపడంతో పాటు పార్కింగ్ కూడా ఈజీగా ఉంటుంది.
గ్లోబల్ స్పెక్ VF3లో 18.64 kWh బ్యాటరీ ప్యాక్ ఉంటుంది. ఒక్కసారి ఛార్జ్ చేస్తే 215 కి.మీ వరకు ప్రయాణించవచ్చు. అయితే ఇది టెస్ట్ సైకిల్ ఆధారంగా వెల్లడించిన రేంజ్. రియల్ వరల్డ్ లో ట్రాఫిక్, వేగం, వాతావరణం, డ్రైవింగ్ విధానం లాంటి అంశాలపై రేంజ్ మారే అవకాశం ఉంటుంది. ఈ కారులో వెనుక భాగంలో ఎలక్ట్రిక్ మోటార్ ఉంటుంది. ఇది సుమారు 41-43.5hp పవర్, 110Nm టార్క్ అందిస్తుంది. రియర్ వీల్ డ్రైవ్ సెటప్ ఉండటం దీని మరో ప్రత్యేకత.
VF3లో ఫాస్ట్ ఛార్జింగ్ సదుపాయం కూడా ఉంది. 10 నుంచి 70 శాతం వరకు బ్యాటరీని సుమారు 36 నిమిషాల్లో ఛార్జ్ చేయవచ్చు. రోజువారీ సిటీ ప్రయాణాలకు ఇది ఉపయోగకరంగా ఉంటుంది. క్యాబిన్ ను సింపుల్ గా తయారు చేశారు. ఇందులో 10 అంగుళాల ఫ్లోటింగ్ టచ్ స్క్రీన్, రెండు స్పోక్ల స్టీరింగ్ వీల్ ఉన్నాయి. మాన్యువల్ ఏసీ, ఫ్రంట్ పవర్ విండోస్ లాంటి ఫీచర్లు కూడా లభిస్తాయి. భద్రత కోసం ABS, EBD, ఎయిర్బ్యాగ్లు, రియర్ పార్కింగ్ సెన్సార్లు లాంటి ఫీచర్లు ఉన్నాయి. అయితే, భారత్ లో విడుదలయ్యే మోడల్ లో తుది ఫీచర్లను కంపెనీ వెల్లడించాల్సి ఉంది. భారత్లోకి వచ్చిన తర్వాత VF3 ప్రధానంగా MG Comet EVతో పోటీ పడే అవకాశం ఉంది.
Read Also: డిజైర్ To పంచ్.. రూ. 10 లక్షల్లోపు బెస్ట్ CNG కార్లు ఇవే!
Share
ఫీజు రీయంబర్స్మెంట్కే దిక్కులేదు.. విదేశీ విద్య అంటే నమ్మాలా?.. బండి సంజయ్ చురకలు
తప్పు చేసినా అంగీకరించరు.. ఈ తేదీల్లో పుట్టినవారికి ఈగో, మొండితనం ఎక్కువ
