Bhadradri: రహస్యంగా మొదలైన ప్రతి అక్రమ బంధం.. బహిరంగమైన రోజు తెచ్చే ప్రళయాన్ని తట్టుకోలేరు. కక్షలు, కత్తులు, కన్నీటి వరదలు ఊరు ఊరంతా రగిలే చిచ్చును ఎవరూ ఆపలేరు. భద్రాది కొత్తగూడెం జిల్లా జింకలగూడెం గ్రామానికి చెందిన ఇస్మాయిల్‌, మౌలానా ఇద్దరు ప్రాణస్నేహితులే.. కానీ ఇప్పుడు ప్రాణాలు తీసుకునేంత బద్ధశత్రువులయ్యారు. ఓ వైపు ఆవుల అక్రమ రవాణాను మౌలానా అడ్డుకుంటున్నాడన్న కసి.. మరోవైపు వివాహేతర బంధం తెచ్చిపెట్టిన ద్వేషం ఇస్మాయిల్‌లో రాక్షసత్వాన్ని నింపాయి.
లాస్ట్ సండే మౌలానా నడిరోడ్డుపై విపరీతమైన గాయాలతో రక్తంమడుగులో పడి ఉన్నాడు. గ్రామస్తులు హుఠాహుటినా ఖమ్మం ఆస్పత్రికి తరలించారు. ఇస్మాయిల్‌ కావాలనే కారుతో ఢీకొట్టి మౌలానాను చంపాలని చూశాడని ఆయన కుటుంబసభ్యులు ఆరోపిస్తున్నారు. ఏం జరిగిందో పక్కన పెడితే.. మౌలానా పరిస్థితి విషమించింది. శనివారం తెల్లవారుజామున ఆస్పత్రి బెడ్‌పైనే ప్రాణాలు విడిచాడు.
మౌలానా మృతి వార్త.. గ్రామంలో దావానలంలా వ్యాపించింది. ప్రాణానికి ప్రాణంగా చూసుకున్న వ్యక్తిని పోగొట్టుకున్న దుఃఖం.. క్షణాల్లోనే ఆగ్రహంగా మారింది. ఆవేశం నషాళానికెక్కిన గ్రామస్తులు నేరుగా నిందితుడు ఇస్మాయిల్‌ ఇంటిపైకి దూసుకెళ్లారు. ఇంటిపై పెట్రోల్ పోసి నిప్పంటించారు. మంటల్లో కాలిపోతున్న ఆ ఇల్లు.. ఎన్నో ఏళ్ల కక్షను, ద్వేషాన్ని కళ్లకు కట్టినట్టు చూపించింది.
Also raed: నాగార్జున వర్సెస్ షారుక్ ఖాన్ బాక్సాఫీస్ గెలుపెవరిది?
అంతటితో ఆగలేదు కుటుంబసభ్యులు.. మౌలానా పార్థివదేహాన్ని నేరుగా నిందితుడి ఇంటి ముందే ఉంచి కన్నీటి నిరసనకు దిగారు. రోదనలు.. ఆవేశపూరిత నినదాలతో ఆ వీధి దద్దరిల్లిపోయింది. పోలీసులు హుటాహుటిన ఘటనాస్థలికి పరుగులు తీసి మంటలను ఆర్పివేశారు. ఆందోళనకారులను చెదరగొట్టి ఎలాగోలా పరిస్థితిని అదుపులోకి తెచ్చారు.
ఒక్క తప్పటడుగు ఇంటి గోడల్లో పగుళ్ల చరిత్రను పరిచయం చేసింది. క్షణికమైన మోహం వెంట పరుగులు తీస్తే చివరకు మిగిలేది రక్తపు చరిత్రలే.. నెత్తుటి గాయాలే.. అక్రమ సంబంధాలవైపు అడుగులు వేశారా. మీ కుటుంబాల్ని మీరే పాతళంలోకి నెట్టిసినట్టే..
Also read: నాకే ప్లాస్టిక్ బాటిల్ ఇస్తావా?..ఫైర్ అయిన స్టార్ డైరెక్టర్..అసలేం జరిగిందంటే?
Share
ప్రీతి జింటాకు వెన్నుపోటు...శ్రేయాస్ అయ్యర్ యూ-టర్న్ ?
కరువు నేలకు కృష్ణా జలాలు.. ప్రకాశం, నెల్లూరు, కడప జిల్లాల్లో మారనున్న రూపురేఖలు!
