BRS Strategy: స్వేచ్ఛ బ్యూరో: రాష్ట్రంలో రాబోయే అసెంబ్లీ సమావేశాల వేళ కాంగ్రెస్ ప్రభుత్వాన్ని ఎండగట్టేందుకు ప్రతిపక్ష బీఆర్ఎస్ పక్కా వ్యూహాలు సిద్ధం చేస్తోంది. ఈ నెల 6న ఎర్రవెల్లిలోని ఫామ్‌హౌస్‌లో బీఆర్ఎస్ శాసనసభాపక్ష సమావేశం నిర్వహించనున్నారు. పార్టీ అధినేత కేసీఆర్ అధ్యక్షతన జరగనున్న ఈ భేటీకి ఎమ్మెల్యేలు, ఎమ్మెల్సీలంతా తప్పనిసరిగా హాజరుకావాలని సమాచారం అందించారు.
ప్రభుత్వం విధించిన 22ఏ నిషేధిత జాబితా వివాదంపై సభలో నిరసనకు ప్లాన్ చేస్తున్నట్లు సమాచారం. నల్లబ్యాడ్జీలు ధరించి, ప్లకార్డులు చేతబూని అసెంబ్లీలోకి వెళ్లి నిరసన తెలపడం ద్వారా సభను స్తంభింపజేయాలని భావిస్తున్నట్లు సమాచారం. సాగునీటి ప్రాజెక్టుల నిర్వహణ, కాళేశ్వరం బ్యారేజీలు, రైతు రుణమాఫీ, శాంతిభద్రతల సమస్యలను ప్రధానంగా లేవనెత్తాలని భావిస్తున్నారు. కాంగ్రెస్ పాలనా వైఫల్యాలను అసెంబ్లీ వేదికగా గట్టిగా నిలదీసేందుకు కేసీఆర్ నాయకత్వంలో బీఆర్ఎస్ వ్యూహాత్మకంగా ముందుకు సాగుతోంది.
Also read: హీరో, హోండాకు టీవీఎస్ షాక్.. ఆగస్టులో నంబర్ వన్ టూ వీలర్ కంపెనీగా రికార్డ్!
అదే విధంగా సభ వేదికగా ప్రభుత్వంపై ఏ విధంగా విరుచుకుపడాలి, ప్రజా సమస్యలపై ఎలాంటి వైఖరి అవలంబించాలనే అంశాలపై నేతలకు కేసీఆర్ దిశా నిర్దేశం చేయనున్నారు. కాంగ్రెస్ పాలన ప్రారంభమై వెయ్యి రోజులు పూర్తవుతున్న సందర్భంగా ఇచ్చిన డిక్లరేషన్లు, 6 గ్యారంటీల అమలు వైఫల్యాన్ని సభలో ప్రధానంగా నిలదీసేందుకు సన్నాహాలు చేస్తున్నారు. సభలో నిరసనను ఉధృతం చేసేందుకు గులాబీ దళం కసరత్తు చేస్తోంది. తీర్మాణాలను సైతం ప్రవేశపెట్టాలని భావిస్తున్నట్లు సమాచారం.కాంగ్రెస్ తీరును ఎండగడుతూ శాసనసభలో ఆందోళనలను మరింత తీవ్రతరం చేయడమే లక్ష్యంగా బీఆర్ఎస్ ఈ భేటీ ద్వారా తమ కార్యరూపాన్ని సిద్ధం చేసుకోనున్నట్లు సమాచారం.
శాసన సభ సమావేశాలు ఈ నెల 7 నుంచి ప్రారంభం కానున్నాయి. ఈనేపథ్యంలో, బీఆర్ఎస్ పార్టీ శాసన సభా పక్ష సమావేశం నిర్వహించాలని పార్టీ అధినేత కేసీఆర్ నిర్ణయించారు. ఈనెల 6న ఎర్రవెల్లి నివాసంలో మధ్యాహ్నం 1 గంటకు లంచ్ చేయనున్నారు. అనంతరం 2 గంటలకు కేసీఆర్ అధ్యక్షతన పార్టీ శాసనసభా పక్షం భేటీ అవుతుంది. శాసన సభ్యులు, శాసన మండలి సభ్యులతో కూడిన సంయుక్త సమావేశం జరగనున్నది.ఈ సమావేశానికి హాజరుకావాలని పార్టీ ఎమ్మెల్యేలు ఎమ్మెల్సీలకు సూచించారు.
Also read: ఇరుముడి ఊపు తగ్గలేదుగా…మరో రికార్డుపై కన్నేసిన రవితేజ !
Share
నాని ఫ్యాన్స్ కి బ్యాడ్ న్యూస్..మళ్ళీ వాయిదా దిశగా ప్యారడైజ్!
ఒంటరి మనుషులే టార్గెట్... సైకో వదిలిన క్లూస్తో ఊపిరి బిగపట్టే పోలీస్ ఇన్వెస్టిగేషన్ తెలుగులో
