ఏనుగు చర్మం తరహాలో.. సరికొత్త టైల్స్, ఇల్లంతా కూల్ కూల్!

Cooling Tiles: అమెరికాలోని యూనివర్సిటీ ఆఫ్ పెన్సిల్వేనియా పరిశోధకులు ప్రత్యేకమైన సిమెంట్ టైల్స్‌ను రూపొందించారు. ఇవి ఆఫ్రికన్ ఏనుగుల ముడతల చర్మాన్ని పోలి ఉంటాయి. ఏనుగుల చర్మంపై ఉండే పగుళ్లలో నీరు నిలిచి, నెమ్మదిగా ఆవిరవుతుంది. దీంతో ఏనుగు శరీరం చల్లబడుతుంది. ఇదే సూత్రాన్ని ఈ కొత్త టైల్స్‌లో ఉపయోగించారు.

ఎర్త్ అనే రంధ్రాలు..

సాధారణంగా భవనాలపై నీళ్లు చల్లితే అవి వెంటనే జారిపోతాయి. కానీ ఈ టైల్స్‌లో కావాలనే చిన్న చిన్న పగుళ్లను ఏర్పాటు చేశారు. ఇవి నీటిని పీల్చుకుని, మొత్తం సర్ఫేస్ పై నెమ్మదిగా విస్తరించేలా చేస్తాయి. ఈ టైల్స్‌లో సిమెంట్‌తో పాటు డయాటమేసియస్ ఎర్త్ అనే రంధ్రాలున్న పదార్థాన్ని ఉపయోగించారు. నీటిని ఇవి 0.05 సెకన్లలోపే పీల్చుకోగలవు.

Also Read: టైపింగ్ మాత్రమే కాదు..మీ ఫోన్ కీబోర్డ్ చేసే అద్భుతమైన పనులు ఇవే!

నీళ్లు చల్లినప్పుడు..

పరిశోధనలో ఇన్‌ఫ్రారెడ్ వేడి కింద, మధ్య మధ్యలో నీళ్లు చల్లినప్పుడు టైల్స్ కింద ఉష్ణోగ్రత సుమారు 32 డిగ్రీల సెల్సియస్‌గా ఉంది. అదే సమయంలో పగుళ్లు ఉన్న సాధారణ టైల్స్ కింద 42 డిగ్రీలు, పగుళ్లు లేని టైల్స్ కింద ఏకంగా 52 డిగ్రీలకు ఉష్ణోగ్రత చేరింది. ఈ టెక్నాలజీ భవనాల సర్ఫేస్ టెంపరేచర్ ను జనరల్ టైల్స్ తో పోలిస్తే 6 నుంచి 11 డిగ్రీల వరకు తగ్గించగలదని పరిశోధకులు చెబుతున్నారు. భవిష్యత్తులో వాతావరణ పరిస్థితులను బట్టి అవసరమైనంత నీటిని మాత్రమే ఉపయోగించి భవనాలను చల్లగా ఉంచే వ్యవస్థగా అభివృద్ధి చేయాలన్నది పరిశోధకుల టార్గెట్.

Also Read: ‘కేటీఆర్ పిల్లలే చెప్పారు’.. బీఆర్ఎస్ గుట్టు విప్పిన సామా రామ్మోహన్!