పెట్రోల్ ధరల మానిటరింగ్ కోసం.. యూకే ప్రభుత్వం సరికొత్త పథకం!

Fuel Prices: పెట్రోల్ ధరలు ఎక్కడ తక్కువ..? డీజిల్ ఏ బంకులో చవకగా దొరుకుతుంది..? ఈ వివరాల కోసం ఇక యూకే వాహనదారులు ప్రత్యేకంగా వెతకాల్సిన అవసరం లేదు..! చేతిలో గూగుల్ మ్యాప్స్ ఉంటే చాలు.. దగ్గర్లోని పెట్రోల్ బంకుల ధరలు తెలుసుకోవచ్చు..!

పెట్రోల్, డీజిల్ ధరల వివరాలు..

బ్రిటన్ ప్రభుత్వం, గూగుల్ కలిసి ఈ సదుపాయాన్ని అందుబాటులోకి తెచ్చాయి. గూగుల్ మ్యాప్స్ ఓపెన్ చేసి దగ్గర్లోని పెట్రోల్ బంకు కోసం సెర్చ్ చేస్తే అక్కడ పెట్రోల్, డీజిల్ ధరల వివరాలు కనిపిస్తాయి. దీంతో వేర్వేరు బంకుల్లో ధరలను పోల్చుకుని.. తక్కువ ధరకు ఇంధనం అందించే బంకును ఎంచుకోవచ్చు. ఈ సదుపాయం వెనుక బ్రిటన్ ప్రభుత్వం తీసుకొచ్చిన ‘ఫ్యూయల్ ఫైండర్’ పథకం ఉంది. అక్కడ పెట్రోల్ బంకులు ధరల్లో మార్పులు జరిగిన 30 నిమిషాల్లోగా కొత్త ధరలను నమోదు చేయడం తప్పనిసరి. ఈ వివరాలనే గూగుల్ మ్యాప్స్‌కు అనుసంధానించారు. నిబంధనలు పాటించని బంకులపై జరిమానాలు విధించే అవకాశం కూడా ఉంది.

ధరల సమాచారం..

ఇప్పటికే వేజ్, ఏఏ, ఆర్‌ఏసీ వంటి ప్లాట్‌ఫామ్స్‌లో అందుబాటులో ఉన్న ఇంధన ధరల సమాచారం.. ఇప్పుడు గూగుల్ మ్యాప్స్ ద్వారా మరింత మంది వాహనదారులకు చేరనుంది. ధరల పెరుగుదలతో ఇబ్బంది పడుతున్న బ్రిటన్ వాహనదారులకు.. ఈ ఫీచర్ కొంత ఊరటనిచ్చే అవకాశం ఉంది.

Also Read: భయమేస్తోంది అంటున్న విజయ్.. రష్మిక.. బయటకు కనిపించవు సుమీ!