Double Bedroom: కొబ్బరికాయ కొట్టింది ఒకరు.. గుమ్మడికాయ కొట్టింది మరొకరు.. హన్మకొండ డబుల్ బెడ్రూం ఇళ్ల పంపిణీ వేదికపై ఇదే సీన్ కనిపించింది. డబుల్ బెడ్రూం తాము కట్టించామంటే లేదు.. లేదు తామే కట్టించామంటూ బీఆర్ఎస్, కాంగ్రెస్ నేతలు గగ్గోలు పెట్టారు. బీఆర్ఎస్ హయాంలో సగం చేసి వదిలేస్తే.. తామే పూర్తి చేశామని మంత్రి పొంగులేటి శ్రీనివాస్ అనడంతో అదే వేదికపై ఉన్న బీఆర్ఎస్ ఎమ్మెల్యే కౌశిక్ రెడ్డి అడ్డుకున్నారు. బరాబర్ కేసీఆరే కట్టించారంటూ చెప్పుకొచ్చారంటూ సవాల్ చేశారు. ఈ సీన్ చూసిన రెండు పార్టీల కార్యకర్తలు పోటాపోటీగా నినాదాలు చేస్తూ సభా వేదిక వైపు దూసుకెళ్లడంతో ఒక్కసారిగా ఇళ్ల పంపిణీ పండుగ గందరగోళంగా మారింది.
కట్టింది బీఆర్ఎస్సా? పూర్తి చేసింది కాంగ్రెసా?
డబుల్ బెడ్రూం ఇళ్లను కట్టింది బీఆర్ఎస్సా? పూర్తి చేసింది కాంగ్రెసా? అన్నది పక్కనపెడితే.. దశాబ్దాలుగా ఇళ్లు లేక అల్లాడుతున్న పేదలకు తాళాలు అప్పగించే పవిత్రమైన వేదికను.. రాజకీయ రగడగా మార్చడం ఎంతవరకు సమంజసం. క్రెడిట్ నాదంటే నాది అని కొట్టుకోవడం మాని.. మిగిలిన ఇళ్లను కూడా త్వరితగతిన పూర్తి చేసి అర్హులకు అందించడమే ప్రజాప్రతినిధులు చేయాల్సిన అసలైన బాధ్యత.
Share
ఆ విషయంలో అమల చాలా లక్కీ - నాగార్జున
ప్రియాంక కుటుంబానికి తక్షణ న్యాయం ఎప్పుడు?
