Illegal RMP Clinics: వైద్యం అంటే ప్రాణం పోసే పవిత్రమైన వృత్తి. కానీ, తెలుగు రాష్ట్రాల్లో కొందరు అర్హత లేని ఆర్ఎంపీలు స్టెటత్స్కోప్ మెడలో వేసుకొని ప్రాణాలు తీసే వ్యాపారంగా మార్చేస్తున్నారు. చదువుకున్న చదువుకు, చేసే ట్రీట్మెంట్కు సంబంధం లేదు. ప్రాథమిక చికిత్స మాత్రమే చేయాల్సిన ఆర్ఎంపీలు పరిమితులు దాటి ప్రజల ప్రాణాలతో ప్రయోగాలు చేస్తున్నారు. RMP పేరుతో క్లినిక్ పెట్టి…తెలిసి తెలియన విజ్ఞానంతో సెలైన్లు, ఇంజెక్షన్లు, మందులు ఇస్తూ.. చివరకు ప్రాణాలకే ముప్పు తెస్తున్నారు. ఖమ్మంలో మద్యం సేవించి ట్రీట్మెంట్ చేసినట్లు ఆరోపణలు ఎదుర్కొంటున్న ఓ RMP… చిన్నారికి ఇంజెక్షన్ ఇవ్వగా ప్రాణాలు కోల్పోయిన ఘటన వైద్యవృత్తికే మాయని మచ్చగా మారింది.
ఆరోగ్యశాఖ తనిఖీలు ఎక్కడ?
ఇటీవల జనగామలో మరో షాకింగ్ ఘటన. అర్హత లేకుండానే RMP, ANM కలిసి అబార్షన్ చేసినట్లు ఆరోపణలు వచ్చాయి. పరిస్థితి విషమించడంతో మహిళ ప్రాణాపాయ స్థితికి చేరింది. ఈ ఆర్ఎంపీ డాక్టర్లకు ఏం రోగం వచ్చింది. ప్రజల ప్రాణాలు పోతున్నా పట్టింపులేదా? వీళ్లంటే డబ్బుల కోసం కక్కర్తుపడుతున్నారు సరే.. వైద్యాధికారులు ఏం చేస్తున్నారు. ఇలాంటి ఘటనలు జరిగిన తర్వాతే దాడులు… క్లినిక్ల సీజ్లు… కేసులు… ఆ తర్వాత మళ్లీ అంతా మామూలే. ఇదే చక్రం ఏళ్లుగా తిరుగుతోంది. ఆరోగ్యశాఖ తనిఖీలు ఎక్కడ? అక్రమ క్లినిక్లపై శాశ్వత చర్యలు ఎందుకు లేవు?
Share
అమెరికా ఫస్ట్ ప్రెసిడెంట్కి ఇంత ఘోరమైన ఫ్లాష్బ్యాక్ ఉందా? ఈ మూవీని డోంట్ మిస్
హార్ధిక్ పాండ్యాకు వరుస ఆఫర్లు...అడ్డుకట్ట వేసిన అంబానీ ?
