Khairatabad Bypoll: ఖైరతాబాద్ ఉప ఎన్నిక ఇప్పుడు మరింత ఆసక్తికరంగా మారింది. తెలంగాణ రక్షణ సేన కూడా బరిలోకి దిగుతుందని.. పార్టీ అధ్యక్షురాలు కవిత ప్రకటించారు. ఉప ఎన్నికలో తమ అభ్యర్థిని నిలబెడతామని ఆమె స్పష్టం చేశారు. ఈ ఏడాదే కొత్త పార్టీని ప్రారంభించిన ఆమె.. ఇప్పుడు సొంత జెండా, అజెండాతో.. రాజకీయాల్లో తన మార్క్ వేయాలని ప్రయత్నిస్తున్నారు. ఇలాంటి సమయంలో.. ఖైరతాబాద్ బైపోల్ని రాజకీయంగా వాడుకోవాలని డిసైడ్ అయ్యారు.
మరోవైపు.. రేవంత్ రెడ్డి ప్రభుత్వంపైనా కవిత విరుచుకుపడ్డారు. ఇది కేవలం మాటల ప్రభుత్వమని, చేతలు శూన్యమని ఆరోపించారు. ప్రభుత్వ వైఫల్యాలను కప్పిపుచ్చుకునేందుకే.. కేటీఆర్ ఫామ్హౌస్ పేరిట డ్రామాలు ఆడుతున్నారని మండిపడ్డారు. అంతా లోపాయికారీ ఒప్పందాలేనని, ఫామ్హౌస్లపై చర్యలు ఉండవని చెప్పారు. ఈ విమర్శలు పక్కనబెడితే.. కవిత పార్టీ టీఆర్ఎస్.. ఖైరతాబాద్ బరిలోకి దిగుతుండటమే.. బిగ్ పొలిటికల్ డెవలప్మెంట్. పార్టీ ఫిరాయింపు వ్యవహారంలో.. సిట్టింగ్ ఎమ్మెల్యే దానం నాగేందర్పై అనర్హత వేటు పడింది. దాంతో.. ఉపఎన్నిక అనివార్యమైంది. ఈ నియోజకవర్గంలో.. కాంగ్రెస్, బీఆర్ఎస్, బీజేపీ మధ్య ట్రయాంగిల్ ఫైట్ ఉంటుందని రాజకీయ వర్గాలు అంచనా వేస్తున్నాయి.
ఇప్పుడు బరిలోకి కవిత పార్టీ కూడా చేరడంతో.. ఖైరతాబాద్ పాలిటిక్స్ మరింత హీటెక్కాయ్. అయితే.. టీఆర్ఎస్ నుంచి బైపోల్ బరిలో ఎవరు దిగుతారన్నది త్వరలోనే తేలిపోతుంది. ఎవరు పోటీ చేసినా.. కవిత పార్టీకి హైదరాబాద్ లాంటి ఏరియాలో ఎంత ఆదరణ దక్కుతుందనేది ఆసక్తి రేపుతోంది. సిటీ పీపుల్లో టీఆర్ఎస్కు ఎంత సపోర్ట్ ఉందనేది కూడా క్లియర్ అయిపోతుంది. ఈ ఉపఎన్నికలో గెలుపోటములని పక్కనబెడితే.. పోటీ చేస్తే తెలంగాణ రక్షణ సేనకు పొలిటికల్గా పాపులారిటీ దక్కుతుంది. అటు బీఆర్ఎస్, ఇటు కాంగ్రెస్పై ఒకేసారి విమర్శలు గుప్పిస్తున్న కవిత.. ఖైరతాబాద్ బరిలో ఎవరిని నిలబెడతారనేదే ఇప్పుడు చర్చ.
Also read: పిల్లలకు గెలవడం మాత్రమే కాదు, ఓటమిని ఎలా ఎదుర్కోవాలో కూడా నేర్పాలి
Share
బుమ్రా బౌలింగ్ లో ఈ సారి ఫర్హాన్ 6 బంతుల్లో 6 సిక్సర్లు కొడతాడు
మిస్టర్ బీస్ట్తో రణ్బీర్.. ‘జై శ్రీరామ్’ అనిపించిన హీరో!
