Excise Office: ఇది ఖమ్మం జిల్లా నేలకొండపల్లిలోని ఎక్సైజ్ శాఖ కొత్త కార్యాలయం. ప్రభుత్వ కార్యాలయం కోసం సుమారు 34 లక్షలతో నిర్మించారు. ఐదేళ్లు గడిచినా ఇప్పటికీ ప్రారంభానికి నోచుకోలేదు. అటు అధికారులు మాత్రం ఏళ్లుగా అద్దె భవనంలోనే విధులు నిర్వహిస్తున్నారు.
సొంత భవనం ఇలా ఉంటే ఎలా వినియోగంలోకి తీసుకురావాలన్నదే ప్రశ్న. భవనం గోడలకు పెద్దపెద్ద పగుళ్లు కనిపిస్తున్నాయి. తలుపులు దెబ్బతిన్నాయి. కొన్ని చోట్ల ఊడిపోయే పరిస్థితి కనిపిస్తోంది. గదుల్లో ఫ్లోరింగ్ కూడా కుంగిపోయింది. ప్రారంభోత్సవానికి ముందే భవనం ఈ స్థితికి చేరడంపై స్థానికులు అనుమానాలు వ్యక్తం చేస్తున్నారు. ఓవైపు సొంత భవనం నిరుపయోగంగా ఉంటే.. మరోవైపు అద్దె భవనంలోనే ఎక్సైజ్ కార్యాలయం కొనసాగుతోంది. దీంతో ప్రభుత్వానికి అదనపు అద్దె భారం పడుతోందని స్థానికులు చెబుతున్నారు.
నేలకొండపల్లితో పాటు కూసుమంచి, ముదిగొండ మండలాల ప్రజలకు ఈ కార్యాలయం సేవలు అందిస్తోంది. అలాంటి శాఖకు శాశ్వత భవనం ఉన్నా అది అందుబాటులోకి రాకపోవడంపై స్థానికులు ప్రశ్నిస్తున్నారు. భవనాన్ని క్షేత్రస్థాయిలో పరిశీలించి.. నిర్మాణ లోపాలు ఉంటే గుర్తించి అవసరమైన మరమ్మతులు చేపట్టాలని కోరుతున్నారు. ప్రజాధనంతో నిర్మించిన భవనం ప్రారంభానికి ముందే పాడైపోవడానికి కారణమేంటి? నిర్మాణ నాణ్యతపై సమగ్రంగా తనిఖీ చేశారా? మరమ్మతులు పూర్తయ్యాకే కార్యాలయాన్ని తరలిస్తారా?ఈ ప్రశ్నలకు అధికారులు సమాధానం చెప్పాల్సి ఉంది.
Also read: దేశంలో 13 శాతం వర్షపాతం లోటు.. ఆహార భద్రతపై నిపుణులు ఆందోళన!
Share
దేశంలో 13 శాతం వర్షపాతం లోటు.. ఆహార భద్రతపై నిపుణులు ఆందోళన!
సుడిగాలి సుధీర్ ‘గోట్’కు మరో రిలీజ్ డేట్.. ఈసారి ఏమవుతుందో?
